Халық Ұлттық кеңеске үлкен үміт артып отыр – Қуаныш Жұмабек

795
5
Бөлісу:

АҚЫН-ЖАЗУШЫЛАР МЕН ҒАЛЫМДАР ПАРЛАМЕНТТЕ ОТЫРУ КЕРЕК

ҚР Президенті Қасым-Жомарт Тоқаев Ұлттық қоғамдық сенім кеңесін құру туралы бастаманы мамыр айының басында өзінің сайлауалды бағдарламасын таныстыру барысында жариялады. Билік пен халық арасындағы диалогты дамыту мақсатында құрылған келелі кеңестің алғашқы отырысы 6 қыркүйек күні Президенттің төрағалығымен өтті. Жаңа органның отырысында бұқараның көкейінде жүрген мәселелер қозғалып, күрмеуі көп түйіннің шешілу жолдары қарастырылды. Осы орайда, еліміз үшін маңызды кезеңде енжар қалмай, өз ойымды айта кетуді жөн көрдім.
Сан ғасырлар бойы көшпелі қазақ қоғамында заң шығарушылық қызметті билер атқарғанын және шынайы халықтық үлгідегі дала парламенті жұмыс істегенін тарихтан білеміз. Хандықтағы билер кеңесі мемлекеттің саяси-құқықтық, әскери-дипломатиялық, әлеуметтік-экономикалық жағдайын тек әдеттегі құқықпен ғана емес, елдің рухани-мәдени салт-дәстүрімен ұштастыра отырып қамтамасыз еткен. Күлтөбенің басында қабылданған «Тәуке ханның Жеті жарғысында» афоризм, мақал-мәтел, қанатты сөздердің көрініс табуы соның дәлелі. Билер «Қасым ханның қасқа жолы», «Есім ханның ескі жолы», «Әз Тәукенің Жеті жарғысы» заңдар жинағындағы негізгі қағидалар мен нормаларды толық меңгеріп қана қоймай, ел-жұртының әдет-ғұрпын, шежіресін, тарихын, кемел пікірлерін шешен тілмен жеткізе алатын дара жандар болған. Болашақтың жолын бабалар салған жолдан іздеп, бүгінгі таңда да от ауызды орақ тілді ақын-жазушылар мен тіл, әдебиет, тарих саласындағы ғалымдардың Парламентке көбірек барғандары дұрыс деп ойлаймын. Қазақтың тілін, әдебиетін, тарихын жете түсінетін тұлғалар билік пен халық арасын жақындата түседі деген сенімдемін.

Түйіткілді мәселелердің түйінін тарқатуға бағытталған Ұлттық қоғамдық кеңеске халық үлкен үміт артып отырғаны рас. Бұған дейін де көптеген кеңестер мен коалициялар болған. Алайда, «Бұл кеңес бұрынғы кеңестен өзгерек» деп білемін. Ел іргесі аман, болашағымыз жарқын болсын!

Қуаныш Жұмабек,

Фейсбук парақшасынан

Бөлісу:

Facebook арқылы жазылған пікірлер

Сайтта 5 пікір жазылған

  1. Аягул 22 Қазан, 2019 17:37 Жауап

    Ұлттық кеңестегі жұмыстар тек сөз жүзінде ғана емес, іс жүзінде жүзеге асады деп тілейміз

  2. Мәмбет құрманбаев 9 23 Қазан, 2019 08:36 Жауап

    Ұлттық Кеңесте ұлттық мүдде, ұлттық рухани құндылықтар, ұлттық тілді ұлықтап мемлекеттік тілді ұлтаралық қатынас тілі етіп жүзеге асырса. Елдің әлеуметтік хал жағдайынан хабардар болып толық бақылап жүзеге асыру жөнінде қадағалап отырса!

  3. Медет Берік 23 Қазан, 2019 09:23 Жауап

    Қуаныш ініміз дұрыс айтады. Ел ертеңі үшін алаңдайтын осындай жастар көп болсын.

Пікір немесе жауап жазу

жеті + он =