يسلام ابىشەۆ ىسى – پرەزيدەنت جولداۋىندا سىنالعانداي, ۇلتتىق بيۋرونىڭ  زاڭسىز ارانداتۋشىلىقتارى جالعاسۋدا!

2098
28
بولىسۋ:

 

قر پرەزيدەنتى ق.توقاەۆتىڭ جولداۋىندا قاتتى سىنالىپ,  ارنايى جارلىققا ەنگىزىلگەن ۇلتتىق بيۋرونىڭ  زاڭسىز تەرگەپ-تەكسەرۋلەرى  مەن ارانداتۋشىلىقتارى جالعاسۋدا!

سۋ رەسۋرستارى كوميتەتىنىڭ ەكس توراعاسى يسلام ابىشەۆتىڭ ىسى التى اي بويى دالەل-دايەك تابىلماسا دا, اقىرى سوتقا جىبەرىلدى.  سوت الدىنداعى الدىن الا العاشقى تىڭداۋدا–اق يسلام ابىشەۆتىڭ قورعاۋشىسى, بەلگىلى ادۆوكات ابزال قۇسپان  ناقتى دالەلدەر  كەلتىرىپ, سوتقا 8 وتىنىش جاسادى. بىز بۇگىن وسى يسلام ابىشەۆ ىسىنە قوعامنىڭ ەرەكشە نازار اۋدارىپ وتىرعانىن ەسكەرىپ, سول وتىنىشتەردىڭ بىر-ەكەۋىن جارييالاپ وتىرمىز.

 

نۇر-سۇلتان قالاسى بويىنشا

اۋدانارالىق مامانداندىرىلعان

قىلمىستىق ىستەر سوتىنىڭ

سۋدياسى ق.م.مەكەمتاسقا

قورعاۋشى ا.ت.قۇسپاننان

قر قك- 24 ب, 3 ب, 366 ب, 4 ب-مەن

كۇدىكتى دەپ تانىلعان

ي.ا.ابيشەۆتىڭ مۇددەسىندە

تەل: 87751270895

 

و ت ى ن ى ش №6

 ۇلتتىق بيۋرونىڭ ارانداتۋشىلىق ىس-ارەكەتتەرى تۋرالى

 

قۇرمەتتى سوت!

سىزگە مەملەكەت باسشىسىنىڭ 2019 جىلعى 2 قىركۇيەكتەگى «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىن ىسكە اسىرۋ جونىندەگى شارالار تۋرالى قازاقستان رەسپۋبليكاسى پرەزيدەنتىنىڭ 2019 جىلعى 10 قىركۇيەكتەگى № 152 جارلىعىنان مىنا پۋنكتتەرگە نازار اۋدارۋىڭىزدى سۇرايمىن;

مەملەكەت باسشىسىنىڭ 2019 جىلعى 2 قىركۇيەكتەگى «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىن ىسكە اسىرۋ ماقساتىندا قاۋلى ەتىلگەن:

20 تارماق;

«ازاماتتاردىڭ قۇقىقتارىن قورعاۋعا كەپىلدىكتەردى ارتتىرۋ, قىلمىستىق پروتسەستەگى تاراپتاردىڭ تەڭدىگى مەن جارىسپالىلىعىن, كىناسىزدىك پرەزۋمپتسيياسى قاعيداتىنىڭ مۇلتىكسىز ساقتالۋىن, ونىڭ ىشىندە مىنالار ارقىلى:
1) قۇقىق قورعاۋ ورگاندارىنىڭ نەمەسە ارناۋلى مەملەكەتتىك ورگاندار قىزمەتكەرلەرىنىڭ كورىنەۋ كىناسىز ادامدى قىلمىستىق جاۋاپتىلىققا تارتقانى, كورىنەۋ زاڭسىز ۇستاعانى, قاماۋعا العانى نەمەسە قاماقتا ۇستاعانى, جاۋاپ بەرۋگە ماجبۇرلەگەنى, جالعان دالەلدەمەلەر جانە جەدەل-ىزدەستىرۋ ماتەريالدارىن جاساعانى, كوممەرتسييالىق ساتىپ الۋ نە پاراقورلىققا ارانداتقانى, سونداي-اق جالپى قىلمىسقا يتەرمەلەگەنى ۇشىن, كورىنەۋ جالعان سوز جەتكىزگەنى, ادۆوكاتتاردىڭ قىزمەتىنە جانە ادام مەن ازاماتتىق قۇقىعىن, بوستاندىعى مەن زاڭدى مۇددەلەرىن قورعاۋ جونىندەگى وزگە دە ادامداردىڭ زاڭدى قىزمەتىنە, سونداي-اق جەكە جانە زاڭدى تۇلعالارعا زاڭ كومەگىن كورسەتۋگە كەدەرگى جاساعانى ۇشىن جاۋاپتىلىقتى كۇشەيتۋ;
2) كۋاگەر ايعاقتارىنىڭ, سونداي-اق جول بەرىلەتىن جانە شىنايى دالەلدەمەلەردىڭ جەتكىلىكتى جيىنتىعىمەن بەكىتىلمەگەن جانە راستالماعان وزگە مالىمەتتەر عانا نەگىزىندە قىلمىستىق جاۋاپتىلىققا تارتۋعا جانە سوتتاۋعا تىيىم سالۋدى بەلگىلەۋ;
3) قىلمىستىق پروتسەستە قورعاۋشى تاراپتىڭ دالەلدەمەلەرى مەن شاعىمدارىن جان-جاقتى جانە وبەكتيۆتى قاراۋدى قۋدالاۋ ورگاندارىنىڭ لاۋازىمدى ادامدارى تاراپىنان وسىنداي دالەلدەمەلەر مەن شاعىمدار بويىنشا ساپاسىز قاراۋ نەمەسە ارەكەتسىزدىگى فاكتىلەرىنە قاتاڭ دەن قويۋ شارالارىن قابىلداي وتىرىپ قامتاماسىز ەتۋ»!
21 تارماق;

«قۇقىق قورعاۋ ورگاندارى قىزمەتكەرلەرىنىڭ جەدەل ىزدەستىرۋ جانە تەرگەۋ پراكتيكاسىندا زاڭسىز جۇمىس ادىستەرىن جانە ارانداتۋشىلىق ىس-ارەكەتتەردى قولدانۋ فاكتىلەرىنە جول بەرمەۋىنە, وسىنداي فاكتىلەر بويىنشا جاۋاپتىلىق پەن جازالاۋدىڭ بۇلتارتپاستىعى قاعيداتىن ساقتاۋىن قامتاماسىز ەتۋمەن قاداعالاۋدى جانە باقىلاۋدى كۇشەيتۋ».

پرەزيدەنت جولداۋىندا كورسەتىلگەن جانە جولداۋدى جۇزەگە اسىرۋ ماقساتىندا ورىنداۋ شارالارى بەكىتىلگەن بۇل پۋنكتتەر بىزدىڭ قاراعالى وتىرعان ىسىمىزگە دال كەلەتىنىنە نازار اۋدارۋىڭىزدى سۇرايمىن!

وعان دالەل وسىعان دەيىن جارييالاعان وتىنىشتەرىمدەگى كوپتەگەن ناقتى فاكتىلەر, ولاردى قايتالاپ جازباي اق قويايىن.

ەڭ سوراقىسى ارانداتۋ ارەكەتتەرىنىڭ الى تيىلماي وتىرعانى. دال قازىر يسلام ابيشەۆتىڭ تۋىستارى قىزدارى, ابيشەۆا گۋلميرا, ابيشەۆا مادينا, تۋعان ىنىلەرى ابيشەۆ نۋرالى, ابيشەۆ ەرالحان, ابيشەۆ قانىبەكتەردىڭ ۇستەرىنەن پارا بەرۋگە وقتالۋ فاكتىلەرى بويىنشا قىلمىستىق ىستەر تىركەلىپ, قىلمىستىق ىس باس پروكۋراتۋراعا تۇسكەن كەزدە, جوعارىدا اتتارى اتالعان تۋىستارىنىڭ ۇيلەرىندە تىنتۋ جۇمىستارى جۇرگىزىلدى. بۇنىڭ ارانداتۋشىلىق ەكەنىنىڭ قاراپايىم دالەلى – نۇر سۇلتان قالالىق تەرگەۋ سوتىنان ۇيلەردى تىنتۋگە سانكتسييانى 03.07.2019 جىلى الادى, ىستىڭ وزى وعان دەيىن بىرنەشە اي بۇرىن تىركەلگەن, ال تىنتۋ ارەكەتتەرى ىس دال باس پروكۋراتۋراعا تۇسكەن كەزدە جۇرگىزىلەدى.

ەندى وسى كەزگە دەيىن سول تىنتۋ مەن بارلىعىن ۇلتتىق بيۋروعا بىر رەتتەن شاقىرتىپ, ۇركىتىپ-قورقىتقاننان باسقا وسى كەزگە دەيىن بىردە-بىر تەرگەۋ ارەكەتى جۇرگىزىلگەن جوق.

وسىلايشا پرەزيدەنت جولداۋىندا ايتىلىپ, ارنايى جارلىققا ەنگىزىلگەن زاڭسىز تەرگەپ-تەكسەرۋ ارەكەتتەرى ۇلتتىق بيۋرو تاراپىنان الى جالعاسۋدا!

باس پروكۋراتۋراعا جازعان بىرنەشە بەتتىك وتىنىشىمە, جارتى بەتكە دە جەتپەيتىن جاۋاپ الدىق. سول سەبەپتى سىزدەن مەنىڭ تاراپىمنان جارييالانعان وتىنىشتەرگە فورمالدى قاراماي, جان-جاقتى, وبەكتيۆتى باعا بەرۋىڭىزدى سۇرايمىن!

قورعاۋشى         ا.ت.قۇسپان

qazaquni.kz

 

بولىسۋ:

Facebook ارقىلى جازىلعان پىكىرلەر

سايتتا 28 پىكىر جازىلعان

  1. الماس اسەمحانۋلى 4 قازان, 2019 19:23 جاۋاپ

    پرەزيدەنتتىڭ سىبايلاس جەمقورلىققا قارسى اگەنتتىگى جۇمىسىن قاداعالاۋ كەرەك دەگەنى يسلام ابىش ىسى ناقتى مىسال بولۋدا. سىبايلاس جەمقورلىقپەن كۇرەس اگەنتتىگى ەسەپ ايىرىسۋشىلاردىڭ ققرالى بولۋدا.

  2. Qyr balasy 4 قازان, 2019 19:26 جاۋاپ

    تەرگەۋ جۇمىستارىندا يسلام ابىشتىڭ پاوا الدى دەگەنى ناقتى دالەلدەنبەي سوتقا جىبەرۋى اگەنتتىكتىڭ شىندىق الدىندا دارمەنسىزدىگى.

  3. Qyr balasy 4 قازان, 2019 19:28 جاۋاپ

    يسلام ابىشكە حالىقتىڭ بولىسۋى, ادامداردىڭ شىنايى قايتارىمسىز ىسىنە اراشا تۇسۋى بۇل كىسىنىڭ سىيلى جاقسى ادام ەكەندىگىنىڭ بەلگىسى.

  4. جاننات 4 قازان, 2019 21:24 جاۋاپ

    بۇل دەگەن ۇيات قوي ەش دالەلسىز ناقاقتان ناقاق ەڭبەگى سىڭگەن, قۇرمەتتى ازامات, ەڭبەك دەمالىسىنا كەتەيىن دەپ وتىرعان, ومىرىن قىزمەتكە ارناعان يسلام اعامىزدىڭ قۇقىعى تاپتالىپ وتىر. بىزدىڭ ەلدە «ادىل سوت» بار ما دەگەن سۇراققا يتەرمەلەيدى.

  5. سايا 4 قازان, 2019 22:50 جاۋاپ

    جانات حانىم, سول سوت Əدىلدىك ورناتادى دەگەن سەنىمدەمىز. يسلام اعامىز وزى قىزمەت اتقارعان وڭىر ۇشىن عانا ەڭبەك ەتپەدى, رۋحانيياتقا قامقور بولىپ, يسى قازاققا جاقسىلىق جاسادى. اق جۇرەك ازاماتتىڭ ورىنى تۇرمەدە ەمەس مىنبەدە بولۋعا تيىستى.

  6. مارينا 4 قازان, 2019 22:54 جاۋاپ

    يə, جون ايتاسىزدار. يسلام Əبىشتىڭ فب-دان تىپتى تۇرمەدە جاتسا دا, جانىنداعى وزى سەكىلدى ناقاقتان ناقاق كۇيىپ وتىرعان ازاماتتاردىڭ بوساپ شىعۋىنا سەپتىگىن تيگىزىپ جاتىر ەكەن. اللا رازى بولسىن, اق ادال ازاماتقا. ەسەلەپ قايتچىن وزىنە!

  7. جارقىناي 4 قازان, 2019 23:28 جاۋاپ

    قۇزىرلى ورىندار تاراپىنان ۇلتتىق بيۋرونىڭ مىناداي زاڭسىزدىقتارىنا توسقاۋىل قويىلۋ كەرەك. قايدا قالدى جاپپاي جولداۋدى قولداعانىمىز؟ پرەزيدەنت ايتقان نəرسە ورىندالۋى كەرەك.

  8. مادينا 4 قازان, 2019 23:32 جاۋاپ

    ابزال اعا سىزگە حالقىڭىز سەنەدى. يسلام Əبىشەۆ ىسى قوعامنىڭ جىتى باقىلاۋىندا. سوندىقتان دا, ىس وڭىنان شەشىلەدى دەپ ويلايمىز.

  9. ايجان 4 قازان, 2019 23:56 جاۋاپ

    جۇرتتىڭ سۇراۋى جاۋاپسىز قالماۋ كەرەك.
    اققا قۇداي جاق.ادىلدىكتىڭ جالاۋى جەلبىرەيدى دەپ سەنەمىز !

  10. ايجان 5 قازان, 2019 00:37 جاۋاپ

    بۇل دا بىر سىناق, اللام سابىر بەرىپ, ادىلدىك جەڭىپ, حالىقتىڭ جاناشىرى, ۇلتىنىڭ بىرتۋار بەتكە ۇستار ازاماتىنا بوستاندىق بەرىلەدى دەپ سەنىم!

  11. گۇلىم 5 قازان, 2019 21:55 جاۋاپ

    ايجان ايتقانىڭىز كەلسىن! اللا قولداپ يسلام اعامىز امان ەسەن وتباسىنا ورالسىن!

  12. گۇلميرا 5 قازان, 2019 22:02 جاۋاپ

    بىر كىسىدەن ەسىكتەن وقيعا ويعا ورالىپ تۇر. بىر وتباسىندا بالا بولماي اللادان پەرزەنت سۇراپتى. سوندا ەردى زايىپتىلار ەڭ بولماسا بىر كۇندىك ومىرى بار بالا بەرشى دەگەن ەكەن اللا. تىلەكتەرى قابىل بولىپ ۇلدى بولىپتى. العاشقى كۇنى قۋانىپ توي بەرىپتى. بالا امان. 2-شى,3-شى كۇنى دە دəل سولاي بۇكىل حالىققا توي بەرىپتى. بالا امان. سوندا əلى كىشكەنتاي پەرزەنتتىڭ اكەسى جاراۋشىمىزدان بىر كۇندىك ومىرى بار بالا سۇراپ ەدىم, بالام ۇزاق ومىر سۇرە مە قالاي دەسە, مەن بىر كۇندىك ومىرى بار بالا بەرىپ ەدىم, كوپتىڭ تىلەۋى قابىل بولىپ ەندى ومىرى ۇزاق بولادى دەگەن ەكەن. سول سەكىلدى, كوپتىڭ تىلەۋى قابىل بولىپ, يسلام اعانىڭ ىسى وڭىنان شەشىلسە ەكەن.

  13. نازيرا 5 قازان, 2019 22:28 جاۋاپ

    پرەزيدەنت بەرگەن ۋəدەلەرىن ورىندايمىن دەدى. راس بولسا وسى سوزى جالاقورلارعا شارا قولدانىلسىن.ھ

  14. اشا 5 قازان, 2019 22:32 جاۋاپ

    امان بولايىق . بار بولايىق نار بولايىق.يسلام Əبىشەۆكە بوستاندىق بەرىلسىن!

  15. ميرا 5 قازان, 2019 22:36 جاۋاپ

    قازاقتىڭ بارشا زييالى قاۋىم وكىلدەرى قولداپ الداعى سوتقا بارسىنشى. داۋىسىن جەتكىزسىنشى سوتقا. اقتالىپ شىقسىنشى اردا ازامات! يسلام Əبىشەۆكە بوستاندىق.

  16. سانييا 5 قازان, 2019 22:38 جاۋاپ

    ورىستىڭ كەمپىرلەرىنە دەيىن جانارىنا جاس الىپ تۇرىپ شىعارىپ سالعان بىردەن بىر əكىم Əبىشەۆ ەدى. حالقىمەن بىرگە اللا قولداسىن! جار بولسىن سىزگە جاراتقان!

  17. ابزال الپىسبايۇلى 6 قازان, 2019 20:24 جاۋاپ

    يسلام ابىشەۆ ارى تازا, حالقىنىڭ ىرىزدىعىن قورعاپ قالعان اياۋلى ازامات!!! جازىقسىز جالا جابىلىپ, تەمىر تورعا قامالعانى ەلىمىزدەگى جەمقورلىقتىڭ شەگىنە جەتكەندىگىنىڭ ايقىن كورىنىسى. ەلدىڭ قازىناسىن قورقاۋلاردىڭ قوماعاي ارانىنان اراشالاعان ازامات بوستاندىققا شىعۋى تيىس!!!

  18. جۇلدىز 6 قازان, 2019 23:09 جاۋاپ

    قازىرگى كەزدە باق ۇلكەن كۇش, جۇرتشىلىق, قاۋىم بولىپ بىرىكسەك ادىلدىك جەڭىپ, اعامىز تۇرمەدەن شىعادى دەپ ويلايمىن!

  19. اينۇر 6 قازان, 2019 23:20 جاۋاپ

    ول كىسى كىمگە نە ۇشىن ۇناماي قالدى ماسەلە سوندا. قازىرگى زاماندا جوعارىداعى ادامدارعا قارسى پىكىر, وز ويىندى بۇكپەي ايتقان ادام جاقپاي, ارتىنان شام الىپ تۇسەدى.

  20. كارلىگاش 6 قازان, 2019 23:23 جاۋاپ

    ايتارىن اشىپ ايتقان ابايلاماي,
    داريعا-اي,
    ماحامبەتتەر, ابايلار-اي!!!

  21. قۇرالاي 6 قازان, 2019 23:43 جاۋاپ

    اعامىزدى قولداپ, قيىن ساتتە دەمەۋ بولايىك! ادام بولعان سوڭ مىنا قوعامدا اربىر ازاماتتىڭ باسىنا تۇسۋى مۇمكىن جايت. اللا سىزگە دەنساۋلىق, توزىم, جۇرەگىڭىزگە سەنىم كۇشىن بەرسىن!

  22. رايگۇل 7 قازان, 2019 00:01 جاۋاپ

    وبلىس اكىمى بىرىنشى ورىنباسارى, وسكەمەن قالاسى اكىمى, سۋ رەسۋرستارى كومييەتى توراعاسى (سۋ مينيسترى دەڭگەيىندە). وسىنداي ۇلكەن قىزمەتتەر اتقارعان ەل ازاماتىن جاسى كەلىپ,زەينەتكە شىعار كەزدە تۇرمەگە قاماۋ تاريحقا سىن, وتە ۇياتتى بولىپ تۇر. بارلىق جاعداي زەرتتەلىپ, ىس قايتا قارالۋ كەرەك دەپ ويلايمىن!

پىكىر نەمەسە جاۋاپ جازۋ

19 − 6 =