Жаңатастағы өрт салдарынан жапа шеккен отбасыға пәтер берілді
2021 ж. 23 ақпан
829
0
![](https://qazaquni.kz/wp-content/uploads/2021/02/b4d7f90b91bcf3662956b65c20d62e3a-696x392.jpg)
Мемлекет басшысының тапсырмасына сәйкес, Жаңатас қаласындағы өрт салдарынан марқұм болған балалардың ата-анасына Жамбыл облысының әкімдігі тарапынан жан-жақты материалдық, психологиялық, дәрігерлік қолдау көрсету шаралары қолға алынды, деп хабарлайды "Қазақ үні".
Жерлеу рәсімін ұйымдастыруды жергілікті атқарушы органдар өз мойнына алды.
Сондай-ақ, балалардың ата-анасына демеушілер есебінен Жаңатас қаласынан 3 бөлмелі пәтер берілді, ал Сарысу ауданының кәсіпкерлері баспанаға қажетті жиһаз бен техника алып берді.
Қоғамдық ұйымдар, демеушілермен 3 млн теңгеден астам қаржы жиналып, материалдық көмек көрсетілді.
Бұдан бөлек, мемлекеттік қызметкерлер бір күндік жалақысын көмек ретінде жолдайтын болды.