ىىم: «وحوتزووپروم» قىزمەتكەرلەرىنىڭ براكونەرلىككە قاتىسى بار

944
0
بولىسۋ:

پوليتسەيلەر براكونەرلەر توبىنىڭ قورىقتاعى 154 باس اقبوكەندى اتۋ ارەكەتىنە قاتىسى بارىن دالەلدەدى. بۇل تۋرالى قر ىىم باسپاسوز قىزمەتى حابارلادى.

قىلمىس وسى جىلدىڭ ناۋرىزىندا تىركەلگەن بولاتىن. «قورعالجىن مەملەكەتتىك تابيعي قورىعى» رمقك ديرەكتورىنىڭ پوليتسيياعا حابارلاعانىنداي, 17 ناۋرىزدا قورىق اۋماعىنىڭ ىشىندە اتىپ ولتىرىلگەن جانە مۇيىزدەرى كەسىلگەن 154 اقبوكەننىڭ ولەكسەسى تابىلعان. وسى قىلمىستان مەملەكەتكە كەلتىرىلگەن شىعىن 1 ملرد 435 ملن-نان استام تەڭگەنى قۇرادى.

«اقبوكەندەردى اتۋ فاكتىسى تىركەلدى جانە قر قك-نىڭ 337-بابىنىڭ 5-بولىگى («زاڭسىز اڭ اۋلاۋ») بويىنشا سوتقا دەيىنگى تەرگەۋ قوزعالدى. قىلمىسقا سيرەك كەزدەسەتىن جانە جويىلۋ الدىندا تۇرعان اڭ تۇرلەرى مەن اقبوكەندەردى قورعاۋعا مىندەتتى «وحوتزووپروم» رمقك وڭىرلىك فيليالىنىڭ قىزمەتكەرلەرىنىڭ قاتىسى بارى انىقتالدى. تەرگەۋ بارىسىندا كاسىپورىننىڭ ەكى قىزمەتكەرى كەدەرگىسىز اتۋدى ۇيىمداستىرعان جانە ولاردىڭ ەكى تانىسى اقبوكەندەردى اتقانى انىقتالدى. سونداي-اق, تارتىپ ساقشىلارى ولتىرىلگەن جانۋارلاردىڭ مۇيىزدەرىن ساتىپ العان ادامدى انىقتادى, ول نۇر-سۇلتان قالاسىنىڭ تۇرعىنى بولىپ شىقتى. ونىڭ گاراجىنان رەسسەي فەدەراتسيياسى اۋماعىنا كونترباندالىق جولمەن تاسىمالداۋ جانە ودان ارى قحر-نا ساتۋ ۇشىن دايىندالعان, ارامەن كەسىپ الىنعان اقبوكەندەردىڭ مۇيىزدەرى تابىلىپ, الىندى», – دەلىنگەن حابارلامادا.

براكونەرلەرگە قر قك-نىڭ 339-بابى («وسiمدiكتەردىڭ نەمەسە جانۋارلاردىڭ سيرەك كەزدەسەتiن جانە قۇرىپ كەتۋ قاۋپi تونگەن, سونداي-اق پايدالانۋعا تىيىم سالىنعان تۇرلەرىمەن, ولاردىڭ بولىكتەرىمەن نەمەسە دەريۆاتتارىمەن زاڭسىز اينالىسۋ») بويىنشا كىنا تاعىلدى.

قىلمىستىق ىس سوتقا جىبەرىلدى.

بولىسۋ:

Facebook ارقىلى جازىلعان پىكىرلەر

پىكىر نەمەسە جاۋاپ جازۋ