Qyzylordalyqtar álem chempıonyn zor qurmetpen qarsy aldy

3661
0
Bólisý:

Búgin, 2019 jyldyń 22 qarashasy kúni tańǵy 06-00-de Qyzylorda temir-jol vokzalynda 2019 jyldyń 10-16 qarashasy aralyǵynda, álemniń 50 elinen 500-ge jýyq sportshy qatysqan Bahreın Koroldiginiń astanasy Manama qalasynda MMA-den eresekter men jastar arasynda ótken aralas jekpe-jek Álem chempıonatynda jastar arasynda 56,7 keli salmaq dárejesinde Álem chempıony atanǵan, jerlesimiz Ádilserik Ǵanı Ádilserikulyn «Aq jol» QDP Qyzylorda oblystyq fılıalynyń qyzmetkerleri men belsendileri men jas chempıonnyń anasy, týǵan-týystary men dostary ýlken qoshemetpen kútip aldy.

Kútip alýǵa kelgen «Aq jol» partııasy Qyzylorda oblystyq fılıalynyń belsendi jastary Ádilserik Ǵanıdyń úlken jeńisine qýanyshtaryn bildire otyryp, týǵan jerimiz – Syr eli osyndaı jastarymen maqtanatynyn aıtyp, Ǵanıǵa zor densaýlyq jáne árqashan jeńis tuǵyrynan kórine berýine tilek bildirdi.

Ádilserik Ǵanı 1996 jyly 16 aqpanda Qyzylorda oblysy, Shıeli aýdany, Almaly aýylynda dúnıege kelgen. Sporttyq mansabyn 7-shi synyptan bastaǵan. Sportpen shuǵyldanyp júrgenine 6 jyldan asa ýaqyt bolǵan. Osy aralyqta ol birqatar bıik belesterge jetip keledi. Qazirgi tańda «Qorqyt-Ata» atyndaǵy Qyzylora Memlekettik Ýnıversıtetiniń 3 kýrs stýdenti. «ORDA FIGHTERS» klýbynda jattyǵady. Jattyqtyrýshysy – Medelhanov Arman.

Osyǵan deıingi jetistikteri:

-2017 jyly Reseı memleketi Sochı qalasynda pankratıonnan ótken Álem chempıonatynda pankratıonnan III oryn ıegeri;

– 2018 jyly Reseı memleketi Sankt Peterbýrg qalasynda ótkizilgen jastar arasyndaǵy Álem chempıonatynynyń I oryn ıegeri;

– Pankratıon jáne aralas jekpe-jekten QR 8 dúrkin chempıony.

2019 jyl – «Jastar jylynda» jerlesimizdiń osyndaı úlken jetistikterge jetip, elimizdiń atyn álemge tanytyp, týymyzdy kókke jelbiretip júrgenine alǵysymyz sheksiz. Sondaı-aq, Ádilserik Ǵanıdyń osyndaı bıikterge jetýine birden-bir úles qosýshy, onyń sporttyq dárejesin kóterýde aıanbaı eńbek etip júrgen jattyqtyrýshysy – Medelhanov Armanǵa óz rızashylyǵymyzdy bildiremiz.

qazaquni.kz

Bólisý:

Facebook arqyly jazylǵan pikirler

Pikir nemese jaýap jazý