«Наурызды тойлауға рұқсат жоқ»: Жаңа қаулы шықты

2021 ж. 11 наурыз

1375

0

Алматы қаласының бас мемлекеттік санитариялық дәрігері Жандарбек Бекшин жаңа қаулыға қол қойды.

Құжатқа сәйкес, бұқаралық шаралар, көрмелер, той, жиын өткізуге қойылған тыйым сақталады. Үйде де адам көп жиналатын шаралар ұйымдастыруға болмайды. Сондай-ақ Наурызды тойлауға, мерекелік отырыстар өткізуге рұқсат етілмей отыр, - деп жазды aikyn.kz.

Бас санитар дәрігер 20-24 наурыз аралығында қалааралық, облысаралық автобустар қозғалысын тоқтата тұруды шешті.

Қызметі жаңғыртылмаған нысандарға: боулинг-орталықтарға, компьютерлік клубтарға (Ashyq пилоттьқ жобасына катысатын нысандарды қоспағанда), бильярд, караоке, батуттар, түнгі клубтар, букмекерлік кеңселер, лото және ойын клубтары, жабық үй-жайлардағы ойын алаңдары мен аттракциондарға, мұз айдындарына баруға тыйым салынды.

Қаулы 13 наурызда күшіне енеді.

Құжаттың толық нұсқасымен мына жерден таныса аласыз.