Желіде Мысыр жерінде апатқа ұшыраған ресейлік ұшақтың суреттері пайда болды. Ұшақ елсіз жерге құлағандықтан, фотосуреттер кешірек жарияланған.

Ресей федерациясы ТЖМ шұғыл штабының өкілі Санкт-Петербургте өткен брифингте Синай жарты аралындағы ресейлік ұшақ апаты салдарынан барлығы 224 адам, оның ішінде 25 бала қаза тапты, деп мәлімдеді. Бұл туралы РИА Новости хабарлады. «Әуе апатында жиырма бес бала мерт болды», деді штаб өкілі. Сондай-ақ rt.com Желіде Мысырдағы «Когалымавиа» ұшағының апатқа ұшыраған жер түсірілген видео жарияланғанын хабарлады. Ұшақ бортында болған 217 жолаушы мен 7 экипаж мүшесі апаттан соң тіл тартпай кетті. Аман қалған жолаушылар жоқ. Еске сала кетейік, 31 қазан күні Шарм-әл-Шейх – Санкт-Петербург бағытындағы 9268 рейс апатқа ұшыраған болатын.