ҚАЗАҚ ЖЕРІ КІМДЕРДІҢ ҚОЛЫНДА ЖӘНЕ ОЛАР ЖЕРГЕ ҚАЛАЙ ИЕ БОЛДЫ?

115
5891

Биліктің 25 жыл бойғы жүргізіп отырған «кемеңгер» саясатының арқасында Қазақстан жерінің басым бөлігі жемқорлар мен алаяқтардың қолына өтіп кеткен сияқты.

Осыдан біраз бұрын өмір бойы мемлекеттік қызметте келе жатқан әкім Сергей Кулагин өзінің жеке меншігінде 80 мың гектер жердің бар екенін жариялады.

Кейбір ақпараттарға жүгінсек Василий Розиновтың иелігіндегі «Иволга Холдинг» ЖШС 1,2 млн. (кейбір ақпарат бойынша 700 мың) гектар, Руслан Молдабеков иелік ететін «Қазэкспортастық Холдингі» АҚ 1 млн. гектар (Қазақстан бойынша жер көлемі бойынша Василий Розинов бірінші орында, Руслан Молдабеков екінші орында тұр дейді ) жерге ие болып отырған көрінеді.

Ал кейбір бұрынғы чиновниктер, қазіргі латифундистер түрлі жолмен ие болған жерлерін сатып та үлгергенге ұқсайды.

Мысалы, 2009 жылы Сергей Терещенко өзіне тиеселі жерді 5,5 миллиард теңгеге сатқаны туралы ақпарат жарияланды. Сатылған жердің көлемі және оның кімге сатылғаны қазірше белгісіз.

Бірақ, алдағы уақытта жерге қатысты осындай маңызды мәселелерге терең көңіл бөліп, үлкен зеттеу жұмыстарын жүргізуіміз керек-ақ.

Жер мәселесін шешу үшін құрылған үкіметтік комиссия қазірше бір де бір мәселені шеше алған жоқ. Ол комиссияның жұмысы тамыз айының соңында бітуі мүмкін.

Сондықтан, бұл мәселемен «Алаш жолы» қоғамдық қозғалысының белсенділері шындап айналысуы тиіс деп ойлаймын.

Мақсат Ілиясұлы,

Фейсбук парақшасы

115 ПІКІРЛЕР

  1. «Алаш жолы» жер мәселесімен айналысса, әрине, жақсы ғой. Бірақ оған сол жер иеленуші қазақтың жаңа помещиктері жол бере қойса. Оның барлығы билік басында немесе сол билікке жақындығы, әсері бар адамдар ғой.

    • Тау екеш тауға дейін бөліп алған,бұрынғы алма бақтары қандай еді,осы уақта Алматылықтар тайлы-тұяғы қалмай тауға шығып,рюкзактарын арқалап,алма жинаушы едік.Шіркін,алманың жұпар иісі,таудың таза ауасымен көкірек керіп дем алғанда қандай керемет,бала-шағамызбен жоғары өрмелеп кететінбіз.

  2. Әрбір адам жер иесі болуы керек, сонда ғана еліміз дамып өркендеп, өсетін болады. Ал ол үшін тиісті заң жобалары қажет.

  3. Егер де кейбір жер иеленушілері өздерінің жерлерін жарияласа, одан біз қорықпауымыз қажет, қайта оларға рахметімізді айтуымыз қажет жариялағаны үшін.

  4. Жерді негізі ауылшаруашылығы саласының адамдарына берген жөн, олар сол жерді өңдеп, жақсы өнім алуы үшін.

  5. Қазіргі таңда «Нұрлы жер» бағдарламасы қабылданып, ол қолданысқа енгізілуге дайындалуда, сондықтна да осы бағдарлама арқылы көптеген жерге байланысты өзекті мәселлеер өз шешімін табады деп ойлаймын.

  6. Қазіргі таңда жерді иеленіп отырғандарға тексеріс жүргізу керек, сол арқылы заңсыз өткен жерлерді мемлекетке қайтару керек.

  7. Жермен кең ауқымда айналысатын қазақ азаматтары енді өсіп келеді. Олар алдағы уақытта қазақтың жерін ел мүддесіне пайдалануға жол ашатын болады. Сәл күте тұрайық

  8. Қазақтың даласына кім көрінген қожайын болды-ау. Қашан Мемлекет басшысы шенеуніктерге тиесілі жерді Үкіметке қайтарып, ел игілігіне береді екен? Меніңше, Назарбаев 5 жылға мораторийді беке жариялаған жоқ. Жер түбінде мемлекетке қайтарылады.

  9. 5 жылға мораторий жарияланды. Бұл бізге жерді қалай иеленуімізге байланысты ойланып алуымызға мүмкіндік береді

  10. Қазақтың жері қанша кең болса, сонша иелік ететіндер көп. Дегенмен, мемлекет шенеуніктердің иелігіндегі жерде қайтарып алады. Қазіргі таңда жерлерді түгендеу, тізімге алу шарасы мықтап жүргізіліп отыр.

  11. ең бастысы жерімізге ие болу керектігін халық қозғалысы айқындап берді. Енді билік мұны мұқяит назарда ұстайтын болады.

  12. Әр қазақ менің жалғызым дегеней-ақ, әр сүйем жер үшін қанын берген бабадан қалған аманат бізге бұл жер деген

  13. Аз-маз шыдасақ бәрі де шешілейін деп тұр, уақыт өте бәрі де жөнделеді, бәрібір 5 жылдың ішінде шетелдіктерге жер сатылмайд та, жалңға да берілмейді

  14. Ауыл шаруашылығы мақсатындағы жерлер қарапайым аграрларға беріледі деп жатыр, олай болса кәсіп те дамып, ауыл шаруашылығы саласы да дамитын болады

Пікір жазу

Пікіріңізді енгізіңіз!
мұнда сіздің атыңызды енгізіңіз