Азиада ойындарының алғашқы күні Қазақстан 4 медаль еншіледі

Индонезияда өтіп жатқан 2018 жылғы Азия ойындарының алғашқы күні қазақстандықтар алтын, күміс және екі қола медаль жеңіп алды, деп хабарлайды inform.kz.

«Алтынды» семсерлесуші Дмитрий Алексанин, «күмісті» еркін күрестен Данияр Қайсанов, дәл осындай спорт түрінен Саятбек Оқасов мен Әділет Давлумбаев қола медальдарды иеленді. Төрт медаль еншілеген Қазақстан құрамасы жалпы командалық медальдық есепте бесінші орынға табан тіреді.

Азиада-2018-дің медальдық есебі:

1. Қытай - 16 медаль (7 алтын, 5 күміс, 4 қола)

2. Жапония - 14 (3-6-5)

3. Оңтүстік Корея - 11 (2-3-6)

4. Иран - 5 (2-2-1)

5. Казақстан - 4 (1-1-2)

Алғашқы күні жалпы 18 елдің спортшылары марапаттарға ие болып үлгерді.