СЕҢ ҚОЗҒАЛДЫ, ЕЛ ДЕ ҚОЗҒАЛУЫ КЕРЕК!

9
3879

Кеше Қазақ елі парламентінде тарихи оқиға болды. Ахаң айтқандай: «Жұрт бүгіншіл, менікі ертең үшін!» дегендей қоғам қайраткері, ақын, парламент депутаты Қазыбек Иса ағамыз үкімет басшысы, премьер-министр Асқар Мамин Ұзақбайұлына мемлекеттік тіл – қазақ тіліміздің мәртебесін көтеріп, статусын жеке дара анықтау жөнінде депутаттық сауал жолдады. Мұны «Ақ жол» партиясының 12 депутаты қолдап қол қойды.

Қазақстан халқының 78 пайызы қазақ ұлтынан болса, ел мен жердің ақы иесі қазақ халқы болса ата-заңда жазылған мемлекеттік тіл қазақ тілі екені рас болса, 30 жылдан бері заңсыз үстемдік жасап келе жатқан орыс тілінен арылатын уақыт жетті. Қашанға дейін шовинистердің тілінде елімізді басқарып жұртқа мазақ боламыз. Кеңес одағы шекпенінен шыққан 15 республикадан ешбір ел орыстың тілінде ел басқарған жоқ, тілін теңестірген жоқ. 1990 жылдың басында қолданыстан шығарып, ұлттық тілін тұғырына қондырды! Келімсектерді кетіріп, өз ұлтын оздырды. Ұлттық саясатын батыл жалтақтамай жүргізді.

Өз ағаң өзбектер айтады екен: «Орыс болғың келсе, алдымен қазақ бол!» деп. Өлім ғой. Қазақ еліне қаңғып келген шүрегей Кольбин айтты деген сөз бар: «Қазақстаннан орыстар кетсе де, орыстанған қазақтарың ұлттық мемлекет құруға жол бермейді» деп. Шынымен іштен шыққан жау жаман. Қазақ тілінің тиісті тұғырына қонуға кедергі болатын нигилист мәңгүрт қазақтар. Өз ұлтынан жерінген сатқын қазақтар. Ұлт ақыны Мұхтар Шаханов ағамыз айтып еді: «Билікте жүрген мәңгүрттердің 90 пайызы өз ұлтынан жерінген нигилист, космополиттер. Бұлар қазақтың тіліне жыл сайын миллиондаған ақша бөліп жаны ашыған сыңай танытқанымен бала-шаға, немере-шөбересін түгел ресей тілінде оқытады. Шынтуайтында мемлекеттік тілге қарсы жұмыс жасайтын ұлттың жаулары!» деп жанайқайын айтқан. Ұлы жазушы Шерхан Мұртаза ағамыз да парламент мінбесінен жанын шығарып айтуын айтты. Бірақ нәтиже болмады. Күштінің көті диірмен тартады. Билік те, ақша да мәңгүрттер қолында. Тәуелсіз Қазақстанда әлі тек қазақша сөйлейтін, білімді, ұлтшыл азамат болса жұмысқа алынбайды, алса да жұмыстан шығарып тынады. Себебі, бізде орыстың тілінің салмағы басым. Бастықтар түгелге жуық ресейдің тілінде сөйлеп, Қазақстанда бастық болады! Бір қарасаң сұмдық! Ал, бізде қалыпты жағдай. Кешегі Алаш қайраткері Сәкен Сейфуллин: «Кеңсе тілі қазақша болмай, мемлекет қазақша болмайды!» дегенді кесіп айтып еді. Ұлт ұстазы алаш қайраткері Ахмет Байтұрсынұлы: «Тілі жоғалған жұрттың, артынан өзі де жоғалады!» деген өсиетін барлық мемлекеттік мекеме майдайшасына жазып қою керек! Елбасы Тәуелсіздіктің 15 жылдығында айтып еді: «15 жылда аюға да қазақша үйретуге болушы еді!» деп. Енді ұят ғой. Басқа өркениетті елдер ғылым-техника, квантты физика, теңіздің ішінен жол салып, жүздеген шақырымға көпір салып, небір жаңа технологиялар ойлап тауып ғарыштап дамып жатса, біз әлі 30 жылдан бері сол заңға шегелеп жазылған мемлекеттік тілімізді тұғырына қондыра алмай, өз елімізде өгейдің күйін кешіп жүрміз?! Масқара ғой! Өзінің ұлттың қасиетін бағаламаған, өз ұлтының қадірін білмеген ел ешқашан озық ойлы дамыған ел бола алмайды! Біз жапондардан, көрші бауырлас халық өзбектерден үлгі алуымыз керек!

Не болса да, Қазыбек ағамыздың арқасында сең қозғалды. Қолданыстағы екі тілді қабаттастырған Тіл туралы заңның қазақтың саны 78 пайызға жетуімен күші жойылғаны, енді мемлекеттік тіл де, ұлтаралық қатынас тілі де тек Қазақ тілі болуы керектігі туралы парламент мінберінен айтылып, ең басты ұлттық мүддеміз қорғалды.
Ел болып қолдау көрсетіп, қозғалайық халқым! Ана сүті бой өсіреді, ана тілі ой өсіреді! Тілі бар ел халық, тілі жоқ ел балық!

Бақытбол Берімбайұлы,

Фейсбук парақшасынан

9 ПІКІРЛЕР

  1. осыдан намыс оянбаса, біткен екенбіз,жагымпаздықты қойып, сорлылықтан арылу керек, тексіз халық болмайық, осыдан оянбасақ өлім ғой басқалардан

  2. Ну вас с этой русофобией. Сами вы шовинисты. Полагаю, что не с того конца начинают.

  3. Ғарифулла.
    «Балық басын шіриді, өз тілін өзекке тепсе ел ішінен іриді». Тілін бұрап сөйлейтін, мыңқиған Маминнен, орыс тілді министр сымақтардан бастау керек. Қарындары тоқ, кигендері көк олар тілді не қылсын?! Қазақ тілді, іскер ұлтжанды азаматтар көп қой. Үкімет басына, үкіметке сондай азаматтар керек! Қазақша жазылған алдындағысын тілін бұрап, дұрыстап оқи алмайтын «қара орыстардың»
    үкіметке, үкімет басына келерде қазақ тілінен емтихан тапсырып, қалай өтетініне таңым бар?! Парламенттегі 1-2 басқа ұлт өкілдері қазақша сөйлегенде намыстары оянбай ма екен?! Әрине, біз орысша сөйлегеннен кейін жынды , делқұлы, жырынды Жириновский бастаған дума депутаттары қазақ жерін ресейге қосқысы келмей қайтсін!
    Шіркін, тікен тілді Шерағам! 90 жылдары мемлекеттік тіл туралы заң қабылдарда: » Тілі бар ел -халық, тілі жоқ ел-балық. Екі тіл жыланда ғана болады. Мемлекеттік тіл қазақ тілі болу керек»- деп, шыр-пыр болған еді. Қазір екі тілді жыланды қойып, үш тілді айдаһарға айналып барамыз емес пе?!
    Қазыбек Иса мен «Ақжол» партиясы

  4. Ия, біздің көптен күткен басты мәселеміз- қазақ тілінің өз тұғырына қонуы. Оның үкімет басшысының атына депутаттық сауал ретінде қойылуы да заңды. Енді осы сәтті пайдаланып бүкіл қазақ қауымы, оның бас көтерер азаматтары, қазақ басылымдары жаппай қолдау көрсетуге шықпаймыз ба, қашанғы бұға береміз? Қазір ұлт тілінің қолданылуы осыдан 5-6 жыл бұрынғы деңгейінен де құлдырап кетті, тіпті оны әдейі орыстілділер ушықтырып жіберді. Бұдан әрі кідіруге болмайды.
    Айналайын халқым-қазағым, Қазыбек Иса – депутат бауырымызға ел болып үн қосайық!

  5. пікір жазған үш азаматты да қолдаймын әсіресе Шамахайұлы Нармандық өте дұрыс айтады

  6. «Қайнайды қаным » – дегендей қазақ зиялыларының сорлылығына қаным қараяды . Негізі біздің ақын-жазушыларымыз , көзі ашық оқымысты ғалымдарымыз , өнер қайраткерлері » понораммамен жұлдыз болып жүргендерден басқа әншілерімізді , әлемдік додаларда жеңіп жүрген спортшыларымызды , әрине Ермахан Ибраимовтан басқалары зиялы деген атауға лайық па ? Парламент деген біздің мемлекетіміздің айнасы өйткені олар мемлекетіміздің барлық саласындағы халықтың өкілдері . Алайда осы парламентімізге тілін білмейтін мәңгүрттер өтіп кетіп олар біздің мемлекеттік тілімізге қарсы шығып жатса , мемлекеттік тілде ант қабылдай алмай жатса сонда жоғары да атап отырған зиялы қауым өкілдері ұлт алдындағы өздерінің перзенттік парыздарын атқарып жатыр ма ? олар шын мәнініде Ұлт зиялысы деген атаққа лайық па . Биылғы парламентке бірен – саран ғана Қазыбек Иса сияқты ұлт жанашырлары өтті . Осы азаматтар қанша «ышқынып» әрекет еткенмен қазақ тілінің мәселесі шешілуі мүмкін бе ? Жоқ әрине . Әр сайлауда Назарбаевтың «Нұротанының » ұлтқа , тілге жаны ашымайтын тіл білмейтін мәңгүрт депутаттары басым бола берсе қазақ тілін қолдайтын Ақ жолдан сайланған 12 депутат не шешеді . Осыны Зиялы атанып жүргендер сайлаудан бұрын талап қойып парламентке ұсынатын үміткерлерді ұлтына қарамай тек қазақ тілін жетік білетіндер мен екі тілді де жетік меңгерген азаматтардван сайлануын талап етуге болатын еді ғой . «НұрОтан» партиясының миллионға жуық мүшесі бар делік солардың барлығы орыс тілінде сайрайтын мәңгүрттер емес шығар. Қалайша соларрдың арасынан ұлтын сүйетін , өзінің туған халқының , тілінің жанашырларының табылмағаны ма. Соларрдың арасынан ұлты үшін жанын беруге даяр зиялылардың табылмағаны ма. Қазақстандағы биліктегілердің ; Министрлердің , Обыс әкімдерінің , аудан – қала әкімдерінің , мемлекеттік органдар мен мекемелердің басшыларының 97 % қазақтар . Сонда солардың барлығы өз халқының жаулары ма . Елім-жұртым дейтін 13 миллион қазақтың арасынан ұлт-жанды азаматтаррды баолмағаны ма ? Біздің қазақ ұя бұзарлық әрекетке еш уықытта барған емес , төңкеріс жаса деп жатырған ешкім жоқ ұлтымызды , тілімізді , салт-дәстірімізді сақтау үшін күресіп халық болып пікір айтып оны орындатуға атсалысып жатса оған ешкім кедергі келтіре алмайды ғой . Айналайын ағайында Қазақстанда аты жер жаратын Қазақстан жазушылар одағы , Қазақстан журналистер одағы , Қазақстан суретшілер одағы осы саны көп одақтар ұлты үшін жұмыс істемегенде немен аиналысады . Айналайын зиялы қауым халықтың сендерге деген өкпесі қара қазандай қашан сендер тек өздеріңнің қарақан бастарыңмен , жіне өздеріңнің орысша ьоқытып орысша тірбиелеп жатқан балдарыңның жағдайларынан басқа ойлайтындарың бар ма ? Халықты көшеге алып шығудың керегі жоқ осы сансыз қаптаған одақтар мен қоғамдық ұйымдар осы өздерің тіркелген ұйымдарда мемлекетімізде болып жатқан заңсыздықтарға , заңсыз түрде сайлау өтіп парламенттердің мәңгүрттеніп бара жатқанын талқылап өз пікірлеріңді тиісті орындарға , гарант Президентке жолдап отырсаңыздар жүгенсіз кеткен билік сіздер мен санасар еді ғой . Қазір жемқор билік мемлекетті тонап жатыр бұл ешкімге құпия емес , бюджеттің әрбір тиыны да халықтікі осының талан-таражға түспеуін парламент арқылы талап ететін зиялы қауым қайда . Жер мәселесі денген 30 жылдан бері қарай»әғы жыр болып келе жатыр . жер туралы 5-6 ұлт жанашырлары шырылдайды да жүреді . Зиялы қауым өкілдері Сіздер Ресейдге немесе Қытайға көшекелі жатқан жоқ шығарсыздар , болмаса қазақ халқының жерінен , мемлекеттілігінен айрылып Ұйғырлардың , Күрдтердің , цигандардың күйін кешкенін қалайсыздар ма ? Қанша уақыт ойлансыздар , оянсаңыздаршы !

  7. Қазақ тілі айта айта жауыр болып көтерем кәлге келген тақырып. Билікті ығыстырмай, ссср-дің коммунисті із басарларынан құтылмай қазақ тілін тұғырына қондыра алмайсыңдар!
    Орыс тілді биліктегілер қашан түрмеге түседі Қазақ тілі сонда ғана ресми мәртебеге жетіп, көтерілмек…

Пікір жазу

Пікіріңізді енгізіңіз!
мұнда сіздің атыңызды енгізіңіз