Айдос Сарым: Жазушылық – дін емес, Мағауин – Қағба емес!

9
2631

Саясаттанушы Айдос Сарым жазушы Рақымжан Отарбаевтың бірқатар қазақ жазушыларына шүйліккен пікіріне қатысты өз көзқарасын білдірген екен. 

Картинки по запросу айдос сарым

Осы біздің қазаққа қайран қаламын! Рақымжан Отарбаев Мұқтар Мағауин туралы пікір айтыпты деп бұлқан-талқан болып жатыр.

Ал, жарайды, айтқан шығар. Қақысы бар. Ол да жазушы, ойы бар, пікірі бар. Біреуге ұнайды, біреуге ұнамайды. Мағауин де солай. Өз араларындағы қарым-қатынас, бəсекелестік шығар.

Алайда осы үшін қалған халықтың қылғынатындай жөні бар ма? Ауызы бар, айтады да. Қажеті болса, Мұқаң өз жауабын берер. Бала емес, кемтар емес. Қарымды қаламгер, тірі классик жазушы.

Жазушылық — дін емес. Мағауин — Қағба емес. Жазушылық, шығармашылық үшін бұл үрдіс, тіпті, пайдалы, керек десеңіздер. Бүгінгі əдебиетіміздің тұралап қалуы, айналып келгенде, сынның жоқтығынан.

Əдеби ортадағы бəсекелестіктің жоқтығынан. Маған десе, біріккен Одақтың да қажеті жоқ. Қырық одақ, жүз ұйым болсын. Бір-бірін түтіп жесін, аямай сынасын, сынағанда шаңы көкке шықсын! Бұл бүгінгі боқ сасыған «болотодан» жақсы.

Мағауин Отарбаевқа емес, қоғамға жауап беруі керек. Жаңа романымен, жаңа дүниесімен, жаңа жазбаларымен. Жаңа туындысын оқыған соң: «Ееее, Отарбаевтікі дұрыс емес екен! Мұқаңдай жазып алсыншы алдымен!» — деп отырайық сосын.

Дереккөз: 365info.kz

9 ПІКІРЛЕР

  1. Айдос шамасы байдың баласы болар немесе бала болғысы келіп жүрген болар аузы қисық болса деген сһзбао

  2. Сол баяғы ескі заманның кертартпа әдеті: әділ сын айтшы шалқаларынанн түседі жақ -жақ айтысады, руға, жікке бөлінеді.Не үшін шырылдайды, не үшін жан күйінеді бірінің жұмысы жоқ. Кезінде абыздар, даналар осдан құсаланған.Қазақ жайын қазақ біледі, уайым қылады. Шуылдай бермей, жоба, шешім жағын қарастырсаңдар етті.Қазіргі жазушылардың да, ақындардың да саны көп, сапасы жоқ. Шалқаларыңыздан түсіңіздер, бірақ запыран төкпес бұрын 1 минут ойланып алыңыздар. Неге солай болып кетті???Мүмкін шын таланттар күнкөріс үшін айдалада жүргендіктен, ал тамыр- таныстық, құйтырқылық, құйыршықтық арқылы біраз жерге жеткендерді жұрт өнер иелері деп шатасқандықтан болар? Оларды тістеп, теуіп, қудалап жолатпаса жақсы дүние жұртқа ешқашан жетпес. Әрі-беріден соң ол жеке адамға емес күллі қазаққа тиісті жақсылықты қаза ету. Бұл-ауыр күнә. Расында қылмыстан аяқ алып жүре алмас заман болып кетті.Орын ауысып кеткен. Орын тәртібі сөйлемде ғана емес, күллі өмірде керек деп есептеймін.

  3. бүгінгі əдебиет сын жоқтан тұралап қалса қалған шығар ,ал келешекте жазушы шығады деп мен ойламаймын,өйткені ол қалай шығады бəрі қалада тұрады,оқу 3тілде (шұбар ала)жан жағыңа қарасаң бəрі орысша сөйлейді(жартысы шұбарлап)-сонда осындай қоғамнан бір жазушы шығады деп сіз де сенбессіз.жазушылық менімен бірге өледі деп ана кісі тұспалдап айтқаны да сол.

  4. Айдос сәждеге басын тигізбей тұрып дін мен қағбадан түседі, 10 жылдың алдында қазақша сәлемдесуді де білмейтін, оппозиционер болғанын жұрт біледі

  5. Жақсы айтқан екенсің, Айдос. Қазір қай – қай салада да сын жоқ қой. Сын айтсаң сенің қолыңды алып жатады, күлкің келеді. Себебі:тектілігіміз жойылып барады. Отарбаевтікі,өзінше, дұрыс. Оны кінараттаудың қажеті жоқ. Өсіп келе жатырған ұрпағымыздың болашағына налығандықтан айтты.

  6. Мағауиннің бұрынғы жазғандары түк емес, енді Отарбаевтан озам десе, жаңа бір шығарма жазуы керек екен. Ал марқұм болып кеткен суррогат жазушы үшін АСарым жаза ма…

  7. Орынды. Қай салада, қай деңгейде болмасын сын жоғалды. Оппозицияда дегенің де жоқ секілді. Бәрі жақсы дей бергеннен ештеңе де жақсы болмайды екен.Тығырыққа тірелгендей қазіргі жағдай көрсетіп отыр. Ең жаманы жеке адам тұрмақ халық (ұлт деп әдейі айтпаймын, қазіргі қалпымызбен әзірге ұлт болатын түріміз байқалмайды) мінезі бұзылды. Жақсы жағына емес.Бұл жөнінде де Айдос Сарым мырза өз көзқарасын білдірсе, жақсы болар еді.

Пікір жазу

Пікіріңізді енгізіңіз!
мұнда сіздің атыңызды енгізіңіз