Түркістандық кәсіпкер аудан емханасына 5 тыныс алу аппаратын сыйлады

0
578

Ел басына түскен қиын сәтте, жомарт қолды азаматтар да қол ұшын созып, көпке көмегін көрсетуде. Түркістан тумасы, кәсіпкер, облыстық мәслихаттың депутаты Мағауия Тұрысбеков 5 жасанды тыныс алу аппаратын алдыруға Түркия еліне тапысырыс берді. Жақын күндері  оттегі концетраторы аудандық орталық ауруханаға жеткізіліп, науқастардың ем алуына қызмет көрсетеді.

Бұл туралы «Қазақ үні» хабарлайды.

«Індет белең алып тұрғында, мұндай оттегі концетраторы науқастар үшін пайдасы зор. Адам өкпесі зақымданғанда оттегі жетпей қиналады. Бұл аппарат көптеген адамның өміріне араша болады. Осы уақытқа дейін Базарбай Нұрланов есімді кәсіпкер азамат 2 оттегі концетраторын сыйға тартты. Жалпы ауданның азаматтарына үлкен алғысымды айтамын. Атын атамауды өтінген тағы бір кәсіпкер аурудың ортасында жүрген дәрігер, медбике, санитар, науқас жандарға құнарлы тамақ жесін деп 300 мың теңгенің ас ауқатын ауруханаға жеткізіп берді. Таукент кентіндегі провизорлық орталыққа «Сауран» ЖШС-нің бас директоры Марат Оспан, жеке кәсіпкер Мұханов Нұржан есімді азаматтар қой сойды. Төленова Гүлзада өз қаржысынан медицина қызметкерлеріне арнап 100 дана бетперде тікті»,- дейді аудандық орталық аурухананың бас дәрігері Талғат Қалдыбеков.

Айта кету керек, Мағауия Тұрысбеков осы уақытқа дейін өз қаржысына аудандық ардагерлер үйін, «Нұр Отан» партиясының ғимаратын салды. Төтенше жағдай кезінде «Біз біргеміз» акциясы аясында жағдайы төмен 200 отбасыға азық түлік таратқан болатын. Халыққа шарапатын жасап жүрген азамат, қиын сәтте де көмек беруді мақсат етіп отыр.

Пікір жазу

Пікіріңізді енгізіңіз!
мұнда сіздің атыңызды енгізіңіз