Islam Ábishev isi – Prezıdent Joldaýynda synalǵandaı, Ulttyq Bıýronyń  zańsyz arandatýshylyqtary jalǵasýda!

2102
28
Bólisý:

 

QR Prezıdenti Q.Toqaevtyń Joldaýynda qatty synalyp,  arnaıy Jarlyqqa engizilgen Ulttyq Bıýronyń  zańsyz tergep-tekserýleri  men arandatýshylyqtary jalǵasýda!

Sý resýrstary komıtetiniń eks tóraǵasy Islam Ábishevtiń isi alty aı boıy dálel-dáıek tabylmasa da, aqyry sotqa jiberildi.  Sot aldyndaǵy aldyn ala alǵashqy tyńdaýda–aq Islam Ábishevtiń qorǵaýshysy, belgili advokat Abzal Quspan  naqty dálelder  keltirip, sotqa 8 ótinish jasady. Biz búgin osy Islam Ábishev isine qoǵamnyń erekshe nazar aýdaryp otyrǵanyn eskerip, sol ótinishterdiń bir-ekeýin jarııalap otyrmyz.

 

Nur-Sultan qalasy boıynsha

aýdanaralyq mamandandyrylǵan

qylmystyq ister sotynyń

sýdıasy Q.M.Mekemtasqa

qorǵaýshy A.T.Quspannan

QR QK- 24 b, 3 b, 366 b, 4 b-men

kúdikti dep tanylǵan

I.A.Abıshevtyń múddesinde

tel: 87751270895

 

О́ T I N I Sh №6

 Ulttyq bıýronyń arandatýshylyq is-áreketteri týraly

 

Qurmetti sot!

Sizge Memleket basshysynyń 2019 jylǵy 2 qyrkúıektegi «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Qazaqstan halqyna Joldaýyn iske asyrý jónindegi sharalar týraly Qazaqstan Respýblıkasy Prezıdentiniń 2019 jylǵy 10 qyrkúıektegi № 152 Jarlyǵynan myna pýnktterge nazar aýdarýyńyzdy suraımyn;

Memleket basshysynyń 2019 jylǵy 2 qyrkúıektegi «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Qazaqstan halqyna Joldaýyn iske asyrý maqsatynda qaýly etilgen:

20 tarmaq;

«Azamattardyń quqyqtaryn qorǵaýǵa kepildikterdi arttyrý, qylmystyq prosestegi taraptardyń teńdigi men jaryspalylyǵyn, kinásizdik prezýmpsııasy qaǵıdatynyń múltiksiz saqtalýyn, onyń ishinde mynalar arqyly:
1) quqyq qorǵaý organdarynyń nemese arnaýly memlekettik organdar qyzmetkerleriniń kórineý kinásiz adamdy qylmystyq jaýaptylyqqa tartqany, kórineý zańsyz ustaǵany, qamaýǵa alǵany nemese qamaqta ustaǵany, jaýap berýge májbúrlegeni, jalǵan dáleldemeler jáne jedel-izdestirý materıaldaryn jasaǵany, kommersııalyq satyp alý ne paraqorlyqqa arandatqany, sondaı-aq jalpy qylmysqa ıtermelegeni úshin, kórineý jalǵan sóz jetkizgeni, advokattardyń qyzmetine jáne adam men azamattyq quqyǵyn, bostandyǵy men zańdy múddelerin qorǵaý jónindegi ózge de adamdardyń zańdy qyzmetine, sondaı-aq jeke jáne zańdy tulǵalarǵa zań kómegin kórsetýge kedergi jasaǵany úshin jaýaptylyqty kúsheıtý;
2) kýáger aıǵaqtarynyń, sondaı-aq jol beriletin jáne shynaıy dáleldemelerdiń jetkilikti jıyntyǵymen bekitilmegen jáne rastalmaǵan ózge málimetter ǵana negizinde qylmystyq jaýaptylyqqa tartýǵa jáne sottaýǵa tyıym salýdy belgileý;
3) qylmystyq proseste qorǵaýshy taraptyń dáleldemeleri men shaǵymdaryn jan-jaqty jáne obektıvti qaraýdy qýdalaý organdarynyń laýazymdy adamdary tarapynan osyndaı dáleldemeler men shaǵymdar boıynsha sapasyz qaraý nemese áreketsizdigi faktilerine qatań den qoıý sharalaryn qabyldaı otyryp qamtamasyz etý»!
21 tarmaq;

«Quqyq qorǵaý organdary qyzmetkerleriniń jedel izdestirý jáne tergeý praktıkasynda zańsyz jumys ádisterin jáne arandatýshylyq is-áreketterdi qoldaný faktilerine jol bermeýine, osyndaı faktiler boıynsha jaýaptylyq pen jazalaýdyń bultartpastyǵy qaǵıdatyn saqtaýyn qamtamasyz etýmen qadaǵalaýdy jáne baqylaýdy kúsheıtý».

Prezıdent Joldaýynda kórsetilgen jáne Joldaýdy júzege asyrý maqsatynda oryndaý sharalary bekitilgen bul pýnktter bizdiń qaraǵaly otyrǵan isimizge dál keletinine nazar aýdarýyńyzdy suraımyn!

Oǵan dálel osyǵan deıin jarııalaǵan ótinishterimdegi kóptegen naqty faktiler, olardy qaıtalap jazbaı aq qoıaıyn.

Eń soraqysy arandatý áreketteriniń áli tıylmaı otyrǵany. Dál qazir Islam Abıshevtyń týystary qyzdary, Abısheva Gýlmıra, Abısheva Madına, týǵan inileri Abıshev Nýraly, Abıshev Eralhan, Abıshev Qanybekterdiń ústerinen para berýge oqtalý faktileri boıynsha qylmystyq ister tirkelip, qylmystyq is Bas prokýratýraǵa túsken kezde, joǵaryda attary atalǵan týystarynyń úılerinde tintý jumystary júrgizildi. Bunyń arandatýshylyq ekeniniń qarapaıym dáleli – Nur Sultan qalalyq tergeý sotynan úılerdi tintýge sanksııany 03.07.2019 jyly alady, istiń ózi oǵan deıin birneshe aı buryn tirkelgen, al tintý áreketteri is dál Bas Prokýratýraǵa túsken kezde júrgiziledi.

Endi osy kezge deıin sol tintý men barlyǵyn Ulttyq bıýroǵa bir retten shaqyrtyp, úrkitip-qorqytqannan basqa osy kezge deıin birde-bir tergeý áreketi júrgizilgen joq.

Osylaısha Prezıdent joldaýynda aıtylyp, arnaıy Jarlyqqa engizilgen zańsyz tergep-tekserý áreketteri Ulttyq Bıýro tarapynan áli jalǵasýda!

Bas Prokýratýraǵa jazǵan birneshe bettik ótinishime, jarty betke de jetpeıtin jaýap aldyq. Sol sebepti Sizden meniń tarapymnan jarııalanǵan ótinishterge formaldy qaramaı, jan-jaqty, obektıvti baǵa berýińizdi suraımyn!

Qorǵaýshy         A.T.Quspan

qazaquni.kz

 

Bólisý:

Facebook arqyly jazylǵan pikirler

Saıtta 28 pikir jazylǵan

  1. Almas Asemhanýly 4 Qazan, 2019 19:23 Jaýap

    Prezıdenttiń sybaılas jemqorlyqqa qarsy agenttigi jumysyn qadaǵalaý kerek degeni Islam Ábish isi naqty mysal bolýda. Sybaılas jemqorlyqpen kúres agenttigi esep aıyrysýshylardyń qqraly bolýda.

  2. Qyr balasy 4 Qazan, 2019 19:26 Jaýap

    Tergeý jumystarynda Islam Ábishtiń paoa aldy degeni naqty dáleldenbeı sotqa jiberýi agenttiktiń shyndyq aldynda dármensizdigi.

  3. Qyr balasy 4 Qazan, 2019 19:28 Jaýap

    Islam Ábishke halyqtyń bolysýy, adamdardyń shynaıy qaıtarymsyz isine arasha túsýi bul kisiniń syıly jaqsy adam ekendiginiń belgisi.

  4. Jánnat 4 Qazan, 2019 21:24 Jaýap

    Bul degen uıat qoı esh dálelsiz naqaqtan naqaq eńbegi sińgen, qurmetti azamat, eńbek demalysyna keteıin dep otyrǵan, ómirin qyzmetke arnaǵan Islam aǵamyzdyń quqyǵy taptalyp otyr. Bizdiń elde «ádil sot» bar ma degen suraqqa ıtermeleıdi.

  5. Saıa 4 Qazan, 2019 22:50 Jaýap

    Janat hanym, sol sot Ədildik ornatady degen senimdemiz. Islam aǵamyz ózi qyzmet atqarǵan óńir úshin ǵana eńbek etpedi, rýhanııatqa qamqor bolyp, ısi qazaqqa jaqsylyq jasady. Aq júrek azamattyń oryny túrmede emes minbede bolýǵa tıisti.

  6. Marına 4 Qazan, 2019 22:54 Jaýap

    Iə, jón aıtasyzdar. Islam Əbishtiń fb-dan tipti túrmede jatsa da, janyndaǵy ózi sekildi naqaqtan naqaq kúıip otyrǵan azamattardyń bosap shyǵýyna septigin tıgizip jatyr eken. Alla razy bolsyn, aq adal azamatqa. Eselep qaıtchyn ózine!

  7. Jarqynaı 4 Qazan, 2019 23:28 Jaýap

    Quzyrly oryndar tarapynan ulttyq bıýronyń mynadaı zańsyzdyqtaryna tosqaýyl qoıylý kerek. Qaıda qaldy jappaı joldaýdy qoldaǵanymyz? Prezıdent aıtqan nərse oryndalýy kerek.

  8. Madına 4 Qazan, 2019 23:32 Jaýap

    Abzal aǵa sizge halqyńyz senedi. Islam Əbishev isi qoǵamnyń jiti baqylaýynda. Sondyqtan da, is ońynan sheshiledi dep oılaımyz.

  9. Aıjan 4 Qazan, 2019 23:56 Jaýap

    Jurttyń suraýy jaýapsyz qalmaý kerek.
    Aqqa qudaı jaq.Ádildiktiń jalaýy jelbireıdi dep senemiz !

  10. Aıjan 5 Qazan, 2019 00:37 Jaýap

    Bul da bir synaq, Allam sabyr berip, ádildik jeńip, halyqtyń janashyry, ultynyń birtýar betke ustar azamatyna bostandyq beriledi dep senim!

  11. Gúlmıra 5 Qazan, 2019 22:02 Jaýap

    Bir kisiden esikten oqıǵa oıǵa oralyp tur. Bir otbasynda bala bolmaı Alladan perzent surapty. Sonda erdi zaıyptylar eń bolmasa bir kúndik ómiri bar bala bershi degen eken Alla. Tilekteri qabyl bolyp uldy bolypty. Alǵashqy kúni qýanyp toı beripti. Bala aman. 2-shi,3-shi kúni de dəl solaı búkil halyqqa toı beripti. Bala aman. Sonda əli kishkentaı perzenttiń ákesi Jaraýshymyzdan bir kúndik ómiri bar bala surap edim, balam uzaq ómir súre me qalaı dese, men bir kúndik ómiri bar bala berip edim, kóptiń tileýi qabyl bolyp endi ómiri uzaq bolady degen eken. Sol sekildi, kóptiń tileýi qabyl bolyp, Islam aǵanyń isi ońynan sheshilse eken.

  12. Nazıra 5 Qazan, 2019 22:28 Jaýap

    Prezıdent bergen ýədelerin oryndaımyn dedi. Ras bolsa osy sózi jalaqorlarǵa shara qoldanylsyn.h

  13. Mıra 5 Qazan, 2019 22:36 Jaýap

    Qazaqtyń barsha zııaly qaýym ókilderi qoldap aldaǵy sotqa barsynshy. Daýysyn jetkizsinshi sotqa. AQTALYP ShYQSYNShY arda azamat! Islam Əbishevke bostandyq.

  14. Sanııa 5 Qazan, 2019 22:38 Jaýap

    Orystyń kempirlerine deıin janaryna jas alyp turyp shyǵaryp salǵan birden bir əkim Əbishev edi. Halqymen birge Alla qoldasyn! Jar bolsyn sizge Jaratqan!

  15. Abzal Alpysbaıuly 6 Qazan, 2019 20:24 Jaýap

    Islam Ábishev ary taza, halqynyń yryzdyǵyn qorǵap qalǵan aıaýly azamat!!! Jazyqsyz jala jabylyp, temir torǵa qamalǵany elimizdegi jemqorlyqtyń shegine jetkendiginiń aıqyn kórinisi. Eldiń qazynasyn qorqaýlardyń qomaǵaı aranynan arashalaǵan azamat bostandyqqa shyǵýy tıis!!!

  16. Juldyz 6 Qazan, 2019 23:09 Jaýap

    Qazirgi kezde BAQ úlken kúsh, jurtshylyq, qaýym bolyp biriksek ádildik jeńip, aǵamyz túrmeden shyǵady dep oılaımyn!

  17. Aınur 6 Qazan, 2019 23:20 Jaýap

    Ol kisi kimge ne úshin unamaı qaldy másele sonda. Qazirgi zamanda joǵarydaǵy adamdarǵa qarsy pikir, óz oıyndy búkpeı aıtqan adam jaqpaı, artynan sham alyp túsedi.

  18. Quralaı 6 Qazan, 2019 23:43 Jaýap

    Aǵamyzdy qoldap, qıyn sátte demeý bolaıyk! Adam bolǵan soń myna qoǵamda árbir azamattyń basyna túsýi múmkin jaıt. Alla sizge densaýlyq, tózim, júregińizge senim kúshin bersin!

  19. Raıgúl 7 Qazan, 2019 00:01 Jaýap

    Oblys ákimi birinshi orynbasary, О́skemen qalasy ákimi, Sý resýrstary komııeti tóraǵasy (Sý mınıstri deńgeıinde). Osyndaı úlken qyzmetter atqarǵan el azamatyn jasy kelip,zeınetke shyǵar kezde túrmege qamaý tarıhqa syn, óte uıatty bolyp tur. Barlyq jaǵdaı zerttelip, is qaıta qaralý kerek dep oılaımyn!

Pikir nemese jaýap jazý

4 × eki =