"Қазақ үні" газеті журналисі үздіктер қатарынан көрінді!

1 Қазақстан баспасөз клубы мен Алматы Менеджмент Университетінің (бұрынғы Халықаралық Бизнес Академиясы), ұйымдастыруымен Қазақстан Республикасындағы білім тақырыбына байланысты жазылған үздік жарияланымдар бойынша БАҚ редакциялары мен авторлар арасындағы «ЗачОт-2014» VІ Республикалық байқауын жариялаған болатын. Байқау барысында Алматы Менеджмент Университетінің президенті Асылбек Қожахметов, Қазақстан баспасөз клубының президенті Әсел Қараулова, журналист, «Қазақстан жастар ақпарат қызметі» қоғамдық қорының бас директоры Ирина Медникова, саясаттанушы, публицист, «Ұлт тағдыры» қоғамдық бірлестігінің төрағасы Дос Көшім, саясаттанушы, журналист, "Қазақстанның Азаматтық альянсы" заңды тұлғалар бірлестігінің президенті  Нұрлан Ерімбетовтердің әділқазылық етуімен байқау жеңімпаздары анықталды. 2 Бұқаралық ақпарат құралдары арасында қазақ және орыс тілдерінде өткен байқау барысында B.News.kz, "ҚазАқпарат" ақпараттық агенттігі, 24.kz телеарнасы, «Forbes Казахстан» журналы, «Бизнес и власть» газеттері білім саласы бойынша дайындаған материалдары үздік деп танылды. Ал, авторлар арасындағы байқауда 50-ге тарта автордың арасынан, оқ бойы озық шыққан әріптесіміз, "Қазақ үні" газетінің жауапты хатшысы Гүлмира Садықова "Қазақ тілінде білім беру тақырыбына жазылған үздік сұхбаты үшін" номинациясы бойынша «ЗачОт-2014» байқауының жеңімпазы атанды. Қаламың қарымды, ойың орамды болсын, Гүлмира! Бұдан да биік белестерді бағындыра бер!!!                                                                                                                   "Қазақ үні" газеті