Қазыбек Иса. Тіл шеруіне жол жоқ – жын шеруіне жол көп!

3
1027

2020 жылы 15 желтоқсанда, Тәуелсіздік мерекесі қарсаңында «Ақ жол» партиясы Мемлекеттік тілді қолдау туралы митинг өткізбекші болғанда, билік пандемияны желеу етіп, рұқсат бермеді. МЕМЛЕКЕТ МЕМЛЕКЕТТІК ТІЛІН ҚОЛДАУ МИТИНГІСІНЕ ҚАРСЫ БОЛДЫ! Негізі Тәуелсіздік алғанына 30 жыл болса да, Мемлекеттік тілін қолдау үшін митингі сұрап, депутаттық сауал жасап жүрген ел әлемде жалғыз Қазақстан ғана! Ал сол күні ресми рұқсат берілмесе де, митингіге шыға беруге билік рұқсат беріп қойған әдеттегідей үйреншікті сценариймен кезекті оншақты адам шықты…

Ал кеше Алматыдағы гендерлік теңдік тақырыбымен әйелдер құқын қорғауға арналған шеру болып өтті.
Әрине, әйел құқын қорғау қашанда маңызды. Қазақ халқы о бастан үкілеген қызын төрге отырғызып, аяулы ананы ардақтап, асыл жарын құрметтеп өскен халық. Бірақ, ешуақытта қазақ әйелі пір тұтатын ерімен өзін теңестіріп, ерсілік жасамаған, әйелге тән әдебімен, пайым-парасатымен қасиетті саналады. Қазақтың батырлар жырын алсаңыз да, Алпамыс батырмен бірге Гүлбаршын, Қобыландымен Құртқа, Ер Тарғынмен Ақжүніс қатар айтылып, дәріптеліп келе жатыр.

Бірақ кешегі шеру ішіндегі «Жатырымыз өзіміздікі, оны не істейтінімізді өзіміз шешеміз» деген ұрандар көтерген құрамы күмәнді топтарды көргенде қаны бар елдің қаны қайнауда…
Шеруде бір жыныстылардың бір-біріне үйленуін үндейтін, жезөкшелердің құқын қорғауға шақырған жын-жыбырлардың жалаулары да жалбырап жүр екен…
Қазақ әйелдерінің қолынан «Менің жатырым-менің ережелерім», «Күштің жынысы жоқ», «Ана болу міндет емес»» деген ұрандарды көру қандай қасірет еді?!. Бұл сорақы ұрандарды не еркекке, не әйелге ұқсамайтын ұсқындары қорқынышты біреулер ұстап жүр…

«Бүгінгі акцияны ұйымдастырған «Феминита» феминистік бастама тобының негізін қалаған белсенділер Жанар Секербаева мен Гүлзада Сержан Қазақстанда лесби, бисексуал, квир, трансгендер қауым өкілдері, жыныстық қызмет көрсететін әйелдер құқығы қорғалмай, қорғансыздың күйін кешіп келе жатқанына көпшіліктің назарын аударды»-деп жазады Азаттық тв.

Яғни, Тіл шеруіне жол жоқ – жын шеруіне жол көп болып тұр шындығын айтқанда.

Ұлттық негізімізді, Ділімізді құртатын, Ұлттық кодтың тас-талқанын шығаратын шеру ғой бұл!

Ата-бабамыз сан ғасыр армандап, қолы зорға жеткен қасиетті Тәуелсіздіктің 30 жылдығын -Тәуелсіздік бесігі болған Алматыда осындай Ұлттық ұғым мен салт-дәстүрімізге жат масқара шерумен бастап қарсы алудамыз!..

Осы біздің елде Ұлттық идеология деген бар ма?
Азаттықты асқақтататын, Ұлтты сақтап қалатын Ұлттық идеологияны қашан қолға аламыз?

Қазыбек ИСА, 

Қазақ үні

3 ПІКІРЛЕР

  1. Қайырхан, Руза, кешіріңіздер! Тілді қолдауға арналған митингні Қазбек Иса үшін жасамаған шығарсыздар! Қазбек Иса оған келмесе митингінің мәні өзгере ме?

  2. Тағы бір мәселе. Феминистер мен ЛГБТ және басқа зұлым рухтардың шеруі. Өйткені, Құдай Адам мен Хауаны – ер мен әйел етіп жаратқан. Екі жыныстағы екі адам. Үш емес, төрт емес. Екі. Қалғандарын кім жаратты?! Ібіліс? Білмеймін, бірақ Құдай емес. Мемлекеттік тілді қолдау үшін митингтерге тыйым салатын Әкімдіктің ұстанымы қызық. Тіл жанашырларына тыйым салса, ЛГБТ сияқты жын-пері мен феминистердің шерулеріне рұқсат берді. Демек, әкімдік өкілдері Алланың емес жаңағы жын-перілерілер сияқты Ібілістің үмбеті болғаны ғой? ЛГБТ – табиғи аномалия. Адамзатқа түскен тағы бір сын шығар, жүрсін. Өзімен кетсін! Бірақ, неліктен олар күнаға толы өз өмір ұстанымдарын сау қоғамға насихаттауы керек?! Біз мұсылман, әрі Шығыс өркениеттегі елміз бе, жоқ па? Жалпы, дәстүрлі құндылықтарға кесірін тигізетін ұйымдар мен қозғалыстардың өмір салтын насихаттауға тыйым салуды талап ету қажет! Олар арамызда бар екен, онда шошаңдамай көтін қысып жүрсін (таза қазақша айтқанда!). Халықтың ашуын тудырмасын! Онсызда аз қазақты ірітіп болды: нағыз қазақ – шала қазақ; мұсылман – вахабит – салафит – кришнаит – буддист – католик т.б. қазақ; қазақ жастары да әр түрлі мәдени-өркениеттік бағытты ұстанған, әр қилы! Енді жетіспегені: еркек қазақ – қызтеке қазақ; арлы қазақ әйелі – жәләп әйел т.б. Масқара! Жетіскен екенбіз!!! Мұндай масқараны істетіп отырған не??? Мұны біздің еркімізден тыс жасатып отырған халықаралық қаржы ұйымдарынан млрд-тап алған қарыздарымыз! Алмақтың да салмағы бар! Қарыз алған екенсің енді өте! Көрсет, Қазақстан, өзіңнің нағыз демократиялық бағыттағы ел екеніңді! Аш терезең мен есігіңді Батыстың барлық үлгі-өнегесіне! Міне, Алаш жұртым, жеткен жеріміз осы! Алла қайырын берсін!

  3. Руза Керекуда тілді қолдап митинг өткізуге рұқсат алды, көп болса 30-40 адам қатысты. «Батыр», «тіл жанашыры» Қазыбек Иса қатысқан жоқ сол митингке. Павлодарға шейін билетке ақшасы жетер еді ғой.

Пікір жазу

Пікіріңізді енгізіңіз!
мұнда сіздің атыңызды енгізіңіз