Германия ҰОС-да тұтқынға түскендерге өтемақы бермекші

Германия соғыста тұтқын болған қазақстандықтың әрқайсысына 1 миллион теңгеден өтемақы бермек деп хабарлайды КТК арнасы.

Германия соғыста тұтқын болған қазақстандықтың әрқайсысына 1 миллион теңгеден өтемақы бермек 

Бұл соманы 1941-1945 жылдары фашистердің тұтқынында болған отандастарымыз ала алады.  Әлеуметтік даму министрлігіне бұл жайлы хабар Сыртқы істер министрлігінен келген. Алайда, 2,5 мың еуро яғни 1  миллион теңгеге қол жеткізу үшін ардагерлер тұтқында болғанын құжатпен дәлелдеуі тиіс.

Қазір облыстық әкімдіктерге соғыс ардагерлеріне сауалнама толтырып өтініш жазуға көмектесу тапсырылған. Себебі, арыз бірден Германияға жіберілмек. Арыз 2017 жылдың 30-шы қыркүйегіне дейін қабылданады. Жалпы тұтқынға түсіп, азап шеккен ардагерлер санын да сол жергілікті әкімдіктер анықтауы керек.

Дерек көзі: КТК арнасы