Cемей атауын «Алаш» деп өзгерту ұсынылды

4
1428

Семей қаласының атауын өзгерту туралы ұсыныс бүгін Астанада «Алаш» ұлт-азаттық қозғалысының көсемі Әлихан Бөкейханның туғанына 148 жыл толуына орай өткен конференцияның Қарарында қабылданды.

Конференция Қарарында Әлихан Бөкейханның 2016 жылы аталып өтілетін 150 жылдық мерейтойына байланысты ҚР Үкіметі жанынан арнайы комиссия құру ұсынылды.

Алаш қайраткерінің есімін мәңгілікке қалдыру мақсатында 16 томдық еңбегі мен жеке энциклопедиясын бастыру туралы бастама көтерілді. Әлихан Бөкейхан туралы фильм түсіру ісі де қатысушылар тарапынан қолдау тапты.

Сонымен қатар, 1917 жылдан 1920 жылға дейін Алаштың астанасы болған қазіргі Семей қаласының атауын «Алаш» деп атау туралы да ұсыныс енгізілді. Қарар жобасы алдағы уақытта ҚР Үкіметіне жолданбақ.

baq.kz

4 ПІКІРЛЕР

  1. Қазір қазаққа керегі – қала аттарын өзгерту емес,қазақтың болашағын ойлау,соның қамын ойлау,Ол дегенің – Қазақ көшін қайтадан жандандыру, келген ағайындарымызды тезірек Солтүстік, Шығыс аймақтарға қоныстандыру болу керек! Оларға бір кездегі Германиядағыдай жағдай жасау,тезірек азаматтық әперу,төрт жылға созбай,балаларын мектеп-интернаттарға орналастыру тағы басқа көмек көрсету,Осының бәрін Үкімет мемлекеттік бюджетінен істеу керек!Есті Үкімет осылай Ұлт болашағын ойлайды.Олай ойламаса ондай Үкімет кетсін.

  2. түкке керегі жоқ. оданда орыстіліндегі қалаларды қазақшаландыр. оңтүстіктегі қалың қазақты сол жаққа жұмыс жер немесе үй беріп жоспарлы көшіру керек.

  3. Ертеден келе жатқан Семей атауын өзгертудің жөні болмас.Ұлы Абай мен Мұхтардың рухын қорлағандай болмай ма! Егер, «Алаш» рухын көтергілерің келсе, Петропавл, Павлодар облыстарынығ атауларын өзгертіп, соның біріне «Алаш» атын қойыңдар! Жұмат

Пікір жазу

Пікіріңізді енгізіңіз!
мұнда сіздің атыңызды енгізіңіз