САПАЛЫ ҚАЗАҚ болу үшін НЕ ІСТЕУ керек?!.

21
9380

Кәсіпкер Ахметбек Нұрсила мастер класс өткізеді.

САПАЛЫ ҚАЗАҚ

Қазақстан елінің сапалы болуы –  Әр Қазақстандық азаматтың сапасына байланысты!

 

Біз кейін қалған халық, алға басып, жұрт қатарына кіруіміз керек. Басқадан кем болмас үшін  біз білімді, бай һәм күшті болуымыз керек. Білімді болуға оқу керек.Бай болуға кәсіп керек.Күшті болуға бірлік  керек. Осы керектердің жолында жұмыс істеу керек.

Ахмет Байтұрсынұлы

  1. Білімді болуымыз керек. Білімді болуға оқукерек.
  2. 2.       Бай болуымыз керек. Бай болуға кәсіп керек.
  3. Күшті болуымыз керек. Күшті болуға бірлік керек.

 

Біздің, Алаш ардақтысының сөзіне заман талабына сай қосарымыз:

 

  1. 4.       Ден саулығымыз мықты болу керек. Сау болу үшін салауатты өмір сүру керек.
  2. 5.       Мәдениетіміз жоғары болу керек. Бір бірімізді, қоршаған ортаны сыйлап үйренуіміз керек.
  3. 6.     Қайырымды болуымыз керек. «Елім маған не   береді» демей, «мен еліме не беремін» деп жұмыс істеуду үйрену керек. Болмаса: Жетім- жесірге, елімізге қолғабысымызды тигізу жолында жұмыс істеуіміз керек.

 

 Біз Алаш көсемі Ахмет Байтұрсынұлы атамыздың арманын нақты іс жүзінде орындауға бар күш жігерімізді саламыз.

  • Білім жолында: Сапалы қазақ деген Сайт ашып, осында әр мамандықтар  бойынша кітаптар орналастырамыз, бірге оқып талқылаймыз.
  • Бай болу жолында: Кәсіп ашып, бай боламын деген жастарға нақты жол көрсетіп, Бизнес жоспарды қалай жасайды, мекемені қалай басқаруға, өнімді қалай өндіріп, сату жолдарын көрсететін тренингтер өткіземіз.  Вебинар арқылы интернеті бар Қазақстанның елді мекендерімен онлайн тренингтер өткіземіз.
  • Бірлік жолында: Діни көзқарасына, саяси көзқарасына, тіл білгеніне қарап алаламай,  бір бірімізге толерантты көзқараспен қарауды үйренеміз.
  • Денсаулық жолында: Салауатты өмір салтын насихаттап, іс жүзінде қолданатын боламыз. Арақ, шарап, зиянды сусындардан бас тартып, спортпен шұғылданамыз.
  • Мәдениет жолында: Боқтық сөздерден арылып, қала мен даламыздың тазалығын сақтау жолында жұмыс істейміз.
  • Қайырымдылық жолында: Жетімдер үйіне, жарымжан адамдарға көмек көрсетеміз. Еліміздің болашағы үшін жан- тәнімізді аямай жұмыс істейміз

Қазақстан елінің сапалы болуы –  Әр Қазақстандық азаматтың сапасына байланысты!

 

Ұлтын керек қылып, халыққа қызмет қыламын деген қазақ балалары қазақ жұмысына қолынан келгенше қарап тұрмай, кірісіп, істей берсе – ұлт жұмысы ұлғайып, толықпақшы.

Ахмет Байтұрсынұлы

 

Сапалы Қазақ сайтының бас редакторы Ахметбек Нұрсила

Ахметбек Нұрсила  Қазақ тілінде “САПАЛЫ ҚАЗАҚ” Мастер класс өткізеді.

 

Көшбасшы болу (Лидер), “Жалақы” алып, жалшы болмау дегенді көп адамдар көзалдына елестете алмайды!

Ал сіздің көз алдыңызда: Мекеме ашып, артынан адамдарды ертіп, өзіне де, жақынына да, еліне де пайдасы тиіп жүрген жандар қаншама!

Ұйқыдан оянып, өз тағдырыңызды өз қолыңызға алып,  қаражат қысылысынан шығу кез келген адамның өз қолында!

Тренингте осы жолдарды үйренесіз! Өзіңізге деген сеніміңіз күшейді!

 

Программада:

  • Сапалы өмір дегеніміз не? Өміріңіздің сапасын қалай өлшеуге болады?
  • Өмірге деген дұрыс көзқарасты қалай қалыптастыруға болады?
  • Өміріңіздің сапалы болуы үшін не істеу керек?
  • Кәсіп ашып, “Жал ақы “ алатын жалшы болудан қалай құтылуға болады?
  • Кәсіпкер (Бизнесмен) болудың жолдары қандай?
  • Өмірлік мақсатты қалай дұрыс таңдауға болады?
  • Өмірде орны толмас ресурс УАҚЫТТЫ қалай дұрыс пайдалануға болады?

Осындай өзекті  сұрақтарға жауап ала аласыз!

www.qazaquni.kz

 

 

21 ПІКІРЛЕР

  1. Бүгінгідей алмағайып заманда жүрегі қазақ деп соғатын, жаны қазақ деп ауыратын осындай намысты жігіттердің болғандығы көңілді қуантады.Жаса қазақ!Сапалы қазақ болу үшін әркім өзінің тілінен,дінінен, мәдениетінен бастасын.Біздің қазақ ешбір ұлттан кем емес,артық болмаса. Оған тарих куә.Әрбір қазақ өзінің ізгілікті ісімен артына,яғни, ұрпағына із қалдырса сапалы емей немене.

  2. Нағыз қазақ, атасалтын құрметтеп , сыйлап сол үшін мақтану керек. Нағыз қазақтың жігіттері, нағыз еркек болу керек. Сосын сапалы қазақ шығады.

  3. Сапалы казак болу ушин жаны тани таза болу керек жаман адеттерден аулак болу ол ушин туылганнан кунинен бастап жаксы тарбие алу

  4. МЕН ҚАЗАҚПЫН .
    Мен қазақпын қаным таза жаралған ,
    Ар жолында еркіндіктен нәр алған .
    Анашымның ақ сүтінен ем қонып
    Бесік жырым , ана тілмен таралған .
    Жерлерім бар шексіз жатқан кең байтақ ,
    Ойлап қара Ей , азамат сен байқап .
    Қаратаудан көш тізбегі тізіліп
    Елім – айға зарлап өткен бар аймақ .
    Алашым деп , жауларынан сақтанған ,
    Ел бірлігін бабаларым басқарған .
    Атқа қонды , жерін қорғап ұран сап
    Жігерленіп Ер намысын атқарған .
    Көз жіберіп қарап көрші тарихқа ,
    Өтті талай қан төгістер анық па ?
    Мың бір өліп , қайта жасап тіріліп
    Нар қазағым қайыспады азапқа !
    Мен қазақпын , берік туған тілім бар ,
    Шүкір еттім бостандықта дінім бар .
    Тәуелсізбін ешкімдерге жалынбай
    Иелік еткен егемендік елім бар .
    Қайталаймын мен қазақпын есейген ,
    Ел Ордасы Астанам бар көркейген . Алға , самға Қазақстан Әнұран – Көкке Туым , Елтаңбамен өрлеген !
    Мақтанамын Нұр Отаным мен бүгін ,
    Таңғалдырып , табындырып жер жүзін .
    Әділетті қорғап өткін қазағым
    Бұлт шалмасын елімізде күн көзін .
    3

  5. Сапалы қазақ болу-ол әр қазақтың өзін мәдениетті көрсете біліп, басқаның алдында /басқа ұлт өкілі алдында/ пейілі де,тұрқы да, сөз саптауы мен адами қасиетінің биік болуында.Ал біздер осы сайттың бетінен де бір-бірімізді қаралап, төмендетіп отырамыз.Рухың тайыз болса несіне пікір жазасыңдар, ағайын.Абайды оқып, Ахметті қайтала.Өскен ортаңа қара, кемшінін жасыр, бірақ дұрыста.Өсер елдің баласы болып бір-біріңді асқақтата біл.Сын айту үшін нақты факт болсын

  6. Қазақ боламын десеңіз.

    Қазақ боламын десеңіз,
    Таза болсын ортада,
    Ыдыс-аяқ, кесеңіз.
    Әр қонақтың астына,
    Көрпе, жастық, көпшік сап,
    Алаша, сырмақ төсеңіз.
    Құдайы келген қонаққа,
    Айқара есік ашыңыз.
    Шөп-шаламмен шектелмей,
    Қазақы тамақ асыңыз.
    Таза болсын аулаңыз,
    Қонақ атын байлайтын,
    Орынды ерте қаузаңыз.
    Жуынды, су, күл-қоқыс,
    Көрнеу жерге жаймаңыз.
    Қолжуғышты таза ұстап,
    Болса ләзім айнаңыз.
    Орамалды әтірлеп,
    Дер кезінде сайлаңыз.
    Қотыр қылмай үй сыртын,
    Әкпен дұрыс майлаңыз.
    Қазақ болам десеңіз,
    Тойға шашу шашыңыз.
    Жар-жар айтып кәрі жас,
    Думандатып ән салып,
    Құшақтасып, көрісіп,
    Мауқыңызды басыңыз.
    Құданы сыйлап құдайдай,
    Соңына оның еріңіз.
    Дастарханның басында
    Жыйналып әнші, серіңіз.
    Бас-басыңа даурықпай,
    Үлкенге сөзді беріңіз.
    Шен-шекпенді сыйламай,
    Сақалды болсын төріңіз.
    Қыз-бозбала қуыршақтай,
    Үйіріліп билесін.
    Отырсын келін ұялып,
    Жібекпен жауып күймесін.
    Арақ-шарап алдырмай,
    Үлкен бата бергенше,
    Табаққа қолды салдырмай.
    Абысындар қауышып,
    Сыр тарқасып, қандырмай,
    Айнала жүрген бүлдіршін,
    Бұлаққа біткен балдырдай.
    Ағайындар бас қосып,
    Әңгіме-дүкен құрасын.
    Қал жағдайын бірінің
    Кезектесіп сұрасын.
    Осындай ұлы сәттерде,
    Ұрпаққа өзің сүйсініп,
    Алыстан қарап тұрасың.
    Ұмытылып дүние боқ,
    Шеріңді бір тарқатып,
    Қыймастай болып кетесің,
    Бәрі риза, көңілің тоқ.
    Қазақ боламын десеңіз,
    Сөзге құлақ салыңыз.
    Үлкеннің айтқан ақылын,
    Мақұл көріп алыңыз.
    Атадан қалған асыл сөз,
    Сіздің жыйған малыңыз.
    Төрге тұмар іліңіз,
    Құран, қамшы, бес қару,
    Қорғаныңыз біліңіз.
    Әр нәрсеге адамның,
    Өз бетінше еркі бар.
    Қазақы заттың қазаққа,
    Өзінше берер көркі бар,
    Киесі бар, серті бар.
    Балаң қарап өседі,
    Соны аңсап ол құмар.
    Қару-жарақ, ер-тұрман,
    Аяқ асты жатпасын.
    Қарап отыр ерінбей,
    Даттанып ол кетпесін,
    Иесісі сақтасын.
    Бес аспабы өнердің,
    Домбыра, қобыз, сырнайы,
    Дабылменен сыбызғы,
    Күтіп ұста әрдайым.
    Дүние жыйсаң төсек жый,
    Көрпе, жастық мол болсын.
    Арнайы қонақ, досыңа,
    Іздеп келер жол болсын.
    Алтын, күміс асыл тас,
    Болмайды саған ол жолдас.
    Құл қылады өзіңді,
    Таса қылмай көзінді.
    Берекеңді шашасың,
    Дос-жораңнан қашасың,
    Адамдық түгел сыйқыңнан,
    Айырылып бір күні,
    Тозаққа есік ашасың.
    Басыңа жыйған дүние
    Үнемі саған құл болсын,
    Қызымет жасап өзіңе,
    Азып, тозып, тұл болсын.
    Өнер болсын бойыңда,
    Аздап сері, күйші бол.
    Қыз-қырқынды үйіріп,
    Жас кезіңде биші бол.
    Сөз додаға түсетін,
    Ақындығың тағы бар.
    Күресетін палуан бол,
    Шымыр қыймыл, әлді қол.
    Шынығып өс жасыңнан,
    Сымбатты, сұлу, әсем бол.
    Даулы жерде шешен бол,
    Топты жерде көсем бол.
    Ит жүгіртіп, кұс салып,
    Ат үстінде аңшы бол.
    Ата жолын ардақтап,
    Домбырашы, әнші бол.
    Қолыңда бар кезіңде,
    Туыс жыйна, дос жыйна.
    Жамандықтан сақтанар,
    Ақыл жыйна, ес жыйна.
    Жомарттыққа жақын бол,
    Дос жыйынға мақұл бол,
    Сертіңе берген берік бол.
    Бос сөйлемей бақылдап,
    Иманды сөзге көрік бол.
    Ата сөзін ардақтап,
    Құраннан ізде сара жол.
    Басыңды иіп Аруаққа,
    Бата жаса әр уақытта.
    Табынып бір Аллаһқа,
    Қылған жақсы ісіңді,
    Намазбенен салмақта.
    Қабыл болса тілегің,
    Түсірмес сені жаратқан,
    Кәпір салған қармаққа.
    Қазақ боламын десеңіз,
    Таза болсын жүрегің,
    Ақтан болсын тілегің.
    Ана тілің мәңгілік,
    Өле өлгенше тірегің.
    Қамын ойла халқыңның,
    Әдет, ғұрып, салтыңның.
    Қандасыңа қамқор бол,
    Діңгегі бұл антыңның.
    Құдай қосқан жарыңды,
    Жарық күнде сыйлап өт.
    Күнің ертең өткен соң,
    Атанып жүрме пима бет.
    Жалған мынау дүние,
    Баяны жоқ соңында,
    Бір күндейін болмайды
    Ойлан оны оңыңда.
    Екі дүние есігі,
    Бүгін міне қолыңда.
    Қылған әрбір жаксы ісің,
    Бұл дүниеде парызың,
    О дүниеге карызың,
    Есек жолын іздеме
    Ізде әркез нар ізін.

  7. ҒҒ – Ғасыр Ғұламасы деген. 2011 жылдың 1 қарашасында біздің ғалымдар бір кісіге сондай атақ берген…

  8. Оны түсінудің қажеті жоқ. Сол кісіден кейінгі өмірде билікті алып, қазақты сапалы қыла алсақ та жетіп жатыр…

  9. Нағашыбай ҒҒ-ыңды түсіне алмадым ал сапалы билік құра алсақ, Ата Заң толық қанды жұмыс жасаса,Ата-Баба дәстүрінмен салтымызды ұстансақ нағыз қазақ боламыз.

  10. Шіркін… ҒҒ-дан соң сапалы билік құра алсақ, қазақтарды бес секундта деп айтпай-ақ қояйын, ол аз болар, алты секундта сапалы қылып шығаруға болар еді…

  11. Зонакейзет сайтындағы сіздің бетіңіз ашылсада оқырманға пікір қалдыруды болдырмайтын нық кедергі жасап қойған. Сенбесеңіз өзіңіз байқаңыз.

  12. http://www.qazaquni.kz – осы сайтты түрлі жарнама құралдары арқылы жариа ету керек. Егер, пейіліңізбен қалтаңыз көтерсе. Егер, осы сайттың мағынасымен мазмұны заман талабына сайлығында күмәніңіз болмаса.

Пікір жазу

Пікіріңізді енгізіңіз!
мұнда сіздің атыңызды енгізіңіз