АҚЫЛЫМЕН АРУЛАР ДАНА ДЕРМІН

0
288

Халық қалаулысы, Президенттікке үміткер тұңғыш әйел Дәния Мәдиқызына

18-ге бергісіз Алпысыңыз,

Құтты болсын, бұл әлі тал түсіңіз!

Жалғандықпен жалғанда жағаласып,

Жалғасуда ел үшін тартысыңыз!

Жақсылыққа арналсын бар күшіңіз!

Құтты болсын екі 30-Алпысыңыз!

 

Еңбегіңнің өтеуі жемісінде,

Бұрыстықпен келмейсің келісімге,

Сондықтан да көп бүгін жеңісің де!

Патшалықққа таласқан тұңғыш әйел-

Патшайымға айналдың ел ішінде!

 

Желге де өңін бермеген сенсің қайың,

Үміт артар десе егер ел шыңдайын.

Ер Әлихан туған күн туыпсың ғой,-

Ақ жол алдан ашыла берсін дәйім.

 

Халықтың мол алғысын ала бергін!

Ақылымен арулар дана дермін.

Әлем тербеп жүрсең де, әйелсің ғой –

Көкемнің көп көңілін таба бергін!

Құрметпен, Қазыбек Иса

05 наурыз 2021 жыл

Пікір жазу

Пікіріңізді енгізіңіз!
мұнда сіздің атыңызды енгізіңіз