توقاەۆ ەلوردانىڭ سىرتقى كەلبەتىن سىنعا الادى

637
0
بولىسۋ:

قازاقستان پرەزيدەنتى قاسىم-جومارت توقاەۆ «كەش بولماي تۇرىپ» نۇر-سۇلتان قالاسىنىڭ كوشەلەرى مەن عيماراتتارىنىڭ بىرىڭعاي ديزين-كودىن راسىمدەۋدى تاپسىردى, – دەپ حابارلايدى Tengrinews.kz تىلشىسى.

«قالادا بىرىڭعاي قالاقۇرىلىسى ساياساتى جوق. بۇل كەيبىر اۋدانداردا بەيبەرەكەت قۇرىلىستاردىڭ جۇرگىزىلۋىنە اكەپ سوعادى. كوشەلەر مەن عيماراتتاردىڭ بىرىڭعاي گارمونييالىق ستيلى جوق. سىزدەر ەلوردانى كورۋگە ارنايى كەلگەن تۋريستەردىڭ پىكىرىن وقىعان بولارسىزدار. جالپى پىكىرلەر جاقسى, بىراق ولار قالادا ەكلەكتيكا بارىن ايتادى. بىر عيمارات بىر ستيلدە, ەكىنشىسى مۇلدە باسقا. ەڭ باستىسى – جايلىلىق جوق. پليتالار ۇشىپ, اسفالت جارىلىپ جاتىر, اعاشتار از, سونىڭ سالدارىنان قالانى كۇتىپ باقپايتىنى كورىنەدى. يەسى جوق», – دەدى توقاەۆ.

ول نۇرسۇلتان نازارباەۆتىڭ تاپسىرماسىن ەسكەرتتى.

«الىستان زاۋلىم عيمارات ادەمى كورىنەدى, جاقىنداپ كەلسەڭ شارشاعانىن بايقاۋعا بولادى. قوجايىن كەرەك. قوجايىن رەتىندە نەگىزى اۋدان اكىمدەرى بولۋى كەرەك. ولار كەڭسەسىندە وتىرا بەرمەي جاياۋ جۇرىپ, تۇرعىندارىن بىلۋى كەرەك, عيماراتتاردىڭ, ادامداردىڭ ومىرىن بىلۋى كەرەك», – دەدى توقاەۆ.

پرەزيدەنت اكىمدەرگە قاجەتتى قۇجاتتارعا قول قويۋ ۇشىن كەشكى التى-جەتىدە كابينەتتە وتىرۋعا بولاتىنىن ايتتى.

«قالانىڭ قاندايدا بىر شارۋاشىلىق يەسى بارى بايقالمايدى (…) ارينە, اۋا-رايىندا ەسكەرۋ كەرەك. سولتۇستىك ەۋروپادا ورنالاسقان قالالار دا بار ەمەس پە؟ (…) سول سەبەپتى كەش بولماي تۇرىپ نۇر-سۇلتان قالاسىنىڭ كوشەلەرى مەن عيماراتتارىنىڭ بىرىڭعاي ديزاين-كودىن راسىمدەۋدى تاپسىرامىن. بۇل مەنىڭ اكىمدىككە دەگەن قاتاڭ تاپسىرمام», – دەدى پرەزيدەنت.

بولىسۋ:

Facebook ارقىلى جازىلعان پىكىرلەر

پىكىر نەمەسە جاۋاپ جازۋ

11 − ەكى =