Азат Перуашев мекеме атауларына Алаш қайраткерлерінің есімдерін беруді ұсынды

4
10415

«Ақ жол» партиясының пікірінше, Тәуелсіздігіміздің 27 жылынан кейін мемлекет алдында отарсыздану, яғни де-коммунизация, де-советизация мақсаттарын ұлттық күн тәртібіне қоятын уақыт келді.

Хатта «Мысалы, «ақжолдық» депутаттардың сауалына берілген ресми ақпарат бойынша ел ауқымында Ленин (506 көше), Киров (54 көше), Маркс (40 көше), Крупская (28 көше), Свердлов (24 көше), Энгельс (23 көше) атындағы көшелер, мекемелер мен аймақтық атаулардың тапжылмаған күйі тұрғаны түсініксіз», – деп мәлімдейді.

Сол себепті «Ақ жол» әкімдерден аймақтар мен қалалардағы көше, мекеме атауларына еліміздің тағдырына еш қатысы жоқ адамдардың орнына, бірінші кезекте ұлт тәуелсіздігі жолында жанын пида еткен Алаштың көрнекті қайраткерлерінің есімдерін беруді ұсынып отыр.

Азат Перуашев еліміздің қалалар мен елді мекендеріндегі көше, мекеме атауларына 750-ге жуық Алаш қайраткерлерінің есімдерін беруді ұсынды. Бұл жөнінде облыстар және республикалық маңызы бар қалалар әкімдерінің атына тиісті хат жолданды.

Аталған 750-дей арыстың тізімі жасалып, тіпті, олардың қай өңірде дүниеге келгені, қандай қызмет атқарғаны да анықталды. Бұл жинақталған тізім әкімдерге жіберілді.

«Алаш арыстарын ұлықтау – ешбір басқа этносқа қарсы бағытталған бастама емес. Керісінше, біздің ойымызша, Алаш мұраты бүкіл қазақстандықтарды біріктіріп, еліміздің нағыз ұлттық идеясына айналуы тиіс», – делінген ресми хатта.

Қазақ үні

4 ПІКІРЛЕР

  1. «Ақ жол» партиясының Алаш алдында сіңірген еңбегі зор. Басқа партиялар бұл мәселеге келгенде аузын буған өгіз сияқты үн-түнсіз. Олар неге қолдау көрсетпейді? Әлде олар Алаштың ұрпақтары емес пе? Аяқтары аспаннан салбырап түсіп пе? бәріміз де сол ата-бабаларымыздың ұрпақтары емеспіз бе? Өткенге көз жүгірту ойларына да келмейді.

  2. Өте дұрыс ұсыныс! Қолдаймыз! Алаш арыстарының әрқайсысының есімін ту ететін уақыт баяғыда келген!

  3. Бұл хат тарихта қалуы әбден лайық. Алаш қайраткерлерінің ондай үлкен тізімін бірінші көруім. Аруақ Ақжол бастаған қозғалысқа, разы болсын.

Пікір жазу

Пікіріңізді енгізіңіз!
мұнда сіздің атыңызды енгізіңіз