Олеся Кексельге қатысты іс тоқтатылды – Қайрат Қожамжаров

1575
1
Бөлісу:

Бұрынғы Бас прокурор, Парламент Сенатының депутаты Қайрат Қожамжаров Арнайы прокурорлар қызметінің бұрынғы басшысы Олеся Кексельдің ісіне қатысты тергеуге бойынша пікір білдірді, деп хабарлайды ҚазАқпарат тілшісі.

«Менің білуімше, шағым екі ай бұрын түскен. Сенбі күні оған қылмыс белгілерінің жоқтығына орай іс тоқтатылғаны хабарланған. Алайда бұл тақырып қызу талқыланып жатқандықтан, іс қайта қаралуы мүмкін. Жалпы іс жайында Кексельдің өзінен хабардар болдым. Тергеуші оған телефон шалып, қылмыс құрамының жоқтығына байланысты іс тоқтылғанын айтқан», – деді Қайрат Қожамжаров Сенатта тілшілер сауалына жауап бере отырып.

Сонымен қатар, сенатор Қазақстан азаптауға қарсы конвенцияға қосылғанын, осыған сәйкес ұлттық заңнама сәйкестендірілгенін атап өтті. Азаптау туралы шағым түскенде, құқық қорғау органдары оны міндетті түрде тіркеп, тергеу амалдарын бастайды. Бұл тұрғыда кез келген арыз тексеріледі.

Қ. Қожамжаров Арнайы прокурорлар қызметінің бұрынғы басшысы Олеся Кексельді білікті маман және өз ісіне тиянақты маман ретінде білетінін айтты.

Бұдан бұрын хабарланғандай, ҚР Ішкі істер министрі Ерлан Тұрғымбаев Бас прокуратураның Арнайы прокурорлар қызметінің бұрынғы басшысы Олеся Кексельдің не үшін тергеліп жатқанын айтты.

Сонымен қатар, ҚР Бас прокурорының орынбасары Марат Ахметжанов Арнайы прокурорлар қызметінің бұрынғы басшысы Олеся Кексельдің ісіне қатысты пікір білдірді.

Бөлісу:

Facebook арқылы жазылған пікірлер

1 пікір жазылған

  1. Мәмбет Құрманбаев 25 Қараша, 2019 19:07 Жауап

    Қазақстан азаптауға қарсы конвенцияға қосылса онда жалған жала бойынша жатқан Ислам Әбішевті азаптауын неге тоқтатпайды! Әлде бұл азаптауды тоқтату тек заң өкілдеріне ғана қатысты ма ? Заң бәріне бірдей болып азаптаудан, жалған жаладан Ислам Әбішевті де босатуын талап етеміз!

Пікір немесе жауап жазу