Ақжолдықтар қорықшылардың жеке қауіпсіздігін қамтамасыз етуге шақырады

1
1045

Іле-Алатауы ұлттық қорығында орын алған жан түршігерлік оқиға кезіндегі көптеген адамдардың қаза табуына өткен жылы аңшылық шаруашылықтардағы қорықшыларды қарусыздандыру жағдайы себеп болуы мүмкін – бұл туралы «Ақ жол» партиясының депутаты Меруерт Қазбекова бүгінгі жарияланған депутаттық
сауалда айтып өтті.

«Аңшылық шаруашылықтардың құрамында көбіне қара­пайым жергілікті тұрғындар еңбек етеді. Олар керек-жарақпен аңшылық шаруашылықтың өз есебінен қамтамасыз етіледі. Егер бұл жабдықтар әдеттегі бұзақылармен күресуге жеткілікті болып жатса, ал дайындалып келген заң бұзушылар барлық тех­никалық құрал-жабдықтар жөнінен, бәрінен бұрын қарулану жағынан, қорықшылардан басым түседі» – деп депутаттық сауалда атап өтілген.
Партия атына аңшылық шаруашылықтардан түсіп жатқан хаттарға сәйкес, жағдай былтырғы жылдан бері ушығып отыр. Себебі 2011 жылдың 1 шілдесіндегі Үкіметтің №751 қаулысымен қорықшылардың иір ойықты мылтық пен тапанша ұстауларына тыйым салынған.
Нәтижесінде, қылмыстық элементтермен қақтығысып қал­ған жағдайда, аңшылық шаруашылықтардың қызметкерлері, шындығын айтқанда, олардың іс-әрекетін тоқтата алмайды, ал кей кезде өздерін қорғауға қауқарсыз. Бұған жақында ғана Іле-Алатауы ұлттық қорығында болған қайғылы оқиғалар дәлел. Онда 12 кісі жаппай адам өлтіру әрекеттерінің құрбанына айналған болатын.
«БАҚ хабарламалары бойынша, Іле-Алатауы қорығындағы құрбан болғандардың көбісі жарып-кесу нәтижесінде өлті­ріл­­ген. Яғни, жақыннан қақтығысу кезінде болған. Бізге ха­бар­ласқан аңшылық шаруашылықтардың пікірінше, бұл қайғылы оқиғада ең алдымен қорықшыларды жақыннан қақтығысу ке­­-
зінде барынша тиімді қару саналатын тапаншаларды ұстау құ­қығынан айыру елеулі рөл атқарған», – деп атап өтті М.Қаз­бекова.
«Ақ жол» партиясының депутаттары қорықшылардың жеке қауіпсіздігін қамтамасыз ету және заң бұзушылармен күресті жақсарту мақсатында аңшылық шарушылықтардың иір ойықты мылтық пен тапанша ұстауына салынған тыйымды алып тас­тау, сондай-ақ жалпы алғанда аңшылық шаруашылықтар мен қорық қызметтеріне басқа да керекті көмекті көрсету қажет деп санайды.
«Ақ жол» партиясының фракциясы сайлаушылардың өті­ніштері бойынша жұмыстарын жалғастыруда.

Қазақстанның «Ақ жол» Демократиялық партиясының баспасөз қызметі 

 

1 Пікір

  1. «Ақ жол» партиясының қандай да болсын әлеуеттің күрмеуі жетпей жатқан жеріне байлам таба білуі партияның беделін асыра түсуде.
    Енді қорықшылардың Заң аясында қорғалуы да күн тәртібіндегі мәселе, дегенмен де осы қорықшы лауазымындағы азаматтарға жоғары жақтан нұсқау берілу тоқтамай олардың өз бастарында билік мың жерден Заң қорғаса да болмайды, өйткені күзгі аңшылық маусым ашылысымен құс жолдары болып саналатын елді мекендегі әкім қараларға «пәленше сондай күні барады, бәрін дайындап қойыңдар» деген нұсқау түседі.Сала басшысы облысқа, облыс аудан ауылдарға тапсырма беріп қатты қарсы алу дайындығы: сауна, қонақ үй, қыз-қырқын, ішіп-жем, осылардың бәрі министрлік не сала департамент өкілдері келгенде дайын болуға тиіс.Олар тікұшақпен келсе, артынан нөкері қару жарағымен бірнеше «вездеход» джиптар келіп егістікті ойқастап батпақтарын қаламызға әкеліп ластау басталады.
    Одан қалды мекеме қызметкерлері «қырылып» келген қаз-үйректі жүнін жұлып, үйтіп, сойып беруге міндетті. Осыны бүкіл ел біліп отыр, амалсыздан көнеді, өйткені жұмыстан кету қауіпі туындауы мүмкін. Аң аулау қара күзден қыс бойы жалғасып жатады, нанбасаңыздар Торғай жеріндегі егістіктерге шығыңыз.Осылай бола берсе құс жолы өзгеріп, аң да миграцияға ұшырауға дайын.
    Астанадан, тіптен Ресейден келетін аңшылар жергілікті жерге салық та төлемейді, мүмкін ұлықсат талон алуы, саналары оянғанда, ау білмедім, олар басын қатырмайды ғой, несіне талон алып жарияболады?Сондықтан «Ақ жол» партиясы Үкімет алдында «Табиғи резерваттардаға аң-құстың» қорғалуын да Үкімет алдына қою қажет.
    Балық шаруашылығын дамыта отырып, «қызыл кітапқа» кіретін аң-құстар тізбесіне толықтыру қажет.Осылай кете берсе «ұшқан құс, жыбырлаған жәндігі жоқ» аймаққа Қазақ жері тезінен бек айналып бара жатыр.

Пікір жазу

Пікіріңізді енгізіңіз!
мұнда сіздің атыңызды енгізіңіз