Қазыбек Иса: Мемлекеттік тіл туралы заң қабылдамаған біздің мемлекет қана (видео)

Бөлісу:

Ата заңдағы 7-баптың 2-тармағын алып тастауымыз керек!

Бұл туралы белгілі ақын, Ұлттық Кеңес мүшесі Қазыбек Иса «Қазақстан» ұлттық арнасындағы «Ашық алаң» бағдарламасында мәлімдеді.

– Ата заңымыз бар. Сол Ата заңнан бастауымыз керек. Ата заңдағы 7-баптың 1-ші тармағында қазақ тілі Мемлекеттік тіл деп бекітілген. Ал, 7-баптың 2-тармағында орыс тілі қазақ тілімен қатар ресми тіл ретінде қатар қолданылады деп жазылған. Біз орыс тілі туралы бапты алып тастауымыз керек. Оны алып тастамай басқа заңдардың ешқайсысы да дамымайды. Мемлекеттік тіл туралы заң қабылдауымыз керек. Тәуелсіз елдердің ішінде біздің мемлекет қана мемлекеттік тіл туралы заң қабылдамаған. Ал, 1989-жылғы заңға келейік. 89-шы жылы біз тәуелсіз бе едік? Кеңес империясы құрамындағы ел болатынбыз. Сол кезде орыс тілі ұлтаралық қатынас тілі деп қабылданған болатын, – деді «Ақ жол» партиясы төрағасының орынбасары Қазыбек Иса пікірталас барысында.

Еске сала кетейік, осыған дейін ҚР Президенті Қасым-Жомарт Тоқаевтың қатысуымен өткен Ұлттық Кеңестің алғашқы отырысында қоғам қайраткері Қазыбек Иса Мемлекеттік тіл мәселесін көтеріп, орыс тілін ресми тіл статусынан айыратын уақыттың жеткенін айтқан болатын.

qazaquni.kz

Бөлісу:

Facebook арқылы жазылған пікірлер

Сайтта 7 пікір жазылған

  1. Гүлвира 1 Қазан, 2019 12:34 Жауап

    «Тілі жоғалған ұлттың өзі де жоғалады» демекші, қазақ тілінің тағдырына алаңдауыңыз өте орынды Қазыбек мырза. Билікке ұнамай қаламау деп жасқанбай қазақ тілі үшін шын алаңдаған адамның бірі де бірегейі өзіңіз. Алла жар болып, əр ісіңіз сəтті болғай!

  2. Гүлмира 1 Қазан, 2019 12:39 Жауап

    Иə, Қазыбек аға дұрыс айтасыз Атазаңдағы 7-баптың 2-тармағын алып тастамай, қазақ тілінің көсегесін көгертеміз деу бос əурешілік. Орыс тілінен заң жүзінде бас тартқан кезде ғана қазақ тіліне деген қажеттілікті өз-өзінен туғыза аламыз.Сіздің ұсынысыңыз орындалуы керек.

  3. Айдана 1 Қазан, 2019 12:46 Жауап

    Тəуелсіз мемлекеттердің ішінде мемлекеттік тіл туралы заңы жоқ жалғыз ел екенімізді айтқан екен белгілі ұлт жанашыры, қоғам қайраткері, ақын Қазыбек Иса. Сондықтан екен ғой, өз елінде жүріп, өз тілінде сөйлемейтін жалғыз ел атанып жүргеніміз.

  4. Тұрақ-Серік 1 Қазан, 2019 14:10 Жауап

    «Қазақ тілінің жағдайының дұрысталуына кімнен қолдау және не жетіспейді , не кедергі ?» деп әдемілеп ақ сұрады журналист, бірақ өкінішке орай, президенттің шын пейілі мен ерік жігері (политическая воля) жетіспейді, егер ол шынымен қолдаса заң да қабылданады, орыстілділер өздерінің күні үшін қазақша үйренуге мәжбүр болады» деп ешкім айта алмады
    Қазақ тіліне қажеттілік туғызатын, үйренуге мәжбүрлейтін бір ақ нәрсе бар, ол Президенттің шын қолдауы, 2-3 жылдан соңқазақ тілін білмесең жұмыс істемейсің деп
    Айтуы, осыны заңмен бекітуі

  5. Жанат 1 Қазан, 2019 14:37 Жауап

    Бізде орыстану, орыстандыру саясаты өз күшінде. Оны кеше ақиқат алаңына шыққан депудатымыз Геннадий дәлелдеп берді өз сөзімен оңай шағылатын жаңғақ емес екенін. Біздің билік, саяси элиталарымыз қазақшаланбай ел қазақшаланбайды. Заңды күшейтіп, Геннадилардың арманын әлсірету керек. Өз тағдырың өз қолыңда. Өз мемлекетімізде өзге тілді басындыруға жол жоқ. Әр мемлекет өз қотырын өзі қасысын. Үй ішінен үй тігіп, ешқандай референдвмның қажеті жоқ. Федералдық Ресей өзге ұлттар үшін рефеендум неге өткізбейді? Әр мемлекеттің өз саясаты бар. Сол үшін әлсіз тіл туралы заңдарымызды өзгертіп, мықтап шегелеп алуымыз керек.

  6. Алмас әсемханұлы 1 Қазан, 2019 18:20 Жауап

    Қазақстан ресей федерациясының бір субъектісі сияқты. Тәуелсіз ел бола тұра освндай сорақы халдеміз. Ұят. Қазқ тілін білмей елдің азаматтығын алуға болады бізде. Әлемде ондай жалғыз біздің мемлекетте ғана ондай. 7 шi бапты плып тпсьау керек, оған қоса мемлекеттік тілді білу міндеттеу керек.

Пікір немесе жауап жазу

он тоғыз − 19 =