Наурызбай Жарбосынұлы: Қазақтың қасқа ұлы еді

(Аманхан ақын қазасына) Аллаға кəміл жүрегі, Азалай түсем шайырды. Қазақтың қасқа ұлы еді, Қазасы болсын қайырлы. Елде де, менде сабыр жоқ: Еңселі ерден айрылып. Күңірене түсер Тəңір-Көк, Қара жер тұр-ау қайғырып... Сұм-ажал жынын қоздырса, Қайғыға көңіл батады. ЖҮРЕКТІ АҚЫН КӨЗ ЖҰМСА- ЖҮРЕКТІ ШЫМЫРЛАТАДЫ. Жарқырап өтті-ау бір дарын, Ауада қалқып жұпары. Жалынға тұнған жырларын Ұрпақтар байрақ тұтады. ... Жас қабір тұрсын іргемде, Ажалға ақын көнбейді. ... АДАМДАР АМАН ЖҮРГЕНДЕ АМАНХАН АҚЫН ӨЛМЕЙДІ. Наурызбай Жарбосынұлы