Қазақстан казактар атаманының кеңесшісінің қымбат көліктері Шымкенттен табылды
2016 ж. 02 ақпан
2537
0
Қазақстан казактары бірлестігі жоғарғы атаманының кеңесшісінің қымбат көліктері Шымкент автотұрақтарының бірінен табылды.
ОҚО ІІД ішкі ауласында белгілі бизнесмен Тоқтар Төлешовтің қымбат көліктері ұстау бойынша арнайы операциядан кейін бірден пайда болған.
1 ақпанда сыра зауытының территориясынан эвакуатор арқылы сары түсті спорт автомобилі әкетілген еді. Қолданушылар автомобильді эвакуациялау сәтін суретке түсіріп алған.
© Instagram желісіндегі dudoser деген қолданушының суреті
Еске салайық, осыған дейін Шымкентте арнайы операция кезінде белгілі кәсіпкер Тоқтар Төлешовтің ұсталғаны хабарланған болатын. Тұрғылықты мекен-жайы мен жұмыс орнын тексерген кезде қару, есірткі заты және оқулық табылып, тәркіленген.
Ұсталған кәсіпкер "Шымкентсыра" ЖШС иесі және Террорлық қатерлерді сараптау орталығын басқарған. Бірлестіктің сайтындағы өмірбаянда Төлешовтің 2008 жылдан бастап қоғамдық ұйымдарда көптеген қызметтерді атқарғаны жазылған. Сонымен бірге, ол - "Нұр Отан" партиясының мүшесі, бірнеше журналистер одағының мүшесі және Қазақстан казактары бірлестігінің жоғарғы атаманының кеңесшісі.
Дерек көзі: Отырар.тв