Мұхтар ШАХАНОВ: 1986 жылғы Желтоқсан көтерілісі төңірегіндегі жұртқа белгісіз кейбір ақиқаттар

Тәуелсіздік күні қарсаңыда 1986 жылғы Желтоқсан көтерілісі төңірегіндегі жұртқа белгісіз кейбір ақиқаттар туралы айтқан қазақтың ақиық ақыны Мұхтар Шахановтың видео жазбасын оқырманға ұсынамыз.

Әні автордікі

Желтоқсанда шындық жырын шырқаймын деп шарқ ұрдың,

Желтоқсанда егеменді ел болсақ деп талпындың.

Кеудеңде әлі сызы жатыр сол кездегі салқынның,

Айналайын, жас қайратым, жас өркені халқымның!

Қайырмасы:

Арманыңның атын,

Жігеріңнің отын

Өшіре алмас асау желі уақыттың.

Егер кім қанша

Уайымсыз болса,

Нақ сол адам құнын білмес бақыттың.

2. Темір қолдар қуатты еді алқымыңды қаусырған,

Намысыңды жықпай өттің нәубет, дүлей маусымнан.

Жалғыз қалған шақтарымда жігер алдым бойыма,

Түрме торын жарып шыққан сенің қайсар даусыңнан.

Қайырмасы:

Арманыңның атын,

Жігеріңнің отын

Өшіре алмас асау желі уақыттың.

Егер кім қанша

Уайымсыз болса,

Нақ сол адам құнын білмес бақыттың.

3. Өсер елдің қай сәтте де бірлік болмақ қалауы,

Лаула, лаула, желтоқсанның мұзға жаққан алауы.

Өздеріңдей өр намысты жас өркені бар елдің

Ешқашанда еңкеюге тиісті емес жалауы!