Шымкентте екі жасар бала пойыз астына түсіп, ажал құшты

2020 ж. 20 желтоқсан

1496

0

18 желтоқсанда Шымкентте қайғылы оқиға орын алды. Екі жасар сәби пойыз астына түсті. Бала жедел жәрдем келгеннен кейін қайтыс болды. Қайғылы жағдай туралы Otyrar.kz телеарнасы хабарлады.

Апат кезінде нәрестенің жанында анасы болғаны белгілі болды. Әйел екі жасар баламен бірге белгісіз жерде тұрған вагондардың астынан өтуге тырысқан. Нәтижесінде пойыз жүре бастаған.

Баланы екі вагон басып өткен. Дереу оқиға орнына дәрігерлер шақырылды, бірақ олар сәбиді құтқаруға үлгермеді. Бүлдіршін дәрігерлер келгеннен кейін қайтыс болды. Аталған факті бойынша тергеу басталды.

Еске салсақ, бұған дейін Шымкентте бір жасар қызды пойыз қағып кеткен. Бала үйдің жанында ойнап жүрген екен, ал үлкендер баладан көз жазып қалған сәтте, бүлдіршін қыз жолға жүгіріп шығыпты.

Теміржол қоршалғанымен, оның қақпасы ашық болғаны атап өтілді. Нәтижесінде қыз пойыздың астына түскен.