«Drevnıı Rım» meıramhanasyndaǵy kisi ólimi: prokýror kúdiktini 20 jylǵa sottaýdy surady

755
0
Bólisý:

Qaraǵandy qalasynyń tergeý ızolıatorynda jańa jyl túninde «Kóne Rım» meıramhanasynda qaza tapqan 23 jastaǵy azamattyń ólimine qatysty pikirtalas ótti. Prokýror basty kúdiktini 20 jylǵa bas bostandyǵynan aıyrýdy surady, dep habarlaıdy Stan.kz aqparat agenttigi.

О́z sózinde memlekettik aıyptaýshy sottan 12 kúdiktiniń árqaısysyna QR QK 293 babynyń («Qarý-jaraq qoldanyp buzaqylyq jasaý»)  2 jáne 3 bóligi  boıynsha alty jyldan berip, qaýipsizdigi ortasha kolonııaǵa qamaýdy surady. On úshinshi kúdikti Iýsıf Nýrýldy ol 20 jylǵa bas bostandyǵynan aıyrýdy ótindi. Prokýrodyń sózinshe, ol jazasyn qaýipsizdigi joǵary kolonııada óteýi tıis.

«Kúdikti Iýsıf Nýrýldi kisi ólimine kináli dep taýyp, 20 jyl kóleminde bostandyqtan aıyryp, qaýipsizdigi joǵary deńgeıdegi mekemege jabýyńyzdy suraımyn», — dedi prokýror.

Sottalýshy adamdardyń arasynda óz kinásin moıyndamaǵandar bar. Basty kúdikti kisi ólimine qatysy bar ekenin áli de joqqa shyǵarýda. On tórtinshi kúdikti — Reseıde ustalǵan Armenııa azamaty Narek Gýrýrıan. Oǵan qatysty is bólek óndiriske jiberildi.

Qaza tapqan jigittiń jaqyndary da birneshe dúnıege kúdiktenedi. Marqumnyń dostary ony nege aýrýhanaǵa alyp barmaı, ólimge qıyp tastap ketkenin týysqandary túsiner emes.

Esterińizge sala keteıik, 2019 jyldyń 1 qańtarynda túnde bir top jastar jańa jyldyq meıramdy qaladaǵy meıramhanalardyń birinde atap ótken kezde qandy oqıǵa oryn aldy. Tóbeles saldarynan meıramhana mańynda 23 jastaǵy jigit kóz jumdy.

Bólisý:

Facebook arqyly jazylǵan pikirler

Pikir nemese jaýap jazý