ПРЕЗИДЕНТТІ ТЫҢДАМАЙТЫН ОҢТҮСТІК ҚАЗАҚСТАН облысы әкімшілігі… Әлде, олар ол сөздерді керісінше түсіне ме?

7
1204

Нұрсұлтан НАЗАРБАЕВ,  ҚР Президенті :

САЙЛАУ ӘДІЛ, АШЫҚ БОЛЫП,    ЕШҚАНДАЙ ӘКІМШІЛІК АРАЛАСУ БОЛМАУЫ ТИІС! 

 

 


Аламан жарыста ешқандай көлеңкесіз, бәрін заңмен  жасауымыз керек. Халқымызда «береке басы-бірлік» деген бар. Сайлау елімізді ажыратпау керек. Еліміздің бірлігін нығайта түсу керек. Барлық партияларға айтарым, қанша бір-бірімізді сынасақ та, елдің бірлігін, халықтың татулығын, Қазақстанның ішіндегі тұрақтылықты ең басты мақсат етіп ұстауымыз керек.

Бірлігіміздің арқасы – бүгінгі тірлік.  Бұл саяси додада ешкімге басымдылық жоқ. Сайлау әділ, ашық болуы шарт. Ешқандай әкімшілік араласу болмауы тиіс!

 

ОҢТҮСТІК  ҚАЗАҚСТАН облысы әкімшілігі ПРЕЗИДЕНТТІҢ СӨЗІН ТЫҢДАМАЙ МА?

 ӘЛДЕ ОЛАР ОЛ СӨЗДЕРДІ КЕРІСІНШЕ ТҮСІНЕ МЕ?


 

         Елбасымыз «Мәжіліс сайлауы әділ өтіп, оған ешқандай әкімшілік араласу атымен болмауы тиіс!» деп, айтудайын-ақ айтып жатыр.  Бірақ, біздің елде оны тыңдамайтындар, немесе керісінше түсініп, кері ықпал ететіндер де бар екен.

Оңтүстік Қазақстан облысында «Ақ жол» партиясынан облыстық мәслихатқа 8 кандидат тіркелді. Осылардың ішінде облыс әкімшілігіне шақырылып, «түсіндіру» жұмыстарынан өтпегені кемде-кем. Әңгіменің ауанын түсінбеген, яғни сайлаудан өз еркімен бас тартып, «самотвот»  алмағандармен  облыс әкімінің орынбасарлары  «жеке-жеке» сөйлесетін көрінеді. «Сайлаудан бас тартпасаң, қызметіңнен де, бизнесіңнен де айрыласың» деген бопса талайды састырып-ақ тастайтын   сұрақ. «Ер болсаң, бопсаға шыда» деген сөз осыдан қалса керек.

Одан қалса, облыстағы сайлау округтерінің көбісінде аттас кандидаттар өріп жүр… Бейнебір бір атаның балалары бір ауыздан сайлауға қатысуға шешім қабылдағандай… Ол туралы жергілікті «Рейтинг» газеті жеріне жеткізе жазды да… Мысалы, облыстық мәслихатқа Шымкент қаласындағы №1 округтен барлығы 7 үміткер тіркелсе, олардың төртеуі Ақылбек, яғни 60 пайызы «бір атаның балалары» екен…  Сарыағаш ауданындағы №41 сайлау округінен  түсіп жатқан, іскерлігімен елімізге белгілі Оңтүстік Қазақстан политехникалық колледжінің директоры, облыстық мәслихаттың депутаты,  Амангелді Сопбековпен  жұмыссыз Әділ Сопбеков,  Шымкенттегі №10 округтен түскен «Ернұр» корпорациясының президенті, облыстық мәслихаттың  депутаты Ерлан Нұрмахановпен 20 жасар курьер Арнур Нұрмаханов, №11 округтегі беделді депутат,  облыстық аурухананың бас дәрігері Мұқан Егізбаевпен мұғалім Серік Егізбаев бәсекеге түспек…

Сайлаудың бұндай «Оңтүстіктік» әдісін өзге өңірдегілер естісе таң-тамаша қалардай. Тап бір сайлау кандидаттарын «жасақтауда» облыстық ЦОН жұмыс істегендей…

 

Сонда деймін-ау, «мен не деймін, домбырам не дейді?»-дегендей, Оңтүстіктерге Президентіміз Н.Назарбаевтың сайлауға араласпау туралы талабы, сайлау заңы түк әсер етпейтін болғаны  ма?

                                                                                                          Қ.СЕЙХУНИ

 

 

 

 

 

7 ПІКІРЛЕР

  1. Аудан акімі ақша жинаудан «чемпион» болам деп жанталасуда
    Облыс акімі келеді деп мекемелерден акша жинады бірнеше рет
    Созакта талай соракылык болып жатыр

  2. Бозымбаев чемпион
    НЕСІНЕ АҚ ТЕР, КӨК ТЕР БОЛЫП ЖАТЫРСЫҢ? БІЗДІҢ ЖАМБЫЛДА БОЗЫМБАЕВ НҰР ОТАННАН МАЖІЛІСКЕ ФИНПОЛДЫҢ БАСТТЫҒЫНЫҢ ҚАРЫНДАСЫ ҚОЖАМЖАРОВАНЫҢ КАНДИДАТУРАСЫН ӨТКІЗДІ. ГОРМАСЛИХАТҚА ДЕПУТАТ БОЛЫП, СЕССИЯЛАРҒА ҚАТЫСЫП ЖАРЫТПАҒАН БҰЛ КІСІ НЕ СЕБЕПТІ СОНША МӘРТЕБЕГЕ ИЕ БОЛДЫ? ОҒАН ДА СЕБЕП ДАЙЫН ЕКЕН. БОЗЫМБАЕВ МЕШІТ СОҚТЫРАМ, БАЛАЛАРҒА СПОРТ АЛАҢ САЛДЫРАМ ДЕП ТЕНДЕРЛЕРДІ ТУЫСТАРЫНЫҢ ФИРМАЛАРЫНА БЕРІП 20 ПРОЦЕНТ СЫНДЫРЫП ОТЫРҒАН. ОЛАР СУБЪПОДРЯДҚА БЕРІП ТАҒЫ 20 ПРОЦЕНТ СЫНДЫРҒАН. ЖҰМЫС 50 ПРОЦЕНТКЕ САПАСЫЗ ОРЫНДАЛҒАН, КЕЙБІРЕУІ БІТПЕЙ ҚАЛҒАН. ФИНПОЛ ҮШІН НАҒЫЗ ЖҰМЫСТЫҢ КӨЗІ. СОЛ ҮШІН ФИНПОЛ ҚОЖАМЖАРОВҚА ҚАРЫНДАСЫН МӘЖІЛІС ДЕПУТАТЫ ЕТІП, ЕСЕП АЙЫРЫСУ ҮШІН БОЗЫМБАЕВ ҚОЛЫНДАҒЫ НҰР ОТАНДЫ ПАЙДАЛАНЫП ОТЫР. ЕГЕР ОБЛЫС ДЕПУТАТТАРЫН ОСЫЛАЙ САРАПТАЙТЫН БОЛСАҚ, СЕНІҢ ШЫМКЕНТІҢ БОЗЫМБАЕВТЫҢ АЛДЫНДА ЖІП ЕСЕ АЛМАЙ ҚАЛАДЫ. ТАК ЧТО ПРЕЗИДЕНТТІҢ СӨЗІН ҚЫСТЫРМАУДА БІЗДІҢ БОЗЫМБАЕВ ОЗЫП ТҰР. БОЗЫМБАЕВ ЧЕМПИОН!

  3. ОҚО №41 сайлау округінен түсіп жатқан облыстық ЦОН бастығы Мұхамедқали Әшірбаев жұмыс үстінде 2 миллион пара алып, 10 пайызы 200 мың теңгені сыбайластарына бөліп беріп, «бүгінгі табысымыз 1 миллион 800 теңге, бір күнде жинағанымыз, берекесін берсін. Біз түгіл ана кісінің өзі де парақор, өмір солай»-деп жоғарыға қарап, бата жасағаны жасырын видеосъемкоға жазылып алынған. Ол дискі қазір Шымкенттегі барлық құқық қорғау орындарының бәрінде бар…

  4. Біздің билік барған сайын хамелеондығын асырып барады ғой? тіпті!!! Мынау не деген адам естімеген сұмдық!!! Әдейі солай жасалып отыр ғой! Адамдар шатыстырып алсын деп!

  5. Бұл ОҚО №41 сайлау округінен түсіп жатқан облыстық ЦОН бастығы Мұхамедқали Әшірбаевтың лас тірлігі. Өзін сайлаушы туысқандарының өзі «елді руға бөліп, бүлдірмей, тайып тұр, біздің жайымызды ойлайтын өз депутатымыз бар, соған дауыс береміз» деген соң, ол басты қарсыласы Амангелді Сопбековке фамилиялас Әділ Сопбеков деген жұмыссызды тауып, оны тіркетіп, Алматыға тығып ұстап отыр. Ел дауыс бергенде бір фамилиялы екі кандидаттан шатасып, дауыс бөліну үшін жасалған айла. Әшірбаевтың өзінің үстінен іс қозғалуда, оны сайлау комиссиясы қалай тіркегені таңғалдырады.

  6. МАСҚАРА! Бұл баяғы 15 жыл бұрынғы ескірген әдістер емес пе? Ақ жолға кедергі бұрыннан бар болатын. оңтүстік президент сөзін құлақтарына қыстырмағаны ма? Облыс әкімінің орынбасарларына шамасы жетпей ме, әлде бәрі бірге ме? Әлиев пен Әлиге әлі келер әкім бар м а өзі? Әлде олар заңды белден басу-заңдылық дей ме?

Пікір жазу

Пікіріңізді енгізіңіз!
мұнда сіздің атыңызды енгізіңіз