Қазақстан адам бостандығы рейтингінде 75-орынға ие болды

0
217

Адам бостандығы индексі бойынша елдер рейтингісінде Қазақстан 162 қатысушы елдің ішінде әлемде 75 орынға ие болды. Қазақстан үшін бұл индекс 6,99 – Армения мен Қырғызстан сияқты ЕАЭО елдерінен төмен, бірақ Беларуссия мен Ресейден жоғары болды.

Бұл туралы «Қазақ үні» ақпарат агенттігі finprom.kz-ке сілтеме жасап хабарлайды.

Адам бостандығы индексі екі негізгі компонентті қамтиды – жеке және экономикалық еркіндік. Қазақстандағы жеке бостандық индексі 6,85, экономикалық – 7,12 құрады. Рейтингтегі максималды индекс – 10, бұл елдегі адамның толық еркіндігі туралы айтады, минимум – бостандық жоқ елдер үшін сәйкесінше 0.

Адам бостандығының индексі адамдарға билік тарапынан қаншалықты шектеулер мен мәжбүрлеудің бар екендігін көрсетеді. Адамдардың он екі сферасын көрсететін жеке, азаматтық, экономикалық бостандықтардың 76 индикаторы негізінде елдердің БЖЖ есептеледі:

• заң үстемдігі,

• қауіпсіздік,

• қозғалыс еркіндігі,

• діни сенім бостандығы,

• бірлестіктер мен азаматтық қоғам бостандығы,

• сөз бостандығы және ақпарат,

• жеке басын және жеке қатынастарын таңдау еркіндігі;

• үкіметтің мөлшері,

• құқықтық жүйенің сапасы және меншік құқығын қорғау,

• сенімді ақшаға қол жеткізу, • халықаралық сауда еркіндігі,

• кәсіпкерлікті, еңбекті, несиелеуді реттеу.

Жеке бостандық индексінде алғашқы жеті сала есепке алынады, осы индекске сәйкес, Қазақстан рейтингте 90-шы орында тұр. Экономикалық еркіндік индексінде соңғы бес сала есепке алынады, мұнда ҚР 73 орынға ие болды.

Пікір жазу

Пікіріңізді енгізіңіз!
мұнда сіздің атыңызды енгізіңіз