ӨМІР - ӨЛЕҢ
КОРРУПЦИЯ ХАНЫМ...
Орман жұртында бой жеткен пері қыз еді,
Кеудесін ашып, көтеріп қойып тізені,-
Алтын ба, жауһар, күміс пе, бәрін тауып ап,
Көрсетіп арбап, көзінен бізге тізеді.
Түсі жылы ғой?
Қойыны , бірақ, мұздай деп,
Айтады ел неге?
Көгерген көзі тұздай боп,-
Баяғы кезде кемпір-ді мынау албасты,
Боянып шықты он алты жасар қыздай боп?
Етегі-күйе, күнде өртке түсіп, күйгендей,
Бір байдан шығып, бір байға барып тигендей?
Жуандарымның көбісі тәнті өзіне,
Жұбайын-дағы сүймейді-соны сүйгендей?!
Құшағы мұның күн сайын гүлге толады,
Алаштың басын арбайды біраз ол әлі;
Әкесі оның мұжығы болса орманның,
Шешесі-Совет Одағы...
Совет Одағы- кешегі...
Бізде несі енді,-
Бар еді мұның, бермей-ақ қойды есемді?!
Шымкентте неге боқтайды десем шешеден,
Шірітіп жүрген сенсің бе елді?!.
... Шешеңді...
Серік АҚСҰҢҚАРҰЛЫ
qazaquni.kz