Toqaev elordanyń syrtqy kelbetin synǵa alady

641
0
Bólisý:

Qazaqstan Prezıdenti Qasym-Jomart Toqaev «kesh bolmaı turyp» Nur-Sultan qalasynyń kósheleri men ǵımarattarynyń birińǵaı dızın-kodyn rásimdeýdi tapsyrdy, – dep habarlaıdy Tengrinews.kz tilshisi.

«Qalada birińǵaı qalaqurylysy saıasaty joq. Bul keıbir aýdandarda beıbereket qurylystardyń júrgizilýine ákep soǵady. Kósheler men ǵımarattardyń birińǵaı garmonııalyq stıli joq. Sizder elordany kórýge arnaıy kelgen týrısterdiń pikirin oqyǵan bolarsyzdar. Jalpy pikirler jaqsy, biraq olar qalada eklektıka baryn aıtady. Bir ǵımarat bir stılde, ekinshisi múlde basqa. Eń bastysy – jaılylyq joq. Plıtalar ushyp, asfalt jarylyp jatyr, aǵashtar az, sonyń saldarynan qalany kútip baqpaıtyny kórinedi. Iesi joq», – dedi Toqaev.

Ol Nursultan Nazarbaevtyń tapsyrmasyn eskertti.

«Alystan záýlim ǵımarat ádemi kórinedi, jaqyndap kelseń sharshaǵanyn baıqaýǵa bolady. Qojaıyn kerek. Qojaıyn retinde negizi aýdan ákimderi bolýy kerek. Olar keńsesinde otyra bermeı jaıaý júrip, turǵyndaryn bilýi kerek, ǵımarattardyń, adamdardyń ómirin bilýi kerek», – dedi Toqaev.

Prezıdent ákimderge qajetti qujattarǵa qol qoıý úshin keshki alty-jetide kabınette otyrýǵa bolatynyn aıtty.

«Qalanyń qandaıda bir sharýashylyq ıesi bary baıqalmaıdy (…) Árıne, aýa-raıynda eskerý kerek. Soltústik Eýropada ornalasqan qalalar da bar emes pe? (…) Sol sebepti kesh bolmaı turyp Nur-Sultan qalasynyń kósheleri men ǵımarattarynyń birińǵaı dızaın-kodyn rásimdeýdi tapsyramyn. Bul meniń ákimdikke degen qatań tapsyrmam», – dedi Prezıdent.

Bólisý:

Facebook arqyly jazylǵan pikirler

Pikir nemese jaýap jazý

on + úsh =