«Министрдің «екі миллиард» туралы әңгімесі қанымды қоздырып жіберді…»

10
2681

Серік АБАСОВ, «Ел арна» телеарнасының директоры:

«Министрдің  «екі миллиард»  туралы әңгімесі қанымды қоздырып жіберді…»

  Президент «Ел арна» туралы бір ауыз сөз айтпаса да, арна жабылды…

 

1. Маусым айының соңында, ойламаған жерден ”ЕЛ арнаға” директор болып тағайындалдым. Мемлекеттік хатшы мен министріміз сеніп тапсырған соң, “қабырғаммен кеңесіп” толғатып жатпай ақ, бірден келісім бердім. Арнаның сол кездегі директоры Айгүл Мүкей декретте болғандықтан, оның міндетін уақытша атқарушы ретінде іске кірісіп кеттім. Сыйлас құрбымның орнына барар алдында ептеп ыңғайсызданғанымды жасырмаймын. Бірақ, жаныма жақын әрі атауына тікелей қатысым бар телеарнаны жаңа сатыға көтеру мүмкіндігі бәрін ұмыттырып жіберді. Айгүлдің кабинетін «оккупациялаган» жоқпын, төртінші қабаттың шеткі бұрышынан өзіме жетер орын таптым. Әріптестерім 77 санымен аяқталатын бұрынғы телефон номерімді өзіме қайтарып берді…

 2. ”ЕЛ арнаның” өткен жылғы бюджеті бекітіліп, қаржы алдын ала бөлінгендіктен, келе сала «төңкеріс жасай» қою мүмкін емес еді. Сондықтан, қолдағы бар күшті 2014 жылдың жаңа жобаларына жұмылдырдық. Директор ретінде негізгі мақсатым: жастар арнасы болып табылатын екі тілді арнаны бірте-бірте отбасылық арнаға ауыстырып, 2014 жылдың соңына дейін 90 пайызға дейін қазақ тіліне көшіру болатын.

 3. “ЕЛ арнаның” жабылатыны жайлы ескертпені қаңтар айында естідім. «Ойбайлайтындай» касipeт емес, бipак, сол күні жақсылап іштік… Алматыға сол түні «Ирония судьбы или с легким паром» фильміндегі бір кейіпкердің жағдайында «ұшып келіппін»… Ұжымға да жеңіл тимегені анық. Қаншама адам жұмыссыз қалғалы отыр?

 4. «ЕЛдің» жаңа жылдан бергі эфирі өзіңізге таныс шығар?

 Эфир кестесiн «повторлар» жаулап алды. Арасында азын- аулық, асығыс- үсігіс «бірдеңе» жасаған болдық. Бірақ, тағдыры алдын ала шешілген телеарнаның қашқан берекесін қайтару мүмкін емес еді.

 5. ”ЕЛ арнаның” өндіріске бөлетін қаржы көлемі туралы нақты цифрлерді аша алмаймын. Бірақ, тұспалдап жеткізе аламын: тым аз едi… Мемлекеттік арналар ішінде «ЕЛ арнаның» сатып алатын өнімдерге бөлінетін қаржысы “Білім және Мәдениеттен” де, тіпті “Балапаннан” да төмен. Ал “Хабар” мен “Қазақстан” сияқты азулы арналарымен салыстырмай ақ қояйын…

 Ең дөрекі мысал: 2013 жылы “Ел арнаның” ішкі өнімі бойынша бірде бір жобаға жаңа декорация жасалынбапты. Не деген таусылмайтын үнем?! Осыны түсінбей кететін болдым…

 6. Биыл, 2014-жылы жоғарыдағы цифр үш есе көбеяр еді. Яғни, таза өндіріске бөлінетін қаржының молаюы сатып алатын (бұл жерде аусорсингтік компанияларға тапсырыс беру арқылы жасалатын) өнімнің санын да, сапасын да артырар еді. Өкінішке қарай, бекiтілген қомақты қаржыны игеруге қол жеткізіп үлгермедік.

7. Директор ретінде қызметке қабылданған кезде “Ел арнада” отыз алты адам ғана қызмет атқаратын. Штатта екі ақ продюсер болды. Біреуі- таңертеңгілік жобадағы Қымбат Досжан, екіншісі- тележоба үшiн «отқа күйiп, суға батып» жүретін Толқын Сейдоллақызы. Бұған «әмбебап» (ұйымдастырушы, жүргізуші, «жүгіруші») Асхат Садырбайды қосыңыз… Арнаның өндірістік ауқымын осы штаттың шамасымен ақ бағамдай беріңіздер. Күнделікті кешкілікті эфирді арзан бағалы «Жарайсыңмен» жауып жүрдік… Түкке тұрмайтын тиын-тебенге жасалатын «Ән арнаның» сапасы туралы айтпай ақ қояйын… Бұлармен алысқа шаппасымыз түсінікті еді… «Туған өлкеміз» де көпке ұзаған жоқ… Ұжым жаңа жылда басталатын телемаусымға үлкен үміт отыр едi.

 8. Менің ұсынысыммен, қыркүйек айынан бастап телеарнада креативтік директор, бас продюсер, бас редактор қызметтері пайда болды. Бұған Нариман Қойшыбаев, Бақыт Аманжолқызы, Әсия Бақдәулетқызы, Сандуғаш Кенжебаева секілді талантты жастар тартылды. Бірнеше тілде еркін сөйлеп, буган коса шығармашылығы мен іскерлігін қатар алып жүрген жастар жаңа жұмысқа білек сыбана кіріскен-ді. Бет алысымыз тәп-тәуір болатын…

 9. ”Ел арна” эфирінің төрттен бір бөлігін түрік пен кәріс сериалдары толтыратын. Оларға тиым салған кезде эфирлік кестеде үлкен “дыркалар” көбейді. Оны жабу да үлкен проблемаға айналды. Әр аптаның эфирлік кестесін дайындаған кезде, «банк кредитін қайтаратын уақытта тиын таппай» қиналатын мұқтаж отбасыдай сезінетінбіз. Арғы жағы білгілі емес пе? Күндіз түні ығырыңды шығаратын қайталау, ертелі кеш езе беретін “повторлар”…

 10. Өндіріске бөлінген ақша көлемі шектеулi болғандықтын бақа арнадағыдай “мегажобалар” жасай алмағанымыз рас. Көрерменге «Сулейман великолепный» мен «Келін» сияқты сериалдар деңгейінде телхикаялар да ұсына алмадық. Соған қарамастан, тұрақты көрерменiмiздiн молдығын мақтан тұтамыз. Аудиториямыздың басым көпшілігі әйелдер қауымы, 80 пайызға жуығы қазақ тілді көрермен еді. Олардың телеарнаға адалдығына эфирдің жұпынылығы да кедергі бола алмады. Бізбен бірге соңына дейін шыдап, эфир жабылғанша үміт үзбегеніңіз үшін бәріңізге мың да бір рахмет!

 11. Министр Ерболат Досаев “шегелеп айтқан” екі миллиард теңге  “Ел арнаның” жеке еншісінде болса, нәтиже мүлдем басқаша болар еді. Шаңырағымыз мен есеп шотымыз ортақ болғандықтан «Хабар» Агенттігінiн» иелiгiне берiлген әлгі қаржы біздің ғана игілігімізге жұмсалмаганы анык. Бұл бөлек әңгіме…

12. Рейтинг бойынша… Осыларды зерттеп, «нан тауып жеп” отырған «TNS Gallup Media» деп аталатын мекеме бар. Солар арқылы «Ел арнаның» 2012 жылғы нәтижесі мен 2013 жылдың екінші жартысындағы көрсеткішін салыстырып көруіңізге болады. Өткен күздің соңына қарай, шамамызға қарамастан “Хабар” ағайдың» өзімен де рейтинг бойынша тайталаса бастадық. Тіпті, апталап ілгері кеткен кезеңдер де болды… Бірнеше рет “Қазақстан” телеарнасынан да озған күндеріміз есте. Бұл қаржымыздың аздығына қарамастан жасаған әрекетіміздің нәтижесі еді. Ал биылғы жоспарлаған қаржыға қол жеткізіп, жобалардың бәрін іске асырғанда, «талайды шаң қаптырар» едік.

 13. «Президент Казахстана в октябре давал поручение оставить только каналы с качественным и необходимым контентом», – депті министр Е.Досаев

 Шынында да, Президент не деп еді?

 «Куда смотрят при рассмотрении бюджета? «Бiлiм» и «Мәдениет» – это точно один канал в моем понятии. Смотришь эти каналы – контента нет, не могут найти. Из пальца высасывают. Показывают животный мир и какие-то исторические фильмы. И все. Сколько людей работают на каждом из этих каналов, а творчества нет. «CaspioNet» сейчас назвали «Kazakh TV», еще появился «24.KZ». Это разве не один канал, который транслируется и в Казахстане, и в мире? Вместо того, чтобы работать качественно, мы черт-те что делаем, деньги разбазариваем», – заявил тогда Президент.

 Назар аударыңызшы, Президент «Ел арна» туралы бір ауыз сөз айтты ма?

 14. 2000 жылдың наурызында ”Хабар-2” болып ашылған “Ел арна” биылғы наурызда жабылғалы жатыр. Арасында он төрт жыл…

 15. Ешкім жылап сықтап жатқан жоқ. Телеарна жабылса да ұжым жабықпайды… Құдай аманшылығымызды берсін! Жеке өзіме келсек: мемлекеттік телевизия саласында қызмет жасағаныма биыл жиырма бес жыл толады екен. Оның соңғы он екі жылы әртүрлі «қожайындарға» жалтақтап, шығармашылық еркіндік пен ерекше «бата» күтумен өтіп кетті. «ГосСМИ-дің» қазіргі жағдайында мемлекеттік телеарналардан өзіме орын көріп тұрғаным жоқ. Олардың өзгергісі келмесе, онда өзім өзгеруім керек шығар?

 16. Біздің артық ақшамыз жоқ… Бізде «ағашка» да жоқ…

 Бірақ, біз жаңа қадамдар жасауға қорықпаймыз… Ал, сіз ше?

 17. Бұлай жазам деген ой жоқ еді. Министр Ерболат Досаевтың «екі миллиард» пен «рейтинг» туралы әңгімесі қанымды қоздырып жіберді.

Ғафу етіңіздер!

Фейсбуктегі парақшасынан

10 ПІКІРЛЕР

  1. Осы жазықсыз жандарға жала жауып,елді елеңдеткен Ақиқат деген кино түсіріп Исмадулла ақсақал бастаған мұсылмандарды күстаналаған Серік деген сен бе шырағым.Саяттай ғұламаны түрмеге отырғызғанда қай жерің кеңіді.Өзіңе,отбасыңа,қауіп төндіріп пе еді?Тапсырыс дерсің,онда сенің құның көк тиын роботсың.

  2. «Ел арнаны» жапқанымыз елдігімізге,егемендігімізге сын болды ағайын! Не деген намысы жоқ бейшара едік,билікте отырған, есін білгелі «борщ ішкен» байшыкеш бауырларымыз отырғанда осылай бола беретіні айдан анық,себебі…. «соқыр тауыққа» бәрі бидай!

  3. «Адай» дұрыс айтады!
    /Директор ретінде негізгі мақсатым: жастар арнасы болып табылатын екі тілді арнаны бірте-бірте отбасылық арнаға ауыстырып, 2014 жылдың соңына дейін 90 пайызға дейін қазақ тіліне көшіру болатын. /
    Серік бауырым! Осы мақсатың орыстілді биліктегілерге ұнамай қалған ғой! Еларнаның жабылуына ең үлкен мүдделі топ – ол қазақты тілінен, ділінен, дәстүрінен, абырой-намысынан жұрдай етуді көздейтін, ҚАЗАҚҚА ҚАРСЫ РУХАНИ СОҒЫС ЖҮРГІЗІП ОТЫРҒАН ТОПТАР!
    Ол топтың кім екенін білгілерің келсе Мұхтар Мағауин ағамыздың «Общественная позиция»
    (проект «DAT» № 09 (233) от 06 марта 2014 г. КРИК ДУШИ. КАЗАХСТАН БЕЗ КАЗАХОВ) газетіндегі мақаласын оқыңыздар!

  4. “Министрдің “екі миллиард” туралы әңгімесі қанымды қоздырып жіберді…”
    Президент “Ел арна” туралы бір ауыз сөз айтпаса да, арна жабылды…

  5. Қазақ тілі де, ол тілді дүниеге әкелген қазақ халқы да, бірте-бірте, 23 жыл бұрын қол жеткізген тәуелсіздігін қайта жоғалтуда. Орыс күш алды. Бүгін Укринаны бөлшектеп, Қырымды өзіне қосса, ертең қазақты да, тәу еткен тәуеліздігінен айырып, Ресейдің құрамына қоспақшы. Осыдан кейін Еларна жабылмай қайтсін. Қазақ тіліне қысым қайтадан басталғанын байқамайсыңдар ма ағайын? Елді ойлайтын игі жақсы қалмады. Бұл қазаққа Гитлер сияқты ұлтшыл, тентек, қатігез, елді дүр сілкіндіріп, орыс пен қытайға тайсалмай қарсы қоятын лидер керек! Әйтпесе әркімге жем боламыз, онсыз да жем болып болдық.

Пікір жазу

Пікіріңізді енгізіңіз!
мұнда сіздің атыңызды енгізіңіз