#БІРГЕМІЗ: ҚХА мүшелері Президент пен Елбасы мақалаларына үн қосты

Мемлекет басшысы Қасым-Жомарт Тоқаевтың төтенше жағдайға байланысты Қазақстан халқына жасаған үндеуі қоғам ішінде қызу талқыланып, ел қолдауына ие болуда. Сонымен бірге, Қазақстан Республикасының Тұңғыш Президент - Елбасы Нұрсұлтан Назарбаев та «Бірлесе білген ел бәрін жеңеді» атты мақаласын жариялап, ел көкейіндегі көптеген сұрақтарға жауап берді. Мемлекеттің экономика мен әлеуметтік саладағы дағдарысқа қарсы іс-шараларына байланысты жасалған маңызды қос мәлімдемені Қазақстан халқы Ассамблеясының өкілдері де қолдап, өз көзқарастарын білдіріп жатыр.

"Қазақ үні" ақпарат агенттігі ұлт бірлігін бекемдеуде үлкен рөл атқарып жатқан Ассамблея өкілдерінің пікірін сұрап, оқырман қауымға ұсынуды жөн көрді.

Біз біргеміз!

Ел бірлігін өзінің өмірлік ұстанымы ретінде алға қойған Елбасының бірлікке шақырған мақала - үндеуін оқып, біз тарихшы - ғалымдар үндеудегі әрбір пікірдің тарихи тұжырымдалық маңызын ерекше бағалаймыз! Шынайы деректік негізде, жүректен шыққан халымыздың рухын көтеретін мақала - үндеуде, бірлік пен сабырлық, сыйластық, Отанға деген патриотизмнің қаншалықты маңызды екенін тағыда көрсеткен! Тұтас Қазақстан болып бірлесе отырып тәртіпке бағынған елде жеңіске жететінімізге сендірді! Тамыры тереңде жатқан қатпарлы тарихымыз бірлікпен ғана іргеміз сөгілмейтінін дәлелдеді. Олай болса, байбаламға салмай, бойымызға әке қанымен, ана сүтімен сіңген қажырлығымызды, сабырлылығымызды көрсететін кез тура қазіргі кез. Президентіміз Қасым-Жомарт Тоқаев барынша мүмкіндікті жасап, тек ел үшін тиісті жұмысты жүйеледі. Еңбектеген баланың, енкейген қарияның бас амандығы үшін тиісті сақтандыру шаралары жасалды. Осы бағыт,осы ұстаным біздің ұранымыз! Біз осыны қолдаймыз! Біз біргеміз!

Нұрсахан Бейсенбекова,

Қарағанды облысы ҚХА Ғылыми - сараптама тобының мүшесі,

тарихшы, «Тұлғатану» ғылыми зерттеу орталығының басшысы

Тәртіпке бағынайық

Құрметті жерлестер! Бүгін Тұңғыш Президенті - Елбасы, Қазақстан халқы Ассамблеясының Төрағасы Нұрсұлтан Назарбаевтың "Бірлесе білген ел бәрін жеңеді" мақаласын оқыдым.Бүгінгідей алаң - елең уақытта қалың жұртын сабырға шақырып, тілегін жеткізді. Біртұтас ел болып, бейбіт күн кешуіміз сауатты да сабырмен жүргізілген саясаттың жемісі, Елбасының еңбегі. Босағамыз бекіді, шекарамыз шегенделді. Бейбітшіл, тұрақтылығы мен татулығы жарасқан ел ретінде алыс-жақынға танылдық. Еліміздің әр азаматының мүддесін қорғауды басты мақсаты тұтқан сарабдал саясаткер кез - келген қиындық адамды шыңдайды, басқа да мүмкіндіктерге бастайды деді. Дәл қазір жұмылып жұдырық болып, бірлігімізді көрсететін уақыт. Бірлігі кеткен елдерді де көріп жүрміз. Қазағым ыкылымнан бері парасатты, ұлы халық қой. Жарасқан бірлігімізді сырттан алакөздеп отырғандарға ермей, жастарымызды да тәртіпке бағынуға шақырайық. Дәл қазір әлем бойынша жарияланған пандемия кезінде тек тәртіп пен сабыр керек бізге. Мемлекет басшысы Қасым-Жомарт Тоқаев бастаған құзырлы ұйымдар барлық мүмкіндікті жасауда. Олай болса, тәніміздің саулығы үшін тәртіпке бағынайық.

Күліш Төлеуханова,

Қарағанды облысы ҚХА Аналар кеңесінің мүшесі, білім үздігі

Ешкім қамқорлықсыз қалмайтынына сенімдіміз

Тұтқиылдан келген жаман індет – коронавирус дерті барша адамзатқа қауіп-қатер төндіріп, бүкіл әлем алаң күй кешіп, ұлт саулығы сынға түскен сәтте баршаны сабырға, байсалдылыққа шақырып, еліне ақ тілеулі сөзін арнап Қазақстан Республикасының Тұңғыш Президенті – Елбасы Нұрсұлтан Назарбаев «Бірлесе білген ел бәрін жеңеді» атты мақаласын жариялады.

Аталған мақалада Қазақстан қауіпті дерттің алдын алуға әлем елдерінің ең алғашқыларының бірі болып кіріскені, тиісті сақтандыру шаралары жасалынып, еліміздегі жағдайды оңалту мақсатында көптеген жұмыстар атқарылып жатқанын және игі мақсаттағы іс-шаралардың бәріне жер-жерлерде бүкіл халық болып қолдау көрсету керек екенін айтып өтті. Сонымен қатар Нұрсұлтан Әбішұлы еліміздің ең үлкен байлығы – адам мен оның өмірі болғандықтан, әрбір адам өзінің, отбасының, ата-анасы мен бала-шағасының өміріне, денсаулығына зор жанашырлықпен, ерекше жауапкершілікпен қарауы керектігін де баса айтты.

Саран қаласы Аналар Кеңесі, Еліміздің Тұңғыш Президенті – Елбасы Нұрсұлтан Назарбаевтың кәсіпкер азаматтарымызға өтініш жасап, қазіргідей алабұртпа көңіл жағдайында өз отандастарына, көмекке аса мұқтаж отбасыларына қаржылай, заттай көмегімен қол ұшын беріп жатқандарына алғысын білдірді және еліміздің ешбір азаматы қамқорлықсыз қалмайтынына сенімдіміз.

Гүлжан Жүсіпбекова,

Қарағанды облысы Саран қаласы ҚХА Аналар Кеңесінің төрайымы

Ұлт саулығы сынға түскен сәт

Бүгін Қазақстан Республикасының Тұңғыш Президенті - Елбасы Нұрсұлтан Назарбаевтың «Бірлесе білген ел бәрін жеңеді» атты мақаласы жарияланды. Үндеуде елді бірлікке шақырып әр адамзаттың бойындағы күш жігерімен жеңіп шығатынына, сабыр сақтауына, тілек үміттеріне қолдау көрсетті. Тығырықтан шығар жолдарын айтып баяндап, әр кезде халықпен бірге екенін көрсетті. Бүгінгі таңда бүкіл әлем алаңдаулы, ұлт саулығы сынға түскен сәт келді. Бүкіл ғалам шар өзін өзі тыныштандырып, тіршілік атаулының бәрін сабырға, байсалдылыққа, тазалыққа, бір үміт, бір тілекке шақыруда. Болашақ үшін, ұрпақ үшін, ең қымбат қазынамыз - адам және адамның өмірін әлемді жайлаған індеттен сақтап қалу үшін бар мүмкіншілік жасалуда, күресуде. Қазақ елінің басына не келіп, не кетпеген. Өткенімізге үңілсек, ата-бабаларымыз небір зобалаң мен зорлықта жүріп, нәубет жылдар мен бұлыңғыр мен буалдыр кезеңдерді бастан өткізген. Себебі, орын алған кез келген тарихи трагедияның болуында - адам тағдыры, тұлға құқығы және жеке бас еркінің амандығы мен бостандығы тұрған. Бүгінгі таңда бір балаң емес, бар әлем, қоғам індеттің қамытын киді. Хакім Абай айтқандай: «... адам өмірінің мақсаты - кемелдену мен жетілу» демекші, алдағы өмірде болашағымыздың жарқын, келешегіміздің кемел болатынына сеніміміз мол.

Тағы да Ұлы Абай айтқандай:

«...көзіме жас бер, жылайын,

Шыдам бер, сабыр қылайын,

Жаралы болған жүрекке,

Дауа бер, жамап сынайын» дегендей, осы сынақтан шыдам мен сабырлық танытып, Қазақ Елі аман - есен өтейік.

Біз бәрінде жеңеміз! Біз біргеміз!

Ерғалиева Гүлбаршын,

Қобда аудандық Аналар Кеңесінің мүшесі

Біз бір халықпыз

Тұңғыш Президент Елбасы Нұрсұлтан Назарбаевтың Қазақстан халқына жолдаған үндеуін оқи отырып, біз мықты, тәуелсіз мемлекет екендігімізге тағы бір мәрте сенімдімін. Елбасы айтқандай, біз әр түрлі қиын кезеңдерді бастан өткердік және бірлігіміздің арқасында оларды еңсердік. Біз бірміз және бұл біздің күшіміз. Осы уақыт ішінде Қазақстан экономикалық дамудың жаңа және жоғары деңгейіне көтерілді. Елбасы әлеуметтік салада қолдау көрсетудің бірнеше мысалын келтірді.

Біздің елімізде шикізат пен технологияның үлкен қоры бар, ең бастысы, оның халқы - татулығы мен елбасы мен Президентіне сенетін адамдар. Себебі, елдің бәрі қалыпты ырғағына еніп, бұрын айтылған бағдарламаларды орындау арқылы дамуын жалғастыру үшін барлығын солар жасайды. Енді қиын уақытта бастысы сабырлы болып, сақтық таныту керек. Алдын алу шараларының жүйесі бүкіл ел бойынша енгізілуде. Тиісті мемлекеттік органдар арнайы дайындықтан өтті. Біз бір халықпыз, бір елміз, біз біргеміз!

Виталий Тварионас,

ҚХА мүшесі,

Қарағанды облысы ҚХА қайырымдылық пен меценаттар клубының төрағасы

Біз жеңімпаз боламыз!

Тәуелсіздік жылдарында еліміз көптеген қиын кезеңдерді еңсерді. Менің ұрпағым жаңа жас Тәуелсіз Қазақстанның құрылысына қатысушылар болу құрметіне ие болды. Біз қиын кезеңдерде Отанымызды тастап кетуді ойламаған, біртұтас халық болып бірігіп, Жасампаздық Стратегиясын жүзеге асыруға тұрақты түрде қатысып, әрқашан жеңіске жеттік!

Бұл біртұтастық, бірлік, қарт адамдар мен балалар үшін ең жақсысын жасауға деген ұмтылыстың, бейбітшіліктің, өз халқының алдындағы жауапкершілікті өз мойнына алған Көшбасшыға деген сенімнің арқасында шындыққа айналды. Қазіргі заманнан бастап мемлекет құрылды. Қазір әлемді алаңдатарлық уақыт. Қазақстан халықаралық тәжірибені ескере отырып, коронавирустың таралуын болдырмауға бағытталған шаралар қабылдауда.

Бүгін еліміздің Тұңғыш Президенті Елбасы сөз сөйледі. Біздің жетістіктерімізге сүйене отырып, өмірлік тәжірибесі бар дана тұлға ретінде Нұрсұлтан Назарбаев қазіргі проблемаға деген көзқарасын білдіре отырып, бізді ұрпақтар мен дәстүрлер сабақтастығын сақтай отырып, бірлікке, мейірімділікке, татулыққа, жақсы жетістіктерге шақырды. Қазіргі жағдай біздің проблемаларымызды ашты. Бірақ олар біздікі және оларды шешуге, қайсарлық пен байсалдылықпен жеңіске деген сенімділікпен, жақсы шараларға халықтық қолдау көрсете отырып, шешім қабылдау біздің міндетіміз.

Біз жеңімпаз боламыз!

Лилия Ким,

Қарағанды облысы кәріс этномәдени бірлестігінің төрағасы

Өмір бұрынғы бағытына оралатынына сенімдімін

Елбасы елі үшін әрқашан қиын уақытта Н.Ә. Назарбаев халықпен бірге болды. Сонымен, бұл жолы ол бізді «Біз бір болсақ, біз жеңілмейміз» мақаласымен қолдады. Осы мақаланы оқығаннан кейін, мораль шынымен көтеріледі, өйткені сіз Қазақстанның Тәуелсіздік жолында нені бастан өткергенін көресіз. Біздің қолымызда бар күш-жігер жұмсалды. Ал COVID-19 пандемия бізге кедергі емес. Егер біз бәріміз бір үлкен отбасы ретінде жиналсақ, онда біз барлық кедергілерді еңсереміз. Бұл ауруды сынақ ретінде қарастырып, оны абыроймен өткізу керек.

Дәрігерлер, полиция, әскери қызметкерлер үлкен жұмыс жасайды. 29 жыл ішінде Қазақстан ғылымның дамуына жағдай жасай алды. Мұны ғалымдарымыз қысқа мерзімде коронавирустық инфекцияны анықтауға арналған тест жүйесін құра алғандығымен растайды. Мұғалімдер мен оқытушылар өз үлестерін қазақстандық студенттердің білім алуына аударады, олар кейде Интернетте, тапсырмаларды жіберіп, тексеріп отырады. Еріктілер ерекше мақтауға лайық, олар кәсіпкерлермен, түрлі ұйымдармен, «Нұр Отан» партиясының облыстық филиалымен, Қарағанды ​​облысы Қазақстан халқы Ассамблеясы және «Жанғыру Жолы» РМ-мен көмекке мұқтаж адамдарға қажетті өнімдер мен дәрі-дәрмектерді жеткізумен айналысады.

Біздің мемлекетіміздің сарабдал саясатының арқасында біз қазір 90 миллиард АҚШ доллары жинақталған резерв құрдық. Осы қаражатты сауатты және ұтымды пайдалану арқылы біз дағдарыстан жеңіске жете аламыз. Шынында да, әлемдік нарықта бүгінде қиын жағдай. Көптеген мемлекеттердің шекаралары жабық, әлемдік сауда бос, барлығы үлкен шығындарға ұшырайды. Бірақ мұның бәрі жақын арада аяқталып, өмір бұрынғы бағытына оралатынына сенімдімін.

Тек қазақ халқын біріктіріп, барлық сынақтардан өтеді!

Біз біргеміз!

Арафат Мажитов,

ҚХА "Жаңғыру жолы" республикалық жастар қозғалысы өңірлік штабының мүшесі

Заңға бағыну және жауапкершілік

Өз мақаласында Ұлт Көшбасшысы Н.А. Назарбаев Қазақстан халқына «Біз біріккен кезде, біз жеңілмейміз» деген негізгі идеяны жолдады. Бізге үндеуімен ол тәуелсіздік жылдарында, біздің еліміз үшін ең қиын және сыни сәттерде біз әрдайым қазақстандық қоғамның кез-келген мәселелерін талқылайтындық және шешкенімізді еске салды. Осы проблемаларды еңсеруде, ең бастысы, ұлы тарихи өткенге және қазақ жерінің бай рухани мұрасына негізделген бірлігіміз болды.

Бүгінгі таңда біздің әлем, Елбасы айтқандай, бүкіл адамзат үшін жаңа қауіп-қатермен бетпе-бет келеді. Әлемнің барлық елдері осы қауіпті ауруға қарсы тұру үшін күш біріктіруде. Біздің еліміз пандемиямен күреске алғашқылардың бірі болып қосылды. Уақытылы жүргізілген шаралардың арқасында бұғаттауға мүмкіндік болды және коронавирустың жағдайы толығымен бақылауда. Біздің әрқайсымыз үшін қиын-қыстау кезеңде бәріміз де еліміздің бүгіні мен болашағы үшін ортақ жауапкершілікті мойнымызға аламыз.

Біздің тәртіптілік, заңға бағыну және жауапкершілік - бұл жалпы іске қосылатын қомақты үлес, біз қол жеткізуіміз керек инфекциямен күрестегі бетбұрыс осыған байланысты. Біздің Елбамыз айтқандай, қиындыққа бой алдырмай, біз бірлігіміз бен келісімді сақтаймыз. Сонда ғана біз «Мәңгілік ел» деген ұлы ұстанымымызға сай болып, тәуелсіздікті сақтай аламыз.

 Джанаев У.Х.,

Қарағанды ​​облысы ҚХА төрағасының орынбасары,

«Вайнах» шешен-ингуш этномәдени бірлестігінің төрағасы