“Цеснабанк” АҚ директорлар кеңесінің жаңа басшысы сайланды. Бұл туралы forbes.kz-ке сілтеме жасап NUR.KZ хабарлайды.

[caption id="" align="alignleft" width="299"] Жақсыбеков жемпір мен шұлық сатып алуда. Фото: Оразбек Махмутов, Астана әкімінің баспасөз қызметі[/caption]

Директорлар кеңесінің төрағасы болып Жақсыбек Дәурен Әділбекұлы тағайындалды.  Ол қызметіне 2015 жылдың 14-ші желтоқсанынан бастап кіріскен.

Дәурен Жақсыбек 2000 жылы АҚШ-тың Вашингтон қаласындағы American University-ді “халықаралық қаржы және маркетинг” мамандығы бойынша бітірген. 2002 жылы New York University-ді “несиелік сарапшы” мамандығы бойынша тәмәмдап, Қазақстан заң университетінен заңгер мамандығы бойынша білім алған.

Дәурен Әділбекұлы “Цесна” корпорациясының үлесіне иелік етеді. Сондай-ақ ол Астанадағы Ұлттық кәсіпкерлер палатасы аймақтық кеңесінің төрағасы. Дәурен Жақсыбек  Қазақстандағы үздік кәсіпкерлердің рейтингісінде 12-ші орыннан көрінген.

[caption id="" align="aligncenter" width="719"] Дастарханда отырған - Дәурен Жақсыбеков. Фото: forbes.kz[/caption]

“Цесна” қаржылық холдингінің” жалғыз акционері – “Цесна” корпорациясы. Оның 70 пайызы Әділбек Жақсыбековке тиесілі болса, қалған 30 пайызына Жақсыбековтің ұлы Дәурен, інісі Серік Рыскелдіұлы, әкелі-балалы Мещеряковтар және Нұржан Тұрғымбаев иелік етеді.

Дереккөз: NUR.KZ