Абзал Құспан: КҮРЕСТІҢ ҮЛКЕНІ – ӘДІЛДІК ҮШІН КҮРЕС (видео)

2789

Абзал Құспан Қазақстан Республикасы Президентінің қоғамдық қабылдау комиссиясы
мүшесі ретінде азаматтар шағымын қабылдайды

Қазақстан Республикасы Президентінің қоғамдық қабылдау комиссиясы төрайымы – Қазақстан Республикасы президентінің көмекшісі – Қазақстан Республикасы президенті әкімшілігінің өтініштерді қарауды бақылау бөлімінің меңгерушісі Аида Балаева

Абзал Құспан ҚР Президенті жанынан құрылған комиссия мүшесі ретінде азаматтар шағымын қабылдайды. Бұл туралы ол youtube желісіндегі видеоүндеуінде айтты, – деп хабарлайды «Қазақ үні» ақпарат агенттігі.

– Биылғы жылдың тамыз айында ҚР Президенті жанынан Аида Балаеваның (ҚР Президентінің көмекшісі – ред) жетекшілік етуімен ҚР Жоғарғы Сотының, Бас прокуратураның, Ішкі істер министрлігінің, басқа да ведомство басшыларының қатысуымен азаматтарды қабылдау қоғамдық комиссиясы құрылған болатын. Бұл комиссияға Қазақстанның түкпір-түкпірінен азаматтар өз шағымдарын айтып келеді. Нақты жеке қабылдау барысында олардың проблемалары, аталған тұлғалармен, сонымен қатар, облыс әкімдері, өңір басшыларының селектор арқылы жалғануымен шешімін тауып отырады, – деген Абзал Құспан өзі де азаматтар шағымын қабылдайтынын жеткізді.

Осы комиссияға Президент әкімшілігінің арнайы шақыртуымен, ҚР адвокаттар қауымдастығы атынан қатысып отырған Абзал Құспан «азаматтарға заңгерлік-құқықтық  көмегін беретінін» айтты.

– Өмірдің өзі күрестен тұрады. Ал, күрестің төресі – әділдік үшін күрес! Әділдік үшін күрес біздің заманымызда заңдарды білуден және оны қолданудан тұрады, – деді А. Құспан.