Mınıstrlik: Otandyq óndirýshiler barlyq maskany Qytaıǵa satyp jibergen

568
0
Bólisý:

Densaýlyq saqtaý mınıstrliginiń resmı ókili Dıas Ahmetshárip kún saıyn medısınalyq betperde kııý qajet emes ekenin aıtty, – dep habarlaıdy baq.kz.

Maskany sýyq tııý belgileri bolǵan jaǵdaıda ǵana kııý qajet. Bul oraıda ol otandyq betperde óndirýshiler men dıstrıbıýterlerdiń barlyq qordy Qytaıǵa satyp jibergenin málim etti. Bul týraly búgin «QazMedıa» ortalyǵynda ótken baspasóz brıfınginde belgili boldy.

Eń mańyzdysy – maskany sýyq tııý belgileri bolǵan jaǵdaıda ǵana kııý qajet. Koronavırýsty anyqtaý úshin dıagnostıka tek sebep bolǵan kezde ǵana júrgiziledi. Osy jerde biz betperde óndirýshiler men dıstrıbıýterlerdiń ádepke saı emes minez-qulqyn atap ótkimiz keledi. Olar barlyq qorlaryn Qytaıǵa satqan. Osyǵan baılanysty Úkimet eksportqa tyıym salyp otyr. Otandyq óndirýshiler halyqtyń suranysyn qamtamasyz ete almaı otyrǵandyqtan, biz sheteldik óndirýshilermen betperde alý úshin jospar quryp otyrmyz, – dep habarlady Dıas Ahmetshárip.

Sondaı-aq, Densaýlyq saqtaý mınıstrligi JRVI, ıaǵnı tumaý belgileri bolmasa, betperde kııýdiń qajettiligi joqtyǵy týraly SMS habarlama taratpaq bolǵan.

О́kinishke qaraı, osy habarlamany taratý úshin biz otandyq uıaly baılanys operatorlarynan qoldaý tapqan joqpyz. Sondyqtan da denińiz saý bolsa, medısınalyq betperde kııýdiń esh qajeti joq ekenin taǵy da eskertemiz, – dedi densaýlyq saqtaý mınıstrliginiń resmı ókili.

Budan basqa, Densaýlyq saqtaý mınıstrligi jańa koronavırýstyń taralýyn boldyrmaý úshin kelesideı aldyn ala sharalardy qabyldaý qajet dep habarlaıdy.

Eń aldymen qoldy jáne betti muqııat jýyńyz. Qolǵa arnalǵan antıseptıktik spırtti paıdalanyńyz. Adamdar kóp jınalatyn oryndarǵa barmaýǵa tyrysyńyz. Sýyq tııý belgileri paıda bolǵan jaǵdaıda, ıaǵnı dene qyzýy, murynnyń bitelýi, jótel jáne tamaqtyń aýyrýy, turǵylyqty jerińiz boıynsha dárigerge kóriný qajet, – dedi ol brıfıng barysynda.

Bólisý:

Facebook arqyly jazylǵan pikirler

Pikir nemese jaýap jazý