Алдағы үш жылда қазақ тілінде білім беретін оқу орындары көбейеді

507553_1352651719_300_0_02016 жылға дейін қазақ тілінде білім беретін оқу орындарының саны артады. Бұл туралы бүгін 2014-2016 жылдарға арналған ҚР-дың білім және ғылым саласы дамуының басым бағыттары талқыланған Үкімет отырысында ҚР Білім және ғылым министрі Аслан Сәрінжіпов мәлім етті. "Біз қазақ тіліне зор көңіл бөлетін боламыз. Мемлекеттік тілде білім беретін оқу орындарының саны арта түседі. Мектепке дейінгі білім беру саласында мұндай ұйымдар саны 2 мыңға дейін, орта білім беруде 4 мыңға дейін жеткізілсе, техникалық және кәсіптік білім беру саласында олардың саны 50-ге артады", - деді ол.