Қордайдағы оқиға: ақсақалдың екі ұлын соққыға жыққандар ұсталды

6121
2
Бөлісу:

Жамбыл облысы Қордай ауданында 80 жастағы ақсақалдың екі баласын ұрып-соққандар ұсталды. Тергеу жүріп жатыр. Бұл туралы вице-премьер Бердібек Сапарбаев мәлімдеді, деп хабарлайды Sputnik Қазақстан.

Сортөбеде өткен брифингте журналистер Сапарбаевтан 80 жастағы қарияның екі ұлын соққыға жыққандар ұсталды ма деп сұрады.

«Ұсталды. Қазір тергеу жүріп жатыр. Олардың қанша жылға сотталатынын сот шешеді», – деді үкімет басшысының орынбасары.

Сонымен қатар, ол полиция қызметкерлеріне күш көрсеткендер де қамауға алынғанын мәлімдеді. Күдіктілердің үстінен қылмыстық іс қозғалған. Тергеу жүріп жатыр.

Бұған дейін әлеуметтік желілерде Масанчидегі жаппай тәртіпсіздікке 80 жастағы қарияның соққыға жығылуы себеп болды деген әңгіме тараған еді. Зардап шеккен ақсақал мен екі ұлы Қордай ауданының Қаракемер ауылында тұрады.

Қарияның ұлдарының бірі Нұрлан Құдашпаевтың айтуынша, ұрып-соғу оқиғасы 5 ақпан күні таңертең болған. Сол күні ақсақал ұлдарымен бірге дәрігерге қаралуға бара жатқан.

Бөлісу:

Facebook арқылы жазылған пікірлер

Сайтта 2 пікір жазылған

  1. серикбай 11 Ақпан, 2020 13:37 Жауап

    оларды устагны не керек ертен ак саткын билик лоарды актап шыга келеди киналы кариянын еки баласы брлып кала береди ана коркак саткын полицайларды да соккыга жыкты деп соларга жабады сосын олап 10-12 жылды аркалап кете барады дугеннын крышасы оте биикте отыр

  2. Әділет 16 Ақпан, 2020 17:37 Жауап

    Таяқ жеген шалды балғамен ұрған дүнген ұсталды ма? Теледидардан көрсетсеңіздер…

Пікір немесе жауап жазу

бес × үш =