Ринат ЗАЙЫТОВ: ҰЛТАРАЗДЫҒЫН қоздырмайық деп, ҰЛТАРАҚҚА АЙНАЛЫП БАРАМЫЗ…

300
135376

– Ринат, сені айтысқа енді шықпайды деп естідік…
– Иа, мен айтысқа  енді шықпаймын деп шештім. 
– Айтыстан кетемін деген шешіміңе не мәжбүр етті? Әлі бергеніңнен берерің көп еді ғой?

– Ешкім де ешқандай жағдай да мәжбүрлеген жоқ.  Бұл менің өз қалауым. Біреулер бергеніңнен берерің көп деп ойлайтын шығар. Ал мен өз басым олай ойламаймын. Маған қазір шығармашылық түрде өсу керек қой.Қарапайым ғана мысал, Масляковтың КВН-інде балл жазып отыратын бір адам отырады. Соның айтқанына қарап КВН-нің кез келген артық-кем тұстарының  бәрін айтады ғой. Бұл «сіздердің орындарыңызға жаңа буын келеді, келу керек. Сіздер уақытында кетіп, өсуіңіз қажет» деген секілді. Сол сияқты біздер де айтыс ақындары басқа бағыт іздеуіміз керек қой. Өмір бойы айтысып жүре алмайсың ғой? Қандай айырмашылық бар отыз жасыңда  кеттің не айтыстан қырыққа келгенде кеттің не? Мен азды-көпті он жыл айтысыппын. Енді өзімді басқалай сынап көргенім дұрыс болар.
– Мыңдаған айтыссүйер ағайынның сүйіктісіне айналған Ринат Зайытовты енді халық сахнадан көрмейтін болады ма?
– Жоқ, сахнаға шығамын. Бірақ айтысқа емес. Жүрсіннің айтысына емес.
– Жүрсін Ерман жақында баспасөзге берген сұхбатында «Ринатты енді айтысқа ұзақ уақытқа дейін шығармаймын» деп еді. Осы сөз айтыстан кетуіңе себеп болмады ма?
– Менің айтыстан кетем дегенім Жүрсіннің сұхбаты шықпай тұрып-ақ белгілі болған. «Құланның қасуына, мылтықтың басуы дәл келді де». Мен Жүрсіннің сұхбатын да, Бауыржанның мақаласын да оқыдым. Әлі күнге ешкімге тіс жарып ештеңе демедім де. Демеймін де. Шындық үндемегендігімен шындық. Сонысымен қымбат. Кейін бәрі белгілі болады ғой.
– Сол сұхбатта Жүрсін Ерман «Ринат келісіп айтысады, Жәмиғамен айтыс дегенде шықпады» дейді…
– Жәмиға сол айтысқа келетін болсын, келмейтін болсын мен Аалыға қарсы дайындалдым. Және жақсы дайындалдым да. Өзіме-өзім солай серт қойғанмын. Ол айтысыма еш өкінбеймін . Ал менің суырып салмалығыма ақындар да, халық та әлдеқашан бағасын берген. Менің жаттанды айтыс жайлы берген сұхбатымнан кейін, алдағы Дінмұхаммед Қонаевтың туғанына 100 жыл толуына арналған айтыста ақындар жеребені сахнадан суыратын болады.
– Бұл жағдай айтыстың деңгейін көтереді деп ойлайсың ба?
– Жақсы болсын жаман болсын, енді ақындар келісіп алып айтыспайтын болады. Халыққа жаттап келгенін айтып, спектакль қоймайды. Сахнадағы айтыскер ақындардың айтқанына имандай сеніп, әулие көретін халықты алдауға болмайды. Ал енді,  Ринат Зайытовтың айтысқа шықпағанынан айтыс дамып кететін болса, мен оған титтей де ренжімеймін , қайта қуанамын.
– Аалы Тұтқышывпен болған айтыстан кейін «Зайытов ұлтараздығын қоздырды» деп айыптай бастады…
– Қырғызстанда  қазақ азаматын жанұясымен бауыздап кетеді. Ол ұлт араздығын қоздырмайды. Жақында үйленем деп жүрген қазақтың жап-жас жігітін Ыстықкөлдің жағасында ұрып өлтіреді. Ол ұлт араздығын қоздырмайды. Бұндай жағдайлар санай берсек жетеді. Ал Ринат Зайытовтың Аалымен айтысы ұлт араздығын қоздырады екен. Біз «ұлт араздығын қоздырмайық, ұлт араздығын қоздырып алмайық» деп ұлтараққа айналып барамыз.
– Аалымен айтысыңа қазылар тең деген баға қойды. «Әттең қазақтың намысы кетіп барады-ау» деген өкініш өзегіңді өртемеді ме?
– Жоқ , оны мен кетірген жоқпын ғой. Оны сол айтыста баға берген қазылар ойласын.
– Азды-көпті он жылдай айтысыппын дейсің. Сол кездерде «әй мына мәселені айта алмай кеттім-ау» деген сәттерің болды ма?
– Жоқ, болған жоқ. Себебі, мен айтпасам да, басқа елу шақты ақындар бар, солар айтты. Жеріне жеткізіп тұрып айтты. Ақыннан сөз қалмайды ғой. «Ақыннан сөз қалған ба?».
– Болашақта айтыс қандай деңгейде болады деп көз алдыңа елестетесің?
– Үстіне май жинап алып, ырсылдап күресіп жататын жапондардың сумоистерінен қазақ ақындарының қай жері кем. Немесе фонограммамен екі өлең жазып алып, бір клип түсірген «жұлдыздардың» ақындардан қай жері артық? Ақындар олардан биік тұрмаса төмен тұрмайды. Мен болашақта қазақтың әрбір ақыны абыройлы болса деп тілеймін. Жоқ дегенде Сүйінбайдай қадірі болса.
– Айтыстан кеттің. Енді әнші боласың ба? Әлде жүргізуші боласың ба?
– Балаларыма жақсы әке болайын деп жүрмін. Болашақта көре жатармыз кім боларымызды.
– Сұхбатыңа рахмет.


Сұхбаттасқан Оңғар Қабден

Маса.кз

300 ПІКІРЛЕР

  1. Осында алға қазақ деп тсс ұран тастағандарыңыз, өздеріңіз елдің іргеленуіне не жасадыңыздар???күнделікті нан тауып жеп жүрген жұмыстан басқаны айтамда

  2. ринат сен енди озинди ойла алга карай орле онерде жемиске жет халыктын жогын жырлама жаранын аузын ашып онсызда онып журген жокпыз не болса ол болсын баска жазганды коремиз колдан не келеди озине озин сак бол бизди ойлама биз енди мал болдык сол мал боп кеттемиз онерде алгы шепте бол сау бол

    • Ринат аға қанатыңыз талмай тек алдыға шауып атыңызды одан сайын қамшылай тусіңіз сіздің артыңыздан ғайбат айткандарды Алла кешірсін

  3. Ринат бауырым ары карай осе бер Алла жар болсын саган. Коре алмайтындар душман немесе жагымпаз, кезiнде улы Абайдан ( Ибрахим) кейiнгi казактын ак иык акыны Мукагали Макатаев агамыздында кадiрiн тусiнбедi, бiз казак омiрден откенде гана кадiрiн тусiнемiз.

  4. Ринат бауырым, үнемі сені қолдаймын. Басыңа бақ қона берсін. Жолың ашық, жарқын бола берсін. Жамбыл атаның жасын берсін.

  5. Казактын арлы улы жасасын!Ринат сен басына бак конган азаматсын.Биз бакыттымыз казактын биртуар улы омирде барына Алла жар болып аман жур.

  6. Айтыс айтыс емес Ринатсыз отирик жагымпазданып жаттап дайындалатын айтыс айтыс па? Осындай азаматтарымызды осирмесек оширсек не боламыз халык барин корип билип отыр Акын Болу онай дуние емес тартипти тарбиели оз семьясын бекем устайтын елге онеге улги болатындай адамды гана бизге улги етип теледидардан коп корсету керек Ринатты букил намысы бар каэак колдайды шыншыл батыл бетке айтатын отирик жагымпаздык жок нагыз Азамат осындай заман батырын колдайтын казак коп болсын

  7. Озиндей айтыскер бола койса жаксы- ау.Казиргинин бари бурмалап отирикке бел буган.Дегенмен айтыста шындык коп айтылса,каншама кателер дузелер еди.Айтакын агамыз бен Айнур апайымыз ушеунди жаксы тындаушы едим. Окиништи орта жолдан тастап койдым дегениз.Аман болыныз. Озиниздей Акын жастарымыз кобейе берсин.!!!

    • Қателесесің,Ринат арқалы,азулы ақын.
      тәк-тәк тежегеніңе көне алмайтын.
      деніне саулық,шығармашылық асулар тілеймін.

  8. «Манглик Ел» – Абай Айткан Казаксын,
    Намысым «Бар», Бирак Менде Казакпын.
    Бул «Зынданнан» КАЗАК Мени «Шыгармас»,
    «Ултарагы» «Шыгыс» пенен » Батыстын».

Пікір жазу

Пікіріңізді енгізіңіз!
мұнда сіздің атыңызды енгізіңіз