«3 млн теңгеден асады»: депутат мұнайшылардың жалақысы туралы айтты

6055
3
Бөлісу:

Сенат депутаты Мұрат Бақтиярұлы мұнай компанияларында істейтін шетелдік және қазақстандық мамандардың жалақысындағы айырмашылықты азайтуды сұрады, деп хабарлайды Sputnik Қазақстан тілшісі.

Бақтиярұлының айтуынша мұнай компанияларында істейтін шетелдік және қазақстандық мамандардың жалақысында үлкен айырмашылық бар.

«Мысалы, тексеріс барысында Қызылорда облысындағы «ПетроҚазақстан Құмкөл Ресорсиз» компаниясында жұмыс істейтін қазақстандық учаске шеберінің жалақысы 315 мың теңге болса, шетелдік осы лауазымдағы осы маманның жалақысы 3 миллион теңгеден асады. Мұндай мысалдар Атырау, Маңғыстау, Ақтөбе облыстарында да жеткілікті», – деді ол сенаттың жалпы отырысында премьер-министрге жолдаған депутаттық сауалында.

Сенатордың айтуынша, Қазақстанның қолданыстағы еңбек және жұмыспен қамту заңнамаларында сәйкессіздік фактісі орын алған жұмыс берушілерге қатысты ықпал ету тетіктері қарастырылмаған.

«Осыған байланысты құрметті Асқар Ұзақбайұлы, жергілікті және шетелдік қызметкерлерге еңбекақы төлеу жөніндегі халықаралық тәжірибелерді тұжырымдап еңбекақыдағы сәйкессіздіктерді қысқарту, оның ішінде шетелдік жұмыс күшін тарту кезінде міндеттемелерді орындау бойынша жауапкершілікті күшейту және мұнайды терең өңдейтін мұнай-химия саласын дамыту жөнінде кешенді шаралар қабылдауыңызды сұраймын», – деді Бақтиярұлы.

Бөлісу:

Facebook арқылы жазылған пікірлер

Сайтта 3 пікір жазылған

  1. Тұрлан 28 Қыркүйек, 2019 15:17 Жауап

    Қазақ қазақ болғалы, белгілі бір кісінің тапсыруымен осылай болған, таңданатын ештеңе жоқ, әлі де солай болмақ, депутат пен министрге жалтақтаудың қажеті шамалы.

  2. Николай 30 Қыркүйек, 2019 13:18 Жауап

    Европада жұмысшының айлығы теңгемен санағанда орташа есеппенен 1,5млн.теңгені құрайды. Онда бүкіл бәрінің айлықтарын біржолата жөндеп алайық!

Пікір немесе жауап жазу

бес × бір =