Р. Отарбаев: Әулиедей Әбіш аға құсадан қаза болған

16
5854

Әбіш Кекілбаев қазақтың маңдайына біткен тұлға. Қайталанбас ғажайып! Әттең, ғұмыр бойы мемлекеттік қызметтен қолы босамай өтті. Әйтпесе, адамзаттың Айтматовы сынды небір дүлдүл дүниелерді өмірге әкелер еді. Шығармаларының ішінде «Аңыздың ақырының» ғана мойны озып, бірнеше тілге аударылды… Шамына от тиіп жатқан бәзбіреулердің аға қайтыс болған сәтте мен құсап Жоғары билікке қаратып ащы сөз айтқаны болды ма екен? Мен болсам ағаның бар уақыты зая кеткенін, өз талантынан төмен шығармалар бергенін ғана айттым!

Картинки по запросу әбіш кекілбаев
 

Қазақта 800-ге таяу қаламгер бар. Соның елге белгілі ақын-жазушыларының талайы менің айтқандарымды баяғыдан күбір-сыбырмен айтып-ақ жүр. Мен ашық кетіп едім, талақтары тарс айырылды. Бұлар қазақ әдебиетінің өркениеттің өзгеше үрдісімен өрнек жаюын көксейтін қарымды қаламгерлер немесе талғамдары әлемдік мәдениеттің інжу-маржандарымен қалыптаса бастаған заманның оқырмандары (жастар) емес, екі арадағы әдеби түсініктің дүбаралары. Олар бұл пікір таластан мені былай қоя салып, ру-ру боп қырқысып, бірінің қоясын бірі қазып, қырғиқабақ қырқысып кетуі сол дүбаралық. Соның кесірінен біртұтас білікті, мәдениетті ұлт болып қалыптаса алмай жатқанымыз көрініп қалды. Осымен қатар олар бүкіл жұртқа тарайтын интернет желіні адамның аузы барып айта бермейтін анайы атаулардың, боқтық сөздердің мінбесіне айналдырып алды. Жалғандыққа жаны қас «Жалғыз атты жолаушының» жабылып жалауын құлатып, жарығын сөндіруге болар, одан дүние бүлініп кетпес, ал ру-руға бөлініп алып ұлттың өзіне ұрыс салу қасіреті қазақты қайда апарады?! Ал, мен өз ойымды ашық мәлімдедім. Дұрысы, бұрысы болар, солай! Аты-жөні жоқ біреулер кітабымды өртеп жатыр. Қорқақ, қорқау бір мүскін менің өмірбаянымды қазып отыр. (Кім екенін білемін) Ешкімде жарық дүниеге періште, пайғамбар болып келмейді. Жеке бастың кем – кетігін түгендеу жетесіздіктен басқа не?!

Өртемек тұрмақ елден шығарып жіберсін. Пікірімнен қайту жоқ. Көзіміз тар екен. Көңіліміз мешеу екен.

Әулиедей Әбіш ағаның (Кекілбаев) тірлігіндегі бір осалдығын кешіре алмай тап осылай шулап ек. Аға құсадан қаза болған.

Әй, ел емес екенбіз ғой.

Р. Отарбаев,

Дереккөз: Әдебиет порталы

16 ПІКІРЛЕР

  1. Өте дұрыс,бірақ қолқоюсыз емес есіміңді және қай жерден екеніңді жазу керек еді.Сөзіннің бір өтірігі жоқ.

  2. Нар тулгв Абиш ага жаткан жкриниз жайлы топырагыныз торка болсын. Абиш ашаны букил дцние бжузи мойындаган,сол себепткн жигиттер ке ткен адама топырак шашпаныздар ол кичидей бола алмайсыздвр каласындвр бир томпешик болып!

  3. Ана бір Өтен деген де оттайды-ақ екен. Қазақ жер өртегенді қашан жақсы көріп еді,аузы қисыққа қашан ұйып еді. Аузым өзімдікі екен деп артынан сасық шығарғандай болған екен. «Аузы қисықтың» айтар сөзі осындай ақ болар.

  4. Жогарыдан санаганда 4 ши кометке косылам. Жузге’ еле’ аймакка болинбеу керек. Ол жаксылыкка апармайды.

  5. Отарбаев деген кім өзі? кітаптары бар ма, қайдан көруге болады? Түріне қарасаң түксиген біреу, Мұрат Әуезов айтып еді: түрі түксигеннің іші бықсыған болады деп, сондай емес пе?

  6. Ел басының қолын сүйгенін,ол қолын тартып алғанын көрдік теледидардан. Ыңғайсыз көрініс болды бір. Жазушы кісі ғой ризашылығын сөзбенде білдіре салса болатын еді…..
    Иманды болсын! Сөзіміз ауыр болмасын.

  7. Қырт сөзге қызығамыз. Себебі құлағымызға жақсы естіледі.Анық-қанығын бір құдай білер. Бізге шындығы емес, қызығы керек сияқты. Айтып қалыңдар…

  8. Мен Әбіштің құсадан өлді дегеніне сенбеймін.Қызмет Әбішті іздемеді, Әбіш қызметті іздеді. Дәлел керек пе, айтайын.Жоғарғы Кеңестің Председателінен түскенде Әбіштің еңіреп жылағанын көзіміз көрді. Халық қаһарманы атағын бергенде президенттің қолын сүйіп, жібермей қойғанын, президент амалсыздан қолын тартып алғанын теледидардан көріп, қатты ренжігенмімз бар. Ол қызметтің құлы болды. 2011 жылы Жаңаөзендегі қырғын кезінде ләм дер бір ауыз сөз айтты ма, жоқ. Ақын Фариза жаңаөзендіктерді «тыныштығымызды бұзды» деп кінәлады. «БАҚЫТ» деген ұйымды құрып жүрген кім? Сол Әбіш бастаған топ. Ұйымның атын таратып айтсақ, Батыс аймақтағы қазақтардың ынтымақ тобы. Ала тайды бөліп жүрген кім? Тағы сол Әбіш бастаған,Рақымжан қостаған топтар. Әбіштің шығармасын оқып көірңізші, мектеп оқушысы ,түгілі, ересек адамның түсінуі қиын. Соған қарамастан, біз оны 6-сыныпқа енгіздік. Бүгінде Рақымжан сынды жазушысымақтар қазақ әдебиетінің классигі атанған Ғ.Мүсіреповты даттайды.Таланты болса, сол Ғабит атамызға жетіп алсын. Батыс қазақтары болып бөлініп жүрген осындай жазушысымақтарды әдебиеттің маңайына жолатудың керегі жоқ. Әдебиет – ардың ісі. Онда батыс, оңтүстік, шығыс, орталық деген ұғым болмауы тиіс. Бізде бір ғана әдебиет пен жазушы, ақын болуы тиіс.Ол қазақ әдебиеті, қазақ жазушысы, қазақ ақыны. Кезінде осындай бөлінушіліктің салдарынан І.Есенберлинге біздің қазақ Лениндік сыйлықты қимады. Себебі, Есенберлин батыс, оңтүстік болмағаны үшін. Екі томдық әңгімелер жинағынан тұрған Н.Думбадзенің шығармасы Лениндік сыйлықты алғанда грузиндер шаттанып тойласа, біздің сорлы қазақ Есенберлинге Лениндік сыйлықты бергізбедік деп тойлаған. Қандай қасірет десеңізші.Сол Әбіштеріңіз мінбеден руға бөлінгеннің жүзі күйсін деп тұрып, өздері аймақ пен ру-руға бөлінді. Осы руға бөлінгеннің кесірінен біздер қанша зардап шексек те әлі күнге дейін қоя алмай келеміз. Оянатын кез келді ғой, ағайын!!!

  9. Отен Ахмет, адамдык ар- намысы барлар оледи. Арсыздар журе береди, сенин созинди кө…не де кыстырмас. Сиз осы уакытка дейін ондайларды, ар – намыстан өлгендерди кормесениз өз айналандагы адамдарды зерделеп карап корши, проблема соларда шыгар.

  10. Осы жасым ішінде қаңқу сөзден өлген қазақты көрген де, естіген де емеспін. Ел қарғысын алған, өлердей сыналған ақынға, жазушыға, депутатқа, министрге қараңдаршы, төмпештелген сайын күмпиіп өсе түсетін мысық сияқты атақтары онан сайын асқақтап жалы тікірейіп кетті емес пе.Керісінше, өзін мықты санайтын талайға осы қаңқу сөз жетпей жүр. Ең болмаса Амантай қажының даңқына жетсек қой дейді. Біз жапон емеспіз. Харакири жасау салтымызда жоқ. Біздің халық жер өртегендерді жақсы көреді.Аузы қисықтың сөзін тыңдайды, соны құрметтейді.

  11. Жазгандарыныздын барин де дұрыс пикир деп есептеймин. Абиш Кекілбаев туралы, ол кисиге биликке жакындап не кереги бар екен деп сол кездери ойлайтын едим. Озинин туган ауылы Ондыдан жаксылап үй салдырып жағдайын жасап алып шығармашылықпен неге айналыспайды екен деп те ойлайтын едим. Орыстын сибирде оз деревнясында қалған Распутини сияқты, оны биликтин өзі іздеп барып тұрды. Мысалы, Ельцин онын озин деревнядагы үйінде кабылдаганын мактанып жазды ғой кезинде. Билікти сынаумен де айналысуға ауылы колайлы еди, жазушыга информацияны жеңіл алатын мегаполистин кажети шамалы, интернет колыңда. Омиринин соңғы кездериндеги жагдайлар, ел арасындагы надан тобыр мен бир кездери ози сойылын согып бедел алып берип отырган биликтин терис айналуы онын касында болмасакта ол кисини куйзелткенин биздер байкап журдик. Иманды болсын, аруагына бата дугаларымыз тие берсин, Аумин!

Пікір жазу

Пікіріңізді енгізіңіз!
мұнда сіздің атыңызды енгізіңіз