Орысша сөйлемесек, боққа бата береміз бе?

2
1282

Құрметті редакция! 100 пәтерлі үй болсақ та жеке мәселе сияқты көрінгенмен, мемлекеттік тілге, мемлекеттің басты бағдарының бірі коррупциямен күреске қарама қайшы болғандықтан осыны жазып, сіздерден көмек сұрап отырмыз.

Керекудегі Ломов к. 39, 1-ші қабаттаға пәтерімде 12 жыл (сатып алғаннан бері) бойы үй асты подвалдағы құбырлары үнемі авариялық жағдайда, үнемі су, соңғы бірнеше жыл канализация да ағады және кейде сөткелеп тоқтамайды.

30, 31 (2020ж. желтоқсаны), 5-6 (2021ж. ақпаны) аралығында тағы толассыз канализациямен ыстық су аққандығынан, 06.01.2021ж. павлодар қ. «Орбита» ПКСК, Шаяхметов Б.М.; Тұрғын Үй инспекциясы, Желдібаев К. және қ. әкімі Иманислям Ержанға 26 адам қол қойып хат жаздық. (қосымшада беріп отырмыз). 15.01.2021ж. Е.Иманислямның орынбасары Д.Саканов, Тұрғын Үй инспекциясы басшысы, Желдібаев К., «павлодаргорводоканал» ЖШС (әрі қарай ГВК), басшылығы келіп, подвалды көрді. Подвалдан шыққан бетте оларды біраз тұрғындар тосып тұрдық. Мен ГВК бастығы орынбасары Вадимге (фам. білмеймін): «Сіздер тек қазақ тіліне емес, ақшасын төлеп, қызметтеріңізді тұтынатын тұрғындарға да түкіреді екенсіздер» (қаладағы су,канализация жүйелеріне солар жауапты), дегенімде Саканов Д. қала əкімі орынбасары, маған: «неге қазақша сөйлейсіз олар түсінбейді» деп, ұлтын да, мемлекеттік тілді де аяқ асты етті. Өздері де қазақ тілін пысқырмайтын, тіпті орысша сөйлемесең бастықтарға кіре алмайсың, т.т. әкіреңдеп отыратын ГВК-ға, одан әрмен жығып берді мемлекет тілін! Айта кетсем, ГВКның «показания счетчика даем»-іне қазақшаны талап ететіндігімнен счетчик бойынша 300-400 тг-ден төлеудің орнына, 1500тг, орта есеппен жіберіп отыр түбіртектерін… Бұны әкімдер біледі, бірақ шоқ-шоқ, тіл деп қыр соңымыздан қалмайсың, мейлі айына 15мың төле деп отырған сияқты… Айтпақшы, басымы орыстар қол қойған хатым да қазақша болатын. Әбден қорланып: Д.Сакановқа «Тым болмаса аузыңды жауып тұрмадыңба, мемлекет қызметкері бола тұра, қазақ тіліне бұғат қоймай» дедім. Соны келесі күні Е.Иманислямның өзіне де айттым, қайдағы құл саналыларды жиып алғансыз деп, «Ол құл емес, т.т.», әйтеуір қорғаштап бақты. Сонымен қатты ренжіген болулары керек, орыстармен қазақша сөйлегенім үшін, және сонысына, қала әкімінің орынбасарына! аузыңды жауып тұр дегенім үшін, әйтеуір 1 айдай, түк істелмегендіктен, айтпақшы ғапу, осы арада ГВК «Восточная кухня» кафесінің қожайынына хат жазады, 41 үйге (көрші үй, олармен де канализация жүйеміз бір, бірақ неліктен 39, біздің үй емес, 41 көрсетілген, тағы түсініксіз) үйлердің канализация жүйесіне заңсыз қосылдың деп, және бір коммерциялық нысанадан (құжаттары бойнша кафе емес, киім сататын дүкен) басқа нысанаға ауысқанда бізге хабарламадыңдар деп, (қосымшада).

Сонымен еш нәтиже болмағандықтан, келесі хатты, 27.01.2021ж. павлодар обл. әкімі А. Скаковқа, облыс прокуроры К.Абдихановқа, Сыбайлас жемқорлыққа қарсы іс қимыл Департамент басшысы А. Тастемировқа жаздық. Қызығы Скаков А. тұғындардан түскен хаттарға жауап жазуды Нефедова деген мемлекеттік тілден хабары жоқ, бірақ «қазақша», аудармашы арқылы жазатынға беріп қойған. Ол, мейлі қай тақырыптағы хат келсе де, Скаковқа бермей, қала әкіміне ысырып отырады…. Сонда Нефедова Скаковтың функцияларын алып, оны бейшара қылып қойған ба, әлде Скаковтың өңір халқына түкіргені бар ма?

Сонымен Скаков «түкірген» соң, тағы қала әкімдігінің қыр соңынан қалмай, ГВК-ны кафенің су жүйесіне пломба салуға мәжбүрледік. Бірақ кафе істеп тұр, подвалға бұрынғысынша күнде, күн ара, нәжіс ағып тұр, тек, көршілерімнің толассыз қоңыраулатуының арқасында ГВК арасында тазалап кеткені болмаса!!! Прокуратура, апта бойы қоңырау шалғанда 1ақ рет тұтқаны алды, қалаға жіберіпті хатымызды (сөзбен айтылды, бізге хат жазу өздерін кемсіту болу керек..). К. Абдихановтың түкіргені деп түсіну керек өңір тұрғындарына… Жұмыс істеп жатқан, бізді адам деп санап отырған тек А. Тастемировтың мекемесі, әкімдікке, аталған структураларға хат жіберген, осындай хат келіп түсті деп, бірақ олар да, корррупция деп тексеруге құқымыз жоқ, өйткені сіздер кім-кімге пара берді көрсетпей отырсыздар дейді… Қолынан ешкімді ұстамадық. Бірақ жоғарғы жазған былықтарды басқа немен түсіндіруге болады?

Жалпы, тілді талап ету барлық жағынан қауіпті бізде, не орысша айтпақшы «беспредел» біздейлерге. Екі жыл бұрын, «Бакауов тарт қолыңды қазақ тілінен» деп плакатпен тұрғанымнан кейін машина қағып кетті. Былтыр қырқүйекте 174 баппен қарастыру керек деген хатпен келген, мағынасы ҚР қазақ тілінде қызмет талап ету ұлтаралық қатынасқа сына қағу? Аққа құдай жақ бола берген соң, соңыма асыранды қаралағышын салып қойды бертін, аузын жабар ма екен деп, енді міне, тағы ғапу, «нәжіске» батырып отыр. Және бұл жолы 100 пәтерлі үйімізді, тұрғындарымен бірге «құрбандыққа» шалып отырғандай: Бейсенбайтегінің пәтері бар үй мейлі шіріп құласын! Шіріп жатыр да: 5 қабатты үйдің подвалында (соңғы 2-3 жылда ылғи) ыстық сумен канализацияның ағуы қолқа жаратын сасығын былай қойғанда, фундаменттің жарықтары пайда болып, үйді авариялық жағдайға тіреп жатыр… Екінші себеп өте қарапайым, әкімдер, ойымша, коррупцияны бүркеп, не өздері де соған малынып отыр…

Хат соңында, подвалымызға ағып жатқан канализация тоқтатылсын, ішіндегі быққан нәжістен тазалансын, барлық құбырлар жаңа, сапалыға ауыстырылсын, 1-ші қабаттағы пәтерлердің, подъездің подвал жағынан зақымданған еден асты бетон плитасын жөнге келтірілсін деген талаптарымызды қоғамға жеткізіп берсеңіздер ризашылығымыз шексіз болар еді!

Қосымшалар:

Тұрғындардың 06.01.2021 хаты,

Тұрғындардың 27.01.2021хаты,

ГВК-ның Корчагин – «Восточная кухня» басшысына жазған хаты,

Сыбайлас жемқорлыққа қарсы іс-қимыл Департаменті хаты,

Нефедованың хаты,

К.Желдыбаевтың (мемл. қызметкердің тек РП тіліндегі) хаты.

Құрметпен, Ломов к. 39 үйдің

Бейсенбайтегі Р.З. және 26 тұрғын

2 ПІКІРЛЕР

  1. Кешіріңіздер, боққа соңғы 2 ай мүлде!, малынып отырып (талай рет осында жаздым да), құдайға қарағыр Қазақ Үні жариялаған астындағы мақаланы көрмеппін, қалай екенін, күтіп отырғам неге шықпайды деп, 1 апта бұрын шыққан екен!!! Алла риза болсын, асыл бауырларым!!!

  2. ҚАЗАҚ ТІЛІНІҢ МӘСЕЛЕСІН КӨТЕРГЕНДЕР, ҚАЗЫРҒЫ ТАҢДА ,ҚҰБЫЖЫҚ РЕТІНДЕ ҚАБЫЛДАНАДЫ.ЧИНОВНИКТЕРДІҢ БАСЫМ КӨПШІЛІГІ ҚАЗАҚ ТІЛІН КЕРЕК ҚЫЛМАЙДЫ,ҚАЗАҚ ТІЛІ ДЕСЕ ДҰШПАНЫН КӨРГЕНДЕЙ БОЛАДЫ. БИЛІК БАСЫНДАҒЫЛАР СӨЙЛЕМЕГЕСІН, КЕРЕК ҚЫЛМАҒАСЫН, ТИІСТІ ЗАҢ ҚАБЫЛДАНБАҒАСЫН СОЛАЙ БОЛАДЫ. ЖАЛТАҚТАУМЕН ӨТІП ЖАТҚАН ӨМІР, ТАРИХ. ҚАЗАҚ КЕЛЕШЕГІҢ Б Ұ Л Ы Ң Ғ Ы Р . ӨЗ ЕЛІМІЗДЕ ,ӨЗ ЖЕРІМІЗДЕ БЕЙШАРАНЫҢ КҮЙН КЕШКЕН ХАЛЫҚПЫЗ. ХАЛЫҚПЫЗ БА?

Пікір жазу

Пікіріңізді енгізіңіз!
мұнда сіздің атыңызды енгізіңіз