ЖАҚСЫЛЫҚ АҒАНЫ ЖОҚТАУ

Қабырға сөгіп кеттің-ау, Қапырық атқан тамызда. Тұғыры биік, тектім-ау, Тірідей кірген аңызға. Атына заты сай жігіт, Көрмеген еді қаймығып. Қара жамылды, апыр-ай, Қараша жұртың қайғырып. Бүгінгі күннің батыры, Күшіне пара ақылы. Сұм ажал шалып аяқтан, Ақымға жықты ақыры. Жалған ғой ішті күйгізер, Құтқармас қанды қақпаннан. Жамбасты жерге тигізер Жазмыштан асқан жоқ палуан! Мерей Қарт, Қазақ үні