«درەۆنيي ريم» مەيرامحاناسىنداعى كىسى ولىمى: پروكۋرور كۇدىكتىنى 20 جىلعا سوتتاۋدى سۇرادى

751
0
بولىسۋ:

قاراعاندى قالاسىنىڭ تەرگەۋ يزولياتورىندا جاڭا جىل تۇنىندە «كونە ريم» مەيرامحاناسىندا قازا تاپقان 23 جاستاعى ازاماتتىڭ ولىمىنە قاتىستى پىكىرتالاس وتتى. پروكۋرور باستى كۇدىكتىنى 20 جىلعا باس بوستاندىعىنان ايىرۋدى سۇرادى, دەپ حابارلايدى Stan.kz اقپارات اگەنتتىگى.

وز سوزىندە مەملەكەتتىك ايىپتاۋشى سوتتان 12 كۇدىكتىنىڭ ارقايسىسىنا قر قك 293 بابىنىڭ («قارۋ-جاراق قولدانىپ بۇزاقىلىق جاساۋ»)  2 جانە 3 بولىگى  بويىنشا التى جىلدان بەرىپ, قاۋىپسىزدىگى ورتاشا كولونيياعا قاماۋدى سۇرادى. ون ۇشىنشى كۇدىكتى يۋسيف نۋرۋلدى ول 20 جىلعا باس بوستاندىعىنان ايىرۋدى وتىندى. پروكۋرودىڭ سوزىنشە, ول جازاسىن قاۋىپسىزدىگى جوعارى كولونييادا وتەۋى تيىس.

«كۇدىكتى يۋسيف نۋرۋلدى كىسى ولىمىنە كىنالى دەپ تاۋىپ, 20 جىل كولەمىندە بوستاندىقتان ايىرىپ, قاۋىپسىزدىگى جوعارى دەڭگەيدەگى مەكەمەگە جابۋىڭىزدى سۇرايمىن», — دەدى پروكۋرور.

سوتتالۋشى ادامداردىڭ اراسىندا وز كىناسىن مويىنداماعاندار بار. باستى كۇدىكتى كىسى ولىمىنە قاتىسى بار ەكەنىن الى دە جوققا شىعارۋدا. ون تورتىنشى كۇدىكتى — رەسەيدە ۇستالعان ارمەنييا ازاماتى نارەك گۋرۋريان. وعان قاتىستى ىس بولەك وندىرىسكە جىبەرىلدى.

قازا تاپقان جىگىتتىڭ جاقىندارى دا بىرنەشە دۇنيەگە كۇدىكتەنەدى. مارقۇمنىڭ دوستارى ونى نەگە اۋرۋحاناعا الىپ بارماي, ولىمگە قيىپ تاستاپ كەتكەنىن تۋىسقاندارى تۇسىنەر ەمەس.

ەستەرىڭىزگە سالا كەتەيىك, 2019 جىلدىڭ 1 قاڭتارىندا تۇندە بىر توپ جاستار جاڭا جىلدىق مەيرامدى قالاداعى مەيرامحانالاردىڭ بىرىندە اتاپ وتكەن كەزدە قاندى وقيعا ورىن الدى. توبەلەس سالدارىنان مەيرامحانا ماڭىندا 23 جاستاعى جىگىت كوز جۇمدى.

بولىسۋ:

Facebook ارقىلى جازىلعان پىكىرلەر

پىكىر نەمەسە جاۋاپ جازۋ