سىرتقى ىستەر مينيسترى: قىتايداعى قايتا وقىتۋ ورتالىقتارىندا ەتنيكالىق قازاقتار جوق

247
0
بولىسۋ:

سىرتقى ىستەر مينيسترى مۇحتار تىلەۋبەردى قىتايداعى قايتا وقىتۋ ورتالىقتارىندا وتىرعان قانداستارىمىزدىڭ كوبىسى بوساتىلعانىن ايتتى. قازىر ساياسي مەكتەپتەردە تەك قانداي دا بىر زاڭ بۇزۋشىلىق جاساعان ەتنيكالىق قازاقتار عانا قالعان. بۇل تۋرالى Stan.kz اقپارات اگەنتتىگى 31 ارناعا سىلتەمە جاساپ حابارلايدى.

سىرتقى ىستەر مينيسترىنىڭ قابىلداۋىنا رەسپۋبليكا بويىنشا 4 ادام جازىلعان. ارىزدانۋشىلاردىڭ قاتارىندا وزى قازاقستاندا, ال جانۇسى قىتايدا قالىپ قويعان ايەل بار. اسپان استى ەلى ونىڭ جانۇيانى بىرىكتىرۋگە باعىتتالعان شاقىرتۋىن قاناعاتتاندىرماعان ەكەن. ايەل وسى ماسەلەنىڭ شەشىمىن تابۋ ماقساتىندا مينيستردىڭ كومەگىنە جۇگىنۋدى جون كوردى. بىراق نەگە ەكەنى بەلگىسىز ول قابىلداۋعا كەلگەن جوق.

«جاقىندا بىزدىڭ پرەزيدەنتىمىز مەملەكەتتىك ساپارمەن قىتايعا بارىپ قايتتى. جوعارى دەڭگەيدە ول جاقتا مىناداي اقپارات راستالدى. قازىرگى ۋاقىتتا قايتا وقىتۋ ورتالىقتارىندا ەتنيكالىق قازاقتار وتىرعان جوق. ال, مىنا ازامات بۇگىن وتباسىلىق ماسەلەسى شەشىلگەن سوڭ كەلمەدى دەپ سەنەمىز», — دەدى تىلەۋبەردى.

سونىمەن قاتار, ول مينيسترلىكتىڭ قىتايداعى وتانداسىمىز اقجارقىن تۇرلىبايعا قاتىستى سوت شەشىمىن كۇتەتىنىن ايتتى. سودان كەيىن عانا ونى ەلگە قايتارۋ ماسەلەسىن كوتەرىلەدى ەكەن.

بولىسۋ:

Facebook ارقىلى جازىلعان پىكىرلەر

پىكىر نەمەسە جاۋاپ جازۋ

ۇش × بەس =