ЖАҚСЫЛЫҚ ЖАРШЫСЫ

0
460

Ұлттық мүдде күрескері, ақын Қазыбек Исаға

Көңілді тұрған кезде жиектеп жыр,
Болды ма дала лебін сый етпек бір?
Өбектей түсе келіп, өзімсіне
Бір торғай
Қаз-ағаны сүйеп кеп жүр.

Ұлтыма болды ұлттық тілім қайғы,
Жұрт неге шабан тартып, шыбындайды…                                                          Даланың дауысын алып келгендей ме,
Бір торғай
Қаз-ағама шырылдайды.

Тұғырға елдің тілі қонды ма деп,
Ардың сөзін айтпақ па арлыға кеп.
Дала тектес қанатын жая қонды,
Сол торғай Қаз-ағаның алдына кеп.

…Даңғыл көп тамыры зор, тынысы кең,
Ұласып кеткен үні ұлысымен.
Осы кез дала жайлы кітап сыйлап,
Шыққан-ды Ерлан Қарин інісінен.

Ақылы, айтатұғын нақылы көп,
Халықтың болды өзі жақыны деп.
Даладан келген ұшып мынау торғай,
Келді ме мұны дала ақыны деп?..

«Жаныма келсең келіп қоншы,торғай,
Ақынның ақкөңілін олқысынбай»
… Қаз-ағаға сол торғай көрінеді:
Алдағы жақсылықтың жаршысындай.

Тұғырын тайдырмайды текті халық,
Ұғымын жойдырмайды отты қарып…
… Не болса да сол торғай Қаз-ағаны
Даланың тынысына кетті малып.

Наурызбай ЖАРБОСЫНҰЛЫ,
ақын, Сұлтанбек Қожанұлы атындағы жүлде иегері.
Өзбекстан Республикасы

Пікір жазу

Пікіріңізді енгізіңіз!
мұнда сіздің атыңызды енгізіңіз