Тимур Құлыбаевтың анасы дүниеден озды

Тимур Құлыбаевтың анасы Раиса Құлыбаева 82 жасында дүниеден озды, деп хабарлайды "Қазақ үні".

Раиса Алдабергенқызы Құлыбаеваның қайтыс болғаны туралы қаралы хабар Қазақстан Республикасы Ұлттық Олимпиада комитетінің сайтында жарияланды.

Тимур Құлыбаев - қазақстандық кәсіпкер және белгілі қоғам қайраткері, "Атамекен" Ұлттық кәсіпкерлер палатасы төралқасының төрағасы, Қазақстан мұнай-газ және энергетика кешені - KAZENERGY қауымдастығының төрағасы, ҚР Ұлттық Олимпиада комитетінің президенті.

"Қазақ үні" редакциясы Тимур Асқарұлына орны толмас қазаға байланысты көңіл айтады. Марқұмның алды пейіш, арты кеніш боп, иманы жолдас болсын.