Қазақстан мұсылмандары діни басқармасының бұрынғы төрағасы, шейх Әбсаттар қажы Дербісәлі Алматыдағы Шығыстану институтының директоры қызметіне тағайындалды.
Бүгін Институт қызметкерлеріне жаңа басшыны Білім және ғылым министрі Бақытжан Жұмағұлов таныстырып, Әбсаттар қажы Дербісәлінің шығыстану саласына қосқан үлесі мен еңбегін атап өтті. «Ол Бас мүфти лауазымына дейін талай жылдар осы салада қызмет атқарды. Академик, ғылым докторы дәрежесіне дейін көтерілді. Біз Әбсаттар қажы Дербісәлінің шығыстану ғылымын төрге сүйрейтініне сенімдіміз», – деді министр Бақытжан Жұмағұлов.
Экс-мүфти Білім және ғылым министрінің сенімін ақтап, ғылымның өркендеуіне қажыр-қайратын жұмсайтынын жеткізді.
ҚМДБ-ның баспасөз қызметі
